Yesaya 22:4 - BAIBLO ALOO NGMAMI KLƆUKLƆU Ɔ

⁴ Nyɛɛ ngmɛɛ ye he nɛ ma nyɛ ya wawɛɛ ha nihi nɛ gbo ɔ. Nyɛ ko gba nyɛ he nya kaa nyɛ maa jɔɔ ye bua.

Yesaya 22:4 ပူးပေါင်းရင်းမြစ်များ

Ester 4:1

Benɛ Mordekai na le níhi tsuo nɛ a pee ɔ, e kɛ hía e tade ɔmɛ ngɛ e he. E ha kpekpe ya bo, nɛ e muɔ la zu ngɔ pue e yi mi; kɛkɛ nɛ e je kpo kɛ nyɛɛ ma a mi kɛ ya boboobo, hluu

La 77:2

Benɛ i ngɛ haomi mi ɔ, i hla Nyɔmtsɛ se blɔ. Nyɔ mi ɔ, i wo ye nine nɔ kɛ ya hiɔwe, nɛ i sɔle nɛ ye kɔni gbo we. I na we bua jɔmi ko kulaa.

Yesaya 15:3

A bu kpekpe ya bo kɛ nyɛɛ gbɛjegbɛ ɔmɛ a nɔ, nɛ a wo yana ngɛ ma kpe he ɔmɛ kɛ a tsu ɔmɛ a yi mi.

Yesaya 33:7

Hyɛ bɔ nɛ katsɛmɛ ɔmɛ ngɛ ngmlaa kpae ngɛ gbɛjegbɛ ɔmɛ a nɔ ha. Hyɛ bɔ nɛ tsɔli ɔmɛ nɛ ngɛ mɔde bɔe kaa tue mi jɔmi nɛ ba a wo yana boboobo ha.

Yeremia 13:17

Se ke nyɛ bui tue kɛ mwɔɔ ɔ, lɛɛ ma fo ya ngɛ laami mi ngɛ nyɛ he nɔ womi ɔ he. Ma fo ya hluu kɛ yaa si ye hɛngmɛ maa tɔ nyu, ejakaa a nuu Yawɛ ma mi bi ɔmɛ nyɔguɛ kɛ je.

Yeremia 31:15

Yawɛ ke, “A nu gbi ko ngɛ Rama, kɔmɔ yemi kɛ ya fomi nɛ nya wa, Rahel ngɛ e bimɛ ɔmɛ foe nɛ e kplɛɛ we kpatami, ejakaa a be hu.

Yeremia 4:19

Ao! Ao! Ye mi mi! Ye mi mi! Ye tsui! Ye tsui ngɛ fiae kpla, kpla! I be nyɛe nɛ ma pee dii; ejakaa i nu nɛ a ngɛ titimati kpae, nɛ ta ose ngɛ pɛe.

Yeremia 6:26

Yawɛ de e ma a ke, “Nyɛ bu kpekpe ya bo, nɛ nyɛɛ ngɔ nyɛ he kɛ wuwlua si ngɛ la zu mi. Nyɛɛ wo yana nɛ nyɛɛ ye kɔmɔ kaa a yeɔ kɔmɔ kɛ haa bi kake too nɛ gbo, ejakaa ta a nɛ ma nyɛ hɛ mi kpatami ɔ ma ba tua nyɛ tlukaa.

Yeremia 8:18

Ye we aywilɛho ɔ nya wa tsɔ ha mi; i nyɛ we hu. Ye tsui kpa miɔ nɛ e ma tsɔ.

Yeremia 9:1

I ná nɛ ye yi pee kaa vu kɛ e mi nyu, nɛ ye hɛngmɛhi plɛ pee nyu hɛngmɛ nɛ vo nyu ngɛ mi jee babaaba. Jinɛ i ko fo ya nyɔ kɛ pia kɛ ha ye ma mi bi ɔmɛ nɛ a gbe ɔ.

Yeremia 9:18

Ma a de ke, “Nyɛ de mɛ nɛ a pee esɔ nɛ a ba wo yana ha wɔ, kɛ yaa si wa hɛngmɛ ɔmɛ maa tɔ nyu, nɛ wa hɛngmɛ se maa fuu kɛ ya fomi sɔuu.”

Kɔmɔ Yemi 2:11

I fo ya hluu, nɛ ye hɛngmɛ tsuo fuu. I ngɛ he hiami mi wawɛɛ. Ye tsui ngɛ mi yee, ejakaa a ywia ye we bi ɔmɛ a ma a. Jokuɛwi kɛ bimwɔwi ngɛ hɛlie ngɛ gbɛjegbɛ ɔmɛ a nɔ ngɛ ma a mi.

Ezekiel 21:11

Lɔ ɔ he ɔ, a sa klaate ɔ he saminya, konɛ a kɛ tsu ní. A duɔ klaate ɔ nya, nɛ a sa he hulɔ, konɛ a kɛ wo awi yelɔ ko dɛ mi.

Ezekiel 27:31

A sɛ a yi kpalokpalo; a ha kpekpe ya bo kɛ ngɛ aywilɛho yee; a ngɛ ya nyɛe wawɛɛ ha mo.

Mika 1:8

Kɛkɛ nɛ Mika de ke, “Nɔ́ nɛ ɔ he je ɔ, ma nya awe, nɛ ma ye kɔmɔ. Ma hɛɛ ye he gu, nɛ ma nyɛɛ nane gu. Ma huã kaa nga mi gbe, nɛ ma nya awe kaa afukpɔngɔ.

Mateo 2:18

“A nu gbi ko ngɛ Rama, kɔmɔ yemi kɛ ya boboobo. Rahel ngɛ e bimɛ ɔmɛ foe, nɛ e kplɛɛ we kpatami, ejakaa e bimɛ ɔmɛ gbo.”

Mateo 26:75

Nɛ Petro kai munyu ɔ nɛ Yesu tu lɛ ke, “Loko kungwɔ ma kpa nɔ́ ɔ, o ma de si etɛ ke o li mi” ɔ. Nɛ e je kpo, nɛ e ya fo ya wawɛɛ.

Luka 1:2

pɛpɛɛpɛ kaa bɔ nɛ nihi nɛ na ní nɛ ɔmɛ kɛ je sisije ɔ de wɔ, nɛ a fiɛ ngɔ tsɔɔ ɔ.

Luka 19:41

Jehanɛ ɔ, Yesu su ma a he haa, nɛ benɛ e na ma a, e fo ya pue e nɔ,