Yesaya 22:22 - BAIBLO ALOO NGMAMI KLƆUKLƆU Ɔ

²² He wami blɔ nya nɛ Matsɛ David sɛ ɔ hɛɛ ɔ, ma ngɔ kɛ ha lɛ. He wami blɔ nya nɛ ɔ ngɛ kaa safe ko. Ke e bli ɔ, nɔ ko nɔ ko be nɛ ma nga, nɛ ke e nga a, nɔ ko nɔ ko be nɛ ma bli.

Yesaya 22:22 ပူးပေါင်းရင်းမြစ်များ

Kpojemi 3:7

“Bɔfo ɔ nɛ ngɛ asafo ɔ nya ngɛ Filadelfia a, ngmaa womi nɛ ɔ ya ha lɛ ke, “Sɛ gbi nɛ je nɔ klɔuklɔu nɛ yeɔ anɔkuale ɔ ngɔ ji nɛ ɔ nɛ. Lɛ nɛ e hɛɛ David safe ɔ nɛ. Ke e bli sinya a, nɔ ko nɔ ko be nyɛe ma nga; nɛ ke e nga a, nɔ ko nɔ ko be nyɛe ma bli.

Hiob 12:14

Ke Mawu ku nɔ́ ko kɛ pue si ɔ, mɛnɔ ma nyɛ maa ma ekohu? Ke e nga nɔ ko yi kɛ wo tsu mi ɔ, mɛnɔ ma nyɛ ma bli lɛ?

Kpojemi 1:18

Imi ji hɛ kalɔ ɔ! I gbo, se hyɛ, ye hɛ ngɛ kɛ yaa neneene. I ngɛ gbenɔ kɛ gbeje a nya safe.

Yesaya 7:2

Benɛ Yuda matsɛ ɔ nu kaa Siria ta a ba sɛ Israel zugba a mi momo ɔ, e kɛ e ma mi bi ɔmɛ tsuo ye gbeye wawɛɛ nitsɛ, nɛ a he do blibliibli kaa tsohi nɛ ngɛ mimiɛe ngɛ kɔɔhiɔ nya.

Yesaya 7:13

Yesaya he nɔ ke, “Matsɛ David nina, jehanɛ bu tue. E ji nɔ́ yayami kaa o maa hao nimli adesahi hluu kɛ yaa si a tsui si tomi maa ta. Anɛ o ngɛ hlae nɛ o hao wa Mawu ɔ hu ja kɛ yaa si e tsui si tomi maa ta lo?

Yesaya 9:6

Ejakaa a fɔ bi ha wɔ! A ha wɔ binyumuyo! Lɛ nɛ e ma ba ye wa nɔ. A ma tsɛ lɛ ke, “Nyakpɛ ga wolɔ,” “Mawu he walɔ,” “Tsɛ nɛ ngɛ kɛ yaa neneene,” “Ganɔ nɛ yi nɔ jɔ.”

Hiob 31:36

i kɛ maa fɔ ye konɔ, nɛ ma fi kɛ wo ye yi kaa jlasi.