Yesaya 22:20 - BAIBLO ALOO NGMAMI KLƆUKLƆU Ɔ

²⁰ Yawɛ de Shebna ke, “Ke e ba mi ja a, ma tsɛ ye tsɔlɔ Eliakim, Hilkia bi ɔ kɛ ba.

Yesaya 22:20 ပူးပေါင်းရင်းမြစ်များ

Yesaya 36:3

Kɛkɛ nɛ ni etɛ nɛ ɔmɛ je kpo nɛ a kɛ lɛ ba kpe: Hilkia bi Eliakim nɛ hyɛɛ matsɛ we ɔ nɔ ɔ; Shebna, matsɛ pɛdiyo ɔ; kɛ Asaf bi Yoa nɛ ngmaa sanehi kɛ toɔ ɔ.

Matsɛmɛ II, 18:18

Benɛ a bi Matsɛ Hezekia si ɔ, matsɛ ɔ tsɔli etɛ je kpo nɛ a kɛ mɛ ba kpe. Mɛ ji Eliakim, Hilkia binyumu ɔ nɛ hyɛɛ matsɛ we ɔ nɔ ɔ, Shebna, matsɛ pɛdiyo ɔ, kɛ Yoa, Asaf binyumu ɔ nɛ ngmaa sanehi kɛ too ɔ.

Yesaya 37:2

E tsɔ Eliakim, matsɛ we ɔ nɔ hyɛlɔ ɔ, Shebna, matsɛ pɛdiyo ɔ, kɛ osɔfo ɔmɛ a nikɔtɔma amɛ kɛ ya na gbalɔ Yesaya, Amoz bi ɔ. Tsɔli ɔmɛ hu ha kpekpe ya bo.

Yesaya 36:22

Kɛkɛ nɛ Eliakim, Hilkia binyumu ɔ nɛ hyɛɛ matsɛ we ɔ nɔ ɔ, Shebna, matsɛ pɛdiyo ɔ, kɛ Yoa, Asaf binyumu ɔ nɛ ji sanehi ngmalɔ ɔ kɛ aywilɛho hía tade ɔmɛ ngɛ a he; nɛ a ho ya bɔ Matsɛ Hezekia níhi tsuo nɛ Asiria matsɛ ɔ we asafoatsɛ ɔ de ɔ.

Matsɛmɛ II, 18:37

Kɛkɛ nɛ Eliakim, Hilkia binyumu ɔ nɛ hyɛɛ matsɛ we ɔ nɔ ɔ, kɛ Shebna, matsɛ pɛdiyo ɔ, kɛ Yoa, Asaf binyumu ɔ nɛ ji sanehi ngmalɔ ɔ kɛ aywilɛho hía tade ɔmɛ ngɛ a he; nɛ a ho ya bɔ Matsɛ Hezekia níhi tsuo nɛ Asiria matsɛ ɔ we asafoatsɛ ɔ de ɔ.

Yesaya 36:11

Kɛkɛ nɛ Eliakim, Shebna, kɛ Yoa de asafoatsɛ ɔ ke, “Wa kpa mo pɛɛ, kɛ wɔ nɛ tu Aram gbi. Wa nuɔ Aram gbi ɔ. Koo tu Hebri gbi; nihi tsuo nɛ ngɛ gbogbo ɔ nɔ ɔ ngɛ wɔ tue bue.”