Yesaya 22:16 - BAIBLO ALOO NGMAMI KLƆUKLƆU Ɔ

¹⁶ “Kɛ o susuu ngɛ o he kɛɛ? Mɛnɔ ji mo? Mɛnɔ ha mo he blɔ kaa o kpɛ yɔkɔ ha o he ngɛ tɛ sa mi ngɛ yoku nɛ ɔ he?

Yesaya 22:16 ပူးပေါင်းရင်းမြစ်များ

Mateo 27:60

nɛ e ngɔ lɛ ya fɔ lɛ nitsɛ e yɔkɔ he nɛ e ha a kpɛ ngɛ tɛ sa mi ɔ mi. Lɔ ɔ se ɔ, e kpɛne tɛ agbo kɛ tsi yɔkɔ ɔ nya, nɛ e je.

Kronika II, 16:14

nɛ a pu lɛ ngɛ David ma a mi, ngɛ tɛ sa yɔkɔ ko nɛ lɛ nitsɛ e kpɛ ngɔ to ɔ mi. A ngɔ lɛ ngɔ fɔ nɔ gbogboe sa ko nɔ. A kɛ tsopahi kɛ a he via nɛ a je blɔ futu slɔɔtoslɔɔto dla sa nɛ ɔ, nɛ a slɛ la ko nɛ ngɛ tsoe gegeege kɛ wo e hɛ mi nyami.

Samuel II, 18:18

Benɛ Absalom ngɛ je mi ɔ, e ma kaimi titima ko kɛ ha e he ngɛ Matsɛ kɔ̃ ɔ mi; ejakaa e de ke, “I be binyumu ko nɛ a kɛ ma kai ye biɛ.” Lɔ ɔ he ɔ, e kɛ lɛ nitsɛ e biɛ wo titima a; nɛ kɛ ba si mwɔnɛ ɔ, a tsɛɛ lɛ Absalom kaimi nɔ́.

Hiob 3:14

Jinɛ i kɛ matsɛmɛ, kɛ nɔ yeli nɛ ma mɔhi blema ko ɔ hwɔɔ si mwɔnɛ ɔ.

Mika 2:10

Nyɛɛ je hiɛ ɔ nɛ nyɛɛ ho; he jɔɔmi he ko be hiɛ ɔ ha nyɛ. Yayamihi gbegbeegbe nɛ nyɛ pee ngɛ hiɛmɛ nɛ ɔ a he je ɔ, a ma kpata ma nɛ ɔ hɛ mi.

Yesaya 52:5

Jehanɛ, ngɛ Babilonia hu, jamɛ a amimi ɔ nɔuu a ye nyɛ; a pee nyɛ nyɔguɛhi nɛ a wui hiɔ ko ngɛ nyɛ he. Nihi nɛ ye nyɛ nɔ ɔ fĩa, nɛ a jɛ nyɛ saminya kɛ gbe ye he guɛ.

Yesaya 14:18

Je ma amɛ a matsɛmɛ ɔmɛ tsuo hwɔɔ si kɛ hɛ mi nyami ngɛ yɔkɔ agbohi a mi,

Mose I, 50:5

Nyɛ de lɛ ke, benɛ tsaatsɛ miɔ nɛ e ma gbo ɔ, e ha nɛ i ka lɛ kita kaa ke e gbo ɔ, ma ya pu lɛ ngɛ Kanaan zugba a nɔ, ngɛ yɔkɔ ɔ nɛ lɛ nitsɛ e tsua ngɔ fɔ si ɔ mi. Nyɛ de lɛ ke, i kpa lɛ pɛɛ nɛ e ha mi blɔ nɛ ma ya pu tsaatsɛ, nɛ ma kpale kɛ ba.”

Yesaya 14:19

se moo lɛɛ o be yɔkɔ ɔ eko kulaa; a sake o gbogboe ɔ ngɔ fɔ he, konɛ e sa. Nihi nɛ nɔ ngɛ ta mi ɔ, a gbogboe ɔmɛ ha o nɔ; a sake o kɛ mɛ tsuo kɛ pue tɛ muɔ ko mi kaa gbogboe nɛ a naa nɔ.

Yesaya 22:17

O susuu kaa nɔ ko nɛ he hia tsɔ ji mo, se bu tue, Yawɛ maa hɛ mo kɛ fɔ he.