Yesaya 22:11 - BAIBLO ALOO NGMAMI KLƆUKLƆU Ɔ

¹¹ nɛ nyɛ pee nyu nɔ́ agbo ko ngɛ ma a mi, konɛ nyu nɛ jee taku momo ɔ mi ɔ nɛ sɛ mi. Nyɛ pee ní nɛ ɔmɛ, se Mawu ɔ nɛ to ní nɛ ɔmɛ tsuo a blɔ nya blema lokoo ɔ lɛɛ nyɛ hla we e se blɔ.

Yesaya 22:11 ပူးပေါင်းရင်းမြစ်များ

Mika 7:7

Se imi lɛɛ, ma hyɛ Yawɛ blɔ. I kɛ ye hɛ maa fɔ Mawu nɔ, ejakaa lɛ ji nɔ nɛ ma he ye yi wami. Ye Mawu ɔ maa bu mi tue.

Yesaya 31:1

Musu tloo nihi nɛ yaa Egipt ya biɔ yemi kɛ buami ngɛ lejɛ ɔ. Musu tloo mɛ, ejakaa a ngɔɔ a hɛ kɛ fɔɔ Egipt ta zugba lɛhi, kɛ okpɔngɔ ta buli a nɔ; ejakaa a hiɛ babauu, nɛ a he wa hulɔ. Se a ngɔɛ a hɛ kɛ fɔ we Yawɛ, Israel Mawu klɔuklɔu ɔ mohu nɔ; ga womi hu a bi we lɛ.

Yesaya 17:7

Jamɛ a be ɔ, nihi maa kpale kɛ ba a bɔlɔ, Israel Mawu klɔuklɔu ɔ ngɔ kɛ ba hla yemi kɛ buami.

Matsɛmɛ II, 25:4

a ywia gbogbo ɔ nɛ a fia kɛ wo ma a he ɔ. Jamɛ a be ɔ mi ɔ, Babilonia bi ɔmɛ bɔle ma a kɛ kpe mohu, se matsɛ ɔ, kɛ ta buli ɔmɛ tsuo tu fo nyɔ ɔ mi. A gu matsɛ abɔɔ ɔ mi kɛ ya be ngɛ agbo ɔ nɛ ngɛ gbogbo enyɔ ɔmɛ a kpɛti ɔ nya; nɛ a ngɔ a yi ngɔ ka Yordan kɔ̃ ɔ mi blɔ.

Yeremia 39:4

Benɛ Yuda matsɛ, Zedekia kɛ e ta buli ɔmɛ tsuo na mɛ ɔ, a tu fo kɛ je ma a mi nyɔ ɔ mi. A gu matsɛ abɔɔ ɔ mi, kɛ ya be ngɛ agbo ɔ nɛ ngɛ gbogbo enyɔ ɔmɛ a kpɛti ɔ, nɛ a tu fo kɛ yaa Yordan kɔ̃ ɔ mi je.

Yesaya 37:26

“Anɛ o nui kaa i bɔni nɔ́ nɛ ɔ he ní tsumi kɛ je kɛ lo? Nɔ́ nɛ i ngɛ pee nɛ ɔ, i to he ga kɛ je blema lokoo, konɛ mahi nɛ a fia gbogbo ngɔ wo a he ɔ, nyɛɛ pee mɛ ma dokuhi.

Yesaya 8:17

Yawɛ ngɔ e hɛ mi ngɔ laa e ma a, se imi lɛɛ i heɔ yeɔ, nɛ i ngɔ ye hɛ ngɔ fɔ e nɔ.

Nehemia 3:16

Azbuk binyumu Nehemia, Betzur zugba a kasa fa nɔ yelɔ ɔ fia gbogbo nɛ tsa nɔ ɔ kɛ je David yɔkɔ ɔmɛ a hanɔ kɛ ya na taku ɔ, kɛ ta buli ɔmɛ a hi he ɔ.

Kronika II, 6:6

Se jehanɛ lɛɛ i hla Yerusalem, konɛ a ja mi ngɛ lejɛ ɔ; i hla mo David hulɔ, nɛ o ye ye ma Israel ɔ nɔ.’ ”

Matsɛmɛ II, 20:20

Hezekia he sane kpahi, kã nɛ e pee, kɛ taku nɛ e tsua, kɛ e he nyu dɔ nɛ e gba nɛ e kɛ tsɛ nyu kɛ ba ma a mi ɔ, a ngma ngɛ Yuda Matsɛmɛ ɔmɛ a Yi nɔ Sanehi womi ɔ mi.

Yesaya 7:3

Yawɛ de Yesaya ke, “Yaa nɛ o kɛ Matsɛ Ahaz ya kpe; ngɔɔ o bi Shear Yashub ngɔ piɛ o he kɛ ya. O maa na lɛ ngɛ gbɛjegbɛ ɔ nɔ ngɛ bo loli a ní tsumi he ɔ, he nɛ nyu dɔ nɛ gblaa nyu kɛ jee pa a nɛ ngɛ yiti je ɔ nya ya ta ngɛ ɔ.