Yesaya 22:1 - BAIBLO ALOO NGMAMI KLƆUKLƆU Ɔ

¹ Sɛ gbi nɛ kɔɔ nina kɔ̃ ɔ he ji nɛ ɔ nɛ. Mɛni ba? Mɛni o ma a mi bi ɔmɛ tsuo kuɔ kɛ ho a tsuhi a yi mi ya ya ngɛ pee?

Yesaya 22:1 ပူးပေါင်းရင်းမြစ်များ

Yeremia 21:13

Mo Yerusalem, o maa si piɔpiɔɔpiɔ ngɛ kɔ̃ ɔmɛ a mi kaa tɛ sa ngɛ nga kplanaa nɔ. Se i kɛ mo maa to ní. O deɔ ke nɔ ko be nyɛe ma ba tua mo, nɛ nɔ ko be nyɛe maa sɛ o mɔ ɔmɛ a mi.

La 125:2

Bɔ nɛ yohi bɔle Yerusalem kɛ kpe ɔ, ja Yawɛ he wami ɔ bɔle e ma a kɛ kpe kɛ je be nɛ ɔ mi kɛ yaa neneene tsuo.

Yoel 3:14

A ya bua a he nya babauu, akpeakpe abɔ ngɛ Kojomi kɔ̃ ɔ mi. E be kɛe kulaa nɛ Yawɛ ligbi ɔ ma ba na mɛ ngɛ lejɛ ɔ.

Yoel 3:12

“Je ma amɛ, nyɛ he nɛ sɔ, nɛ nyɛɛ ba Kojomi kɔ̃ ɔ mi. Lejɛ ɔ nɛ imi, Yawɛ nitsɛ, ma ba kojo je ma amɛ tsuo nɛ pueɔ si ɔ ngɛ.

Yesaya 15:3

A bu kpekpe ya bo kɛ nyɛɛ gbɛjegbɛ ɔmɛ a nɔ, nɛ a wo yana ngɛ ma kpe he ɔmɛ kɛ a tsu ɔmɛ a yi mi.

Romabi 3:2

Ee, nɔ pomi he ngɛ se nami babauu ngɛ blɔ tsuaa blɔ nɔ. Kekleekle nɔ́ ji kaa a tu Mawu munyu ɔ ngɔ wo Yuda bi ɔmɛ a dɛ.

Mika 3:6

“Nyɛ ligbi ɔ nya ta, nɛ du miɔ nɛ e ma bu nyɛ. Nyɔ mi ɔ, nyɛ be ní nae hu; ke diblii wo ɔ, nyɛ be klaae hu.” Yawɛ lɛ de.

Yeremia 48:38

Ngɛ tsuhi a yi mi, kɛ blɔhi a nɔ ngɛ Moab zugba a nɔ ɔ, nɔ́ nɛ o maa nu kɛkɛ ji kɔmɔ yemi, ejakaa i ha nɛ Moab pee kaa buɛ nɛ ywia wɔtsɔwɔtsɔ nɛ nɔ ko sume hu.

Yesaya 13:1

Sɛ gbi nɛ kɔɔ Babilon tue gblami he nɛ Mawu ngɔ ha Yesaya, Amoz bi ɔ, ngɛ nina mi ji nɛ ɔ nɛ.

Abɛ Womi 29:18

Ma nɛ kɛ e hɛ fɔɛ Mawu nɔ ɔ, e níhi peeɔ basaa. Nɔ nɛ yeɔ mlaa a nɔ ɔ, a gbaa lɛ.

La 114:5

Mo wo, mɛni ba nɛ o tu fo ɔ? Yordan, mɛni ha o se po ɔ?

Matsɛmɛ II, 6:28

Mɛni ji o sane ɔ?” E he nɔ ke, “Ligbi ko ɔ, yo nɛ ɔ de mi ke ma ngɔ ye binyumuyo ɔ kɛ ba nɛ waa ye, konɛ e nɔ jena nɛ waa ye lɛ hu e binyumuyo ɔ.

Samuel II, 14:5

Matsɛ ɔ bi lɛ ke, “Mɛni ji o sane ɔ?” Yo ɔ he nɔ ke, “Taflaatsɛ, yalɔyo ji mi; ye huno gbo.

Samuel I, 11:5

Se benɛ a maa hyɛ ɔ, Saul ji nɛ ɔ nɛ e nyɛɛ e nahi a se kɛ je ngmɔ mi kɛ ma. Saul bi ke, “Mɛni ba loko ma a tsuo wo yana kikɛ nɛ ɔ?” A de lɛ sɛ gbi nɛ tsɔli ɔmɛ hɛɛ kɛ je Yabesh kɛ ba a.

Samuel I, 3:1

Be mi nɛ jokuɛ nyumuyo Samuel ɔ ngɛ Eli ngɔ nɛ e ngɛ Yawɛ sɔmɔe ɔ, Yawɛ nya mi sɛ gbi pɔɛ he; nɛ ní nami hu pɔɛ he.

Manyadali 18:23

Benɛ a ya na mɛ ɔ, a kpa ngmlaa kɛ tsɛ Dan bi ɔmɛ a yi se. Nɛ mɛ hu a plɛ, nɛ a bi Mika ke, “Mɛni ngɛ mo pee? Jije o kɛ nimli kpekpemi nɛ ɔmɛ yaa?”

Mose V, 22:8

“Ke o po we he ɔ, moo hyɛ nɛ o wo o tsu yi bumi ɔ he aklabatsa kɛ bɔle lɛ kɛ kpe. Ke o pee ja a, lɛɛ ke nɔ ko sane kɛ je tsu ɔ yi mi kɛ ba nɔ si nɛ e gbo ɔ, tɔmi ɔ ji mo.

Mose I, 21:17

Mawu nu nɛ jokuɛ nyumuyo ɔ ngɛ ya foe, nɛ Mawu bɔfo ɔ kɛ Hagar tu munyu kɛ je hiɔwe, nɛ e de ke, “Hagar, mɛni sane? Koo ye gbeye. Mawu nu nɛ jokuɛyo ɔ ngɛ ya foe ngɛ he nɛ e hwɔɔ si ngɛ ɔ.

Mateo 10:27

Nɔ́ nɛ i ngɛ nyɛ dee ngɛ diblii mi ɔ, nyɛɛ sɛɛ piani katakata; nɔ́ nɛ i ngɛ nyɛ tue mi woe nɛ i ngɛ nyɛ dee ɔ, nyɛɛ fiɛ ngɛ ma nɔ.

Yesaya 22:5

Mwɔnɛ ligbi nɛ ɔ, níhi nɛ Nyɔmtsɛ Yawɛ Tabohiatsɛ ɔ kɛ ba wa nɔ ngɛ nina kɔ̃ ɔ mi ji haomi, basabasa peemi, kɛ gidigidi peemi sɔuu. A ku ma a gbogbo ɔmɛ ngɔ pue si. Ngmlaa ngɛ pɛe ngɛ yo ɔmɛ a nɔ tsuo kɛ ngɛ balɔ tsɛe.

Yeremia 19:13

Ma ble wehi tsuo ngɛ Yerusalem kaa bɔ nɛ i pee Tofet ɔ. Yuda matsɛmɛ ɔmɛ a mɔhi, kɛ tsu kpahi nɛ a sãã tsopa kɛ e he via ngɛ a yi mi kɛ haa dodoehi, nɛ a sãã wai bɔ ngɛ lejɛ ɔmɛ kɛ haa mawu kpahi ɔ, ma ble mɛ.”

Yeremia 32:29

nɛ a maa mɛ ma a he la. A maa sã ma a, kɛ wehi nɛ nihi sãã tsopa kɛ e he via ngɛ a yi mi kɛ haa Baal, nɛ a ngɔɔ dã kɛ sãã wai bɔ ha mawu kpahi kɛ woɔ ye mi mi la a.

Yeremia 32:32

ejakaa Yuda ma a, kɛ Yerusalem bi ɔmɛ, a matsɛmɛ ɔmɛ, ma nimeli ɔmɛ, osɔfo ɔmɛ, kɛ gbali ɔmɛ pee yayamihi babauu nɛ a kɛ wo ye mi mi la.

Zefania 1:5

Nɔ tsuaa nɔ nɛ kuɔɔ kɛ yaa tsu yi mi, nɛ e ya jaa pu, loo nyɔhiɔ, loo dodoe ɔ, ma kpata e hɛ mi. Nihi nɛ a jaa imi Yawɛ, nɛ a woɔ si ke a maa nyɛɛ ye se, se a kɛ mawu ɔ nɛ a tsɛɛ Milkom ɔ biɛ kaa kita a, mɛ hu ma kpata a hɛ mi.