Yesaya 21:9 - BAIBLO ALOO NGMAMI KLƆUKLƆU Ɔ

⁹ Tlukaa a, ta zugba lɛ kɛ e mi nimli, kɛ okpɔngɔ ta buli nɛ to enyɔɔnyɔ ji nɛ ɔ nɛ ba hia kpo. Kɛkɛ nɛ bulɔ ɔ kpa ngmlaa ekohu ke, “Babilon hɛ mi kpata oo, e hɛ mi kpata! Amaga amɛ nɛ a ngɛ jae ɔ tsuo ku pueɔ si!”

Yesaya 21:9 ပူးပေါင်းရင်းမြစ်များ

Kpojemi 18:2

E kpa ngmlaa wawɛɛ ke, “Babilon hɛ mi kpata! Babilon ma kpetekpleenyɛ ɔ hɛ mi kpata! Piɔ lɛɛ e plɛ mumi yayamihi tsuo a si himi he; e plɛ lohwe pɛlitsɛmɛ, kɛ lohwe awi yeli nɛ a hiee tsuo a si himi he.

Kpojemi 14:8

Bɔfo enyɔne ba ngɛ kekleekle nɔ́ ɔ se, nɛ e ngɛ dee ke, “Babilon hɛ mi kpata! Babilon ma kpetekpleenyɛ ɔ hɛ mi kpata! Babilon yakayaka ní peemi ɔmɛ ha nɛ je ɔ tsuo puɛ; e ngɛ kaa dã nɛ nya wa nɛ e ha mɛ nɛ a nu.”

Yeremia 51:8

Babilonia nɔ si tlukaa, nɛ e hɛ mi kpata. Nyɛ nya awe ha lɛ! Nyɛɛ to e pa amɛ a nɔ tsopa kaa alini e ma na he wami lo.

Yeremia 51:44

Ma gbla Babilonia mawu ɔ nɛ a tsɛɛ Bel ɔ tue, nɛ ma je e ju ní ɔmɛ kpo; je ma amɛ be lɛ jae hu. “Babilon gbogbo ɔmɛ ku kɛ pueɔ si.

Yesaya 13:19

Babilonia nɔ yemi ɔ ji nɔ yemi ko nɛ hɛ mi ngɛ nyami pe kulaa; nɛ lɔ ɔ he ɔ, e mi bi ɔmɛ fĩaa. Se imi Yawɛ, ma kpata Babilon hɛ mi pɛsɛpɛsɛ kaa bɔ nɛ i pee Sodom kɛ Gomora a!

Kpojemi 18:21

Jehanɛ ɔ, bɔfo kpetekpleenyɛ ko wo tɛ nɛ ngɛ kaa wɛ nguaa ko, nɛ e hɛ ngɔ fɔ wo mi, nɛ e de ke, “Kikɛ nɛ ɔ a maa hɛ Babilon ma kpetekpleenyɛ ɔ ngɔ fɔ he, nɛ a be lɛ nae hu gblegbleegble.

Yeremia 51:64

nɛ o de ke, ‘Bɔ nɛ Babilonia ma mu kɛ ya nyu sisi ji nɛ ɔ nɛ. Babilonia ma mu, nɛ e be hiae hu, ejakaa Yawɛ ma kpata zugba a hɛ mi pɛsɛpɛsɛ.’ ” Yeremia sɛ gbi ɔ nya ta ngɛ hiɛ ɔ.

Yeremia 51:52

Lɔ ɔ he ɔ, i ngɛ dee ke, be ma nɛ i kɛ Babilon amaga amɛ maa to ní, nɛ a maa nu nihi nɛ plaa a he nɛ a ngɛ kɛmɛe ngɛ zugba a nɔ tsuo.

Yeremia 51:47

Lɔ ɔ he ɔ, be ma nɛ i kɛ Babilonia amaga amɛ maa to ní. Babilonia zugba a tsuo hɛ mi ma pue si, nɛ Babilonia bi ɔmɛ tsuo a hɛ mi ma kpata.

Yeremia 51:27

“Nyɛɛ si aflaangaa. Nyɛ kpa titimati nɛ je ma amɛ nɛ a nu! Nyɛ ha nɛ je ma amɛ nɛ a mia, nɛ a kɛ Babilonia ya hwu ta! Nyɛ de Ararat, Mini, kɛ Ashkenaz matsɛ yemi ɔmɛ ke a ya tua Babilonia. Nyɛ hla tatsɛ nɛ e nyɛɛ a hɛ mi. Nyɛɛ ngɔ okpɔngɔhi babauu kaa baalɛhi kɛ ba.

Yeremia 50:42

A hɛɛ kɛ̃ɛ̃ kɛ akplɔ; a yi mi wa, nɛ mɔbɔ nami ko kulaa be a mi. A he ose, nɛ a hi okpɔngɔhi a nɔ kɛ ma; nɛ lejɛ ɔ tsuo pee hoo kaa wo nɛ ngɛ fiae gudugudu. A mia kɛ ma nɛ a kɛ Babilonia ba hwu ta.

Yeremia 50:38

Pahi tsuo a mi nyu maa mii ta, nɛ nyu hwɔ maa ba zugba a nɔ! Amaga gbeyegbeyehi sɔuu ji zugba a nɔ, nɛ lɔ ɔmɛ ma mi bi ɔmɛ ngɔ a tsui kɛ ha.

Yeremia 50:29

“Nyɛ ha nɛ nihi nɛ le kɛ̃ɛ̃ tsɛ̃mi ɔ, a ya nɛ a ya tua Babilon. Nyɛ ha nɛ ni nɛmɛ tsuo nɛ tsuɔ kɛ̃ɛ̃ he ní ɔ, a ya sa ma a yi kɛ kpe, nɛ nɔ ko nɔ ko nɛ ko tu fo kɛ je. Nyɛɛ gbla e tue ngɛ níhi nɛ e pee ɔ tsuo he. Bɔ nɛ e pee ni kpa amɛ ɔ, nyɛɛ pee lɛ ngɔ to nane mi ja nɔuu; ejakaa e wo e he nɔ ngɛ imi Yawɛ, Israel Nɔ Klɔuklɔu ɔ, ye nɔ.

Yeremia 50:9

Ma ya sú je mahi babauu nɛ a he wa kɛ je omleyi je kɛ wo Babilonia he. A ma gba ta kɛ wo zugba a, nɛ a maa ngɔ lɛ. Ta buli kpanakpanaahi ji mɛ. A dɛ nya da, nɛ ke a tsɛ̃ kɛ̃ɛ̃ ɔ, e bi nɔ́ he kɔkɔɔkɔ.

Yesaya 14:4

Ke Yawɛ pee enɛ ɔ, nyɛ Israel bi ɔmɛ hu nyɛ maa ye Babilonia matsɛ ɔ he fɛu ke, “Matsɛ yiwutsotsɛ ɔ nɔ si! E be nɔ ko nɔ ko yi mi wae hu.

Yesaya 21:7

Ke e na okpɔngɔhi, kɛ okpɔngɔ ta buli nɛ a to enyɔɔnyɔ, loo nihi nɛ a hi tejihi, kɛ afukpɔngɔhi a nɔ kɛ ma a, e pee klaalo.”

Yesaya 47:5

Yawɛ ngɛ Babilon dee ke, “Hii si dii ngɛ diblii mi; a be mo tsɛe ke je ma amɛ a manyɛ hu.

Yesaya 47:9

Se tlukaa, ligbi kake mi ɔ, nɔ́ enyɔ nɛ ɔmɛ maa ba o nɔ; o maa ye kunya, nɛ o maa fi kablɛ babauu, se o huno, kɛ o bimɛ tsuo maa laa mo.

Yesaya 48:14

“Nyɛ tsuo nyɛ ba bua nyɛ he nya nɛ nyɛɛ bu tue! Nyɛ mawu ɔmɛ a ti mɛnɔ gba enɛ ɔ kɛ to? Nɔ nɛ imi Yawɛ, i suɔ lɛ ɔ, ma ba pee nɔ́ nɛ sa imi Yawɛ ye hɛ mi, nɛ e ma kpata Babilon hɛ mi butuu.