Yesaya 21:4 - BAIBLO ALOO NGMAMI KLƆUKLƆU Ɔ

⁴ E pee mi kaa ye hɛ mi ngɛ mi tsitsɛɛe, nɛ ye he ngɛ doe blibliibli kɛ sawale. Jinɛ i ngɛ blɔ hyɛe kaa du nɛ bu mla, se gbeye níhi mohu nɛ je mi kɛ ba.

Yesaya 21:4 ပူးပေါင်းရင်းမြစ်များ

Nahum 1:10

Kaa bɔ nɛ a buaa mio tsohi, kɛ go gbigbli nya nɛ a sãã a, jã e maa sã nyɛ butuu!

Daniel 5:5

Tlukaa a, nɔmlɔ nine ko je kpo, nɛ e bɔni ní ngmami ngɛ gbogbo nɛ a sa he ɔ he ngɛ matsɛ we ɔ mi. Matsɛ ɔ na nine ɔ nɛ ngɛ ní ɔ ngmae, ejakaa kane la a ngɛ kpɛe saminya ngɛ lejɛ ɔ.

Daniel 5:1

Ligbi ko ɔ, Matsɛ Belshazar tsɛ e ma nimeli akpe ní yemi, nɛ e kɛ mɛ nu dã. Nɔ́ nɛ ɔ sɔ wawɛɛ nitsɛ.

Yeremia 51:57

Ma ha nɛ a ma nimeli ɔmɛ, ní leli ɔmɛ, amlaalo ɔmɛ, ma ní tsuli ɔmɛ, kɛ ta buli ɔmɛ maa tɔ dã. Ke a hwɔ si ɔ, a be si tee hu. Imi, matsɛ ɔ lɛ i de. Ye biɛ ji Yawɛ Tabohiatsɛ.

Yeremia 51:39

Ke a he mi akɔnɔ te si ɔ, ma tsɛ mɛ ní yemi; ma ha mɛ dã nɛ a nu nɛ a de. Kɛkɛ ɔ, a maa sɛ mahe vii mi, nɛ a be si tee hu.

Ester 5:12

Haman ya nɔ nɛ e de ke, “Nyɛɛ hyɛ, nɛ́ Manyɛ Ester ma tsɛ Matsɛ Ahasuerus ní yemi ɔ, e tsɛ we nɔ ko nɔ ko kɛ piɛ we e he, pe imi Haman pɛ. Hwɔɔ hu, Manyɛ Ester kpale tsɛ imi kɛ̃ kɛ matsɛ ɔ ní yemi ekohu.

Mose V, 28:67

Nɔ́ tsuaa nɔ́ nɛ nyɛ hɛngmɛ maa na a maa wo nyɛ he gbeye, nɛ nyɛ tsui maa po.

Daniel 5:30

Jamɛ a nyɔ ɔ mi nɔuu ɔ, a gbe Belshazar, Babilonia matsɛ ɔ;

Mose V, 32:11

Bɔ nɛ kɔle buu e tsu he, nɛ e tee kɛ bɔleɔ e bimɛ, nɛ e bliɔ e pɛli mi, nɛ e ngɔɔ e bimɛ ngɔ fɔɔ nɔ kɛ tee kɛ yaa hiɔwe ɔ, ja Yawɛ hɛɛ Israel.

La 55:5

Gbeye sɔuu ha ye he ngɛ doe blibliibli, nɛ tsuipo ha sawale nu mi.

Matsɛmɛ I, 1:49

Sawale nu ni ɔmɛ tsuo nɛ Adoniya kpee kɛ ya ní yemi ɔ; nɛ a te nɛ mɛ tsuo a gbɛ fĩa.

La 55:6

Bɔ nɛ i ngɛ dee ji, “I na nɛ i ngɛ pɛli kaa lahuɛ, jinɛ i ko te kɛ je nɛ i ya jɔɔ ye he.

Yeremia 4:19

Ao! Ao! Ye mi mi! Ye mi mi! Ye tsui! Ye tsui ngɛ fiae kpla, kpla! I be nyɛe nɛ ma pee dii; ejakaa i nu nɛ a ngɛ titimati kpae, nɛ ta ose ngɛ pɛe.