Yesaya 21:2 - BAIBLO ALOO NGMAMI KLƆUKLƆU Ɔ

² I na nina ko nɛ kɔɔ yi wu tso níhi nɛ maa ba a a he; a maa ngɔ nihi kɛ wo amanehlu mi, nɛ a hɛ mi ma kpata. Elam tabo, tee si nɛ o tua mɛ! Media tabo, wo ma amɛ a he ka! Amanehlu nɛ Babilon kɛ ba a, Mawu ma ha e se maa po.

Yesaya 21:2 ပူးပေါင်းရင်းမြစ်များ

Mose I, 10:22

Shem binyumuhi ji Elam, Ashur, Arpakshad, Lud kɛ Aram.

Matsɛmɛ II, 17:6

Hoshea yi nɔ jeha nɛ ji nɛɛ ɔ mi ɔ, Asiria matsɛ ɔ ngɔ Samaria, nɛ e muɔ Israel bi ɔmɛ kɛ ho Asiria ya. E ngɔ ni komɛ ya to Hala, e ngɔ ni komɛ ya to Habor pa a nya ngɛ Gozan zugba a nɔ, nɛ e ngɔ ni komɛ hu ya to Media bi ɔmɛ a ma amɛ a mi.

La 119:158

Ke i na nihi nɛ yi mo anɔkuale kikɛ nɛ ɔ, a he peeɔ mi tãi; ejakaa a yi o mlaa amɛ a nɔ.

La 12:5

Se Yawɛ ke, “Akɛnɛ a ngɛ ohiatsɛmɛ yi mi wae, nɛ dɛgutsɛmɛ ngɛ kɛmɛe he je ɔ, jehanɛ lɛɛ ma te si, nɛ ma ha mɛ he jɔmi nɛ a ngɛ hlae ɔ.”

La 25:3

Nihi nɛ ngɔ a hɛ kɛ fɔ o nɔ ɔ, ko ha nɛ zo nɛ gbe mɛ. Ha nɛ nimli yayamihi, kɛ yakayaka nimli mohu a hɛ mi nɛ pue si.

La 60:3

O ha o ma a na amanehlu nɛ nya wa; wa ngɛ didaae kaa nihi nɛ de dã.

La 79:11

Yawɛ, pamitsɛmɛ ɔmɛ ngɛ kɛmɛe; bu tue! Ni nɛmɛ nɛ ngɛ gbenɔ nya mi ɔ, ngɔɔ o he wami kpetekpleenyɛ ɔ kɛ kpɔ mɛ.

Abɛ Womi 13:15

Juɛmi nɛ mi kuɔ woɔ nɔ hɛ mi nyami. Nihi nɛ sisiɔ nɔ ɔ, mɛɛ lɛɛ hɛ mi kpatami blɔ nɔ a ngɛ.

Yesaya 11:11

Jamɛ a ligbi ɔ, Nyɔmtsɛ ɔ ma tsu ní kɛ he wami; e maa kpale e ma mi bi ɔmɛ nɛ piɛ ngɛ zugba nɛ ɔmɛ a nɔ ɔ kɛ maa ba we ekohu. A maa je Asiria, Egipt, Patros, Sudan, Elam, Babilonia, Hamat, kɛ mahi nɛ ngɛ wo nya a kɛ ba.

Yesaya 14:4

Ke Yawɛ pee enɛ ɔ, nyɛ Israel bi ɔmɛ hu nyɛ maa ye Babilonia matsɛ ɔ he fɛu ke, “Matsɛ yiwutsotsɛ ɔ nɔ si! E be nɔ ko nɔ ko yi mi wae hu.

Yesaya 14:7

Jehanɛ lɛɛ je ɔ tsuo na he jɔmi kɛ tue mi jɔmi, nɛ nɔ tsuaa nɔ ngɛ lae kɛ bua jɔmi.

Yesaya 22:6

Ta buli hi okpɔngɔhi a nɔ kɛ je Elam kɛ ba kɛ a dɛ mi kɛ̃ɛ̃. Ta buli nɛ je Kir hu mia kɛ tsɛ̃i ja nɔuu.

Yesaya 24:16

Wa nu yi jemi lahi nɛ a ngɛ lae kɛ je je mi nyagbe he ɔmɛ kɛ ngɛ dalɔ ɔ hɛ mi nyami woe. Se imi lɛɛ, hɛ kɛ nɔ fɔmi ko kulaa be ha mi! He lo kɛkɛ i ngɛ tae. Ye yi ta pɛ! Yi mi sɔuu nɛ nihi ngɛ a sibi wae kpamisa.

Yesaya 33:1

Musu tloo he nyɛli ɔmɛ! A fia ojo nɛ a sisi nihi; se mɛɛ lɛɛ nɔ ko fiɛ mɛ ojo, nɛ nɔ ko sisi we mɛ hulɔ. A we ojo fiami, kɛ nɔ sisimi ɔ se maa po kɛ̃, nɛ mɛ nitsɛmɛ hu a maa fia mɛ ojo, nɛ a maa sisi mɛ.

Yesaya 35:10

A maa kpale kɛ ba Yerusalem; a ma la nɛ a ma hwɔ lele. A be kɔmɔ kɛ aywilɛho yee gblegbleegble hu. A bua maa jɔ kɛ maa ya neneene.

Yesaya 47:6

Ye ma a wo ye mi mi la; lɔ ɔ he ɔ, i bui mɛ kaa ye ma hu. I ngɔ mɛ ngɔ wo o sisi, nɛ o nɛ́ mɛ mɔbɔ ko kulaa; nihi nɛ bwɔ po, o wa mɛ yi mi wawɛɛ nitsɛ.

Yeremia 31:20

“Israel, mo ji ye bi nɛ i suɔ saminya; mo ji bi nɛ i suɔ pe bimɛ ɔmɛ tsuo. Be tsuaa be nɛ ma de nɔ́ ko kɛ si mo ɔ, ja i kɛ suɔmi kai mo kɛ̃. Ye hɛ jaa ngɛ o he, lɔ ɔ he ɔ, ma na mo mɔbɔ kɛ̃.

Yeremia 31:25

Nihi nɛ pɔ tɔ mɛ ɔ, ma ha mɛ he wami he, nɛ ni nɛmɛ nɛ hwɔ gbe mɛ ɔ, ma ha mɛ ní nɛ a maa ye nɛ a maa tɔ.”

Yeremia 45:3

munyu nɛ ngɛ o nya jee ji, ‘Jehanɛ lɛɛ ye yi ta pɛ! Ejakaa Yawɛ pa ngɔ aywilɛho kɛ piɛ ye haomi ɔ he. Ye kɛmɛmi ɔ nya ba wa tsɔ, nɛ i be he jɔmi!’

Yeremia 49:34

Benɛ Zedekia ba bɔni matsɛ yemi ngɛ Yuda zugba a nɔ ɔ, e kɛ we kulaa nɛ Yawɛ kɛ mi tu munyu nɛ kɔɔ Elam zugba a he.

Yeremia 49:35

Bɔ nɛ Yawɛ Tabohiatsɛ ɔ de ji nɛ ɔ nɛ: “Ma gbe Elam kɛ̃ɛ̃ tsɛ̃li ɔmɛ tsuo; mɛ ji Elam he wami ɔ nɛ.

Yeremia 50:14

“Nyɛ kɛ̃ɛ̃ tsɛ̃li, nyɛ gba ta kɛ wo Babilon he nɛ nyɛ sa ma a yi. Nyɛ tsɛ̃ nyɛ kɛ̃ɛ̃ mi bi ɔmɛ tsuo kɛ wo ma a he, ejakaa a pee yayami kɛ si imi Yawɛ.

Yeremia 50:34

Se nɔ nɛ ma ba kpɔ mɛ ɔ, e he wa; e biɛ ji Yawɛ Tabohiatsɛ. Lɛ nitsɛ e maa ye a sane ɔ ha mɛ; e kɛ he jɔmi maa ba zugba a nɔ, se Babilonia bi ɔmɛ lɛɛ e maa hao mɛ.”

Yeremia 51:11

Yawɛ ha nɛ Media matsɛmɛ ɔmɛ a mumi te si, konɛ a ya kpata Babilonia hɛ mi. Bɔ nɛ e to nɛ e maa ye e he lue, nɛ e maa gbla Babilonia tue ngɛ lɛ Yawɛ, e we ɔ nɛ a ble ɔ he ji nɛ ɔ nɛ. Tatsɛmɛ ɔmɛ nɛ nyɛɛ ta a hɛ mi ɔ fa ke, “Nyɛɛ duɔ nyɛ kɛ̃ɛ̃ mi bi ɔmɛ a nya! Nyɛ wo nyɛ tsɛ̃i ɔmɛ a nɔ!

Yeremia 51:44

Ma gbla Babilonia mawu ɔ nɛ a tsɛɛ Bel ɔ tue, nɛ ma je e ju ní ɔmɛ kpo; je ma amɛ be lɛ jae hu. “Babilon gbogbo ɔmɛ ku kɛ pueɔ si.

Yeremia 51:53

Ke Babilon kuɔ kɛ ho hiɔwe ya nɛ e ya ma mɔ nɛ he wa ngɛ lejɛ ɔ tete po, ma tsɔ nihi kɛ ya lejɛ ɔ nɛ a ya kpata e hɛ mi. Imi, Yawɛ lɛ i de.”

Kɔmɔ Yemi 1:22

“Yayami tsuo nɛ a pee ɔ, hyɛ nɛ o kɛ mɛ nɛ to ní ngɛ he kaa bɔ nɛ o pee imi hu ngɛ ye yayami ɔmɛ tsuo a he ɔ. Ye kɛmɛmi ɔ nya ba wa tsɔ, nɛ ye he wami ta.”

Daniel 5:28

PARSIN: a dla o matsɛ yemi ɔ mi; a ngɔ fa kɛ ha Media bi, nɛ a kɛ fa hu ha Persia bi.”

Daniel 5:9

Matsɛ Belshazar hao wawɛɛ nitsɛ, nɛ e hɛ mi tsake; e ma nimeli ɔmɛ hu pee yaa.

Daniel 8:2

I na nɛ i ya je ma a nɛ a fia gbogbo ngɔ wo he nɛ a tsɛɛ lɛ Susa a tlukaa. Ma nɛ ɔ ngɛ Elam kpokpa a nɔ. I daa si ngɛ Ulai pa a nya.

Daniel 8:20

“Agbosu koli enyɔtsɛ ɔ nɛ o na a daa si ha Media kɛ Persia matsɛmɛ ɔmɛ.

Kpojemi 13:10

Ke a to ke a nu nɔ ko nyɔguɛ ɔ, ja a nu lɛ nyɔguɛ. Ke nɔ ko kɛ klaate gbe nɔ ɔ, ja a kɛ klaate gbe lɛ. Enɛ ɔ tsɔɔ kaa e hia kaa Mawu we bi nɛ to a tsui si, nɛ a pɛtɛ a hemi kɛ yemi ɔ he wawɛɛ.”

Samuel I, 24:13

Nimeli bu abɛ ke, ‘Nimli yayamihi a dɛ mi nɛ nɔ́ yayami jeɔ.’ Se imi lɛɛ ye nine be o he sae.