Yesaya 21:16 - BAIBLO ALOO NGMAMI KLƆUKLƆU Ɔ

¹⁶ Kɛkɛ nɛ Yawɛ de mi ke, “Hiɛmɛ nɛ ɔ jeha kake pɛpɛɛpɛ ɔ, Kedar weku ɔmɛ a he wami ɔ se maa po.

Yesaya 21:16 ပူးပေါင်းရင်းမြစ်များ

Yesaya 60:7

A ma bua Kedar tohi tsuo a nya kɛ ba ha mo, konɛ o kɛ sã bɔ. A kɛ Nebayot agbosuhi ma ba sã bɔ nɛ maa sa Yawɛ hɛ mi ngɛ bɔ sami la tɛ ɔ nɔ. Kɛkɛ ɔ, Yawɛ maa wo e we klɔuklɔu ɔ hɛ mi nyami babauu pe daa a.

Yesaya 16:14

Nɛ jehanɛ lɛɛ Yawɛ ke, “Hiɛmɛ nɛ ɔ jeha etɛ pɛpɛɛpɛ ɔ, ní nɛ ɔmɛ nɛ Moab ná, kɛ ma a mi nimli babauu ɔ tsuo hɛ mi ma kpata, nɛ nihi nɛ a yi ma na wami be nɔ́ ko nɔ́ ko sue; pohu a ma gbɔjɔ.”

La 120:5

Ye yi fi pɛ! Hyɛ kaa i ba to nubwɔ ngɛ Meshek; nɛ i ngɛ Kedar bi a ma mi!

Ezekiel 27:21

Arabia bi kɛ Kedar ganɔ ɔmɛ tsuo o kɛ mɛ ye jua; mɛɛ níhi nɛ a kɛ woɔ hiɔ ji agbosuhi, jijɔhi, kɛ akpakpohi.

Lahi 1:5

Nyɛ Yerusalem yihewi! I yuɔ, nɛ ye he ngɛ fɛu saminyayoo. I ngɛ kaa bo tsu nɛ ngɛ Kedar a. Ye he fɛu ɔ, Matsɛ Salomo mɔ ɔ mi tsu mi pomi bo ɔmɛ a he fɛu ɔ pɛ a kɛ maa to he.

Yeremia 49:28

Kedar wɛtso ɔ, kɛ Hazor nɔ yemi he ɔmɛ nɛ Babilonia matsɛ, Nebukadnezar ba ye a nɔ ɔ, bɔ nɛ Yawɛ de ngɛ a he ji nɛ ɔ nɛ: “Nyɛɛ ya nɛ nyɛ ya tua Kedar, ma a, nɛ nyɛ kpata beleku je wɛtso ɔ hɛ mi!

Yesaya 42:11

Nyɛ ha nga kplanaa a kɛ e nɔ ma amɛ tsuo nɛ a je Mawu yi. Nyɛ ha Kedar bi ɔmɛ nɛ a je e yi! Nyɛ ha nihi nɛ ngɛ Sela ma a mi nɛ a hwɔ lele ngɛ yo ɔmɛ a nɔ!

Mose I, 25:13

e binyumuhi ngɛ a fɔmi nya ji nɛ ɔmɛ nɛ: Nebayot, Kedar, Adbeel, Mibsam,

Hiob 7:1

Nɔmlɔ adesa wami si himi ngɛ kaa ta; nɔmlɔ ngɛ kaa apaa yelɔ ngɛ je nɛ ɔ mi.

Kronika I, 1:29

Ishmael bimɛ ngɛ a wami nya ji Nebayot (Ishmael kekleekle bi ɔ), Kedar, Adbeel, Mibsam,

Yeremia 2:10

Nyɛɛ ya Kipro wo kpɔ ɔmɛ a nɔ nɛ nyɛ ya hyɛ; nyɛɛ tsɔ kɛ ya Kedar nɛ nyɛ ya hla mi fitsofitso; nyɛɛ hyɛ kaa nɔ́ ko kaa kikɛ nɛ ɔ ba hyɛ lo!