Yesaya 21:12 - BAIBLO ALOO NGMAMI KLƆUKLƆU Ɔ

¹² I he nɔ ke, “Je na ta, se nyɔ maa kpale ba ekohu. Ke o suɔ kaa o ma ba bi si ekohu ɔ, kpale kɛ ba nɛ o ba bi.”

Yesaya 21:12 ပူးပေါင်းရင်းမြစ်များ

Ezekiel 7:12

Be ɔ ma. Ligbi ɔ su jehanɛ. Ní juami, kɛ ní hemi tsuo he be se nami hu, ejakaa Mawu maa gbla nɔ tsuaa nɔ tue, nɔ́ jualɔ jio, nɔ́ helɔ jio.

Ezekiel 7:10

Hyɛ, ligbi ɔ ji nɛ ɔ nɛ! O nyagbe ɔ su! Israel, amanehlu be ɔ ba na mo. Nɔ sisimi ngɛ nɔ yae wawɛɛ kaa tso nɛ gba mɔmɔ, nɛ he womi hu nya wa kaa blɛfo nɛ je deke.

Yesaya 55:7

Nyɛ yiwutsotsɛmɛ, nyɛ kpa awi yemi, nyɛ yayami peeli, nyɛ ko susu nɔ́ yaya hu. Nyɛɛ kpale kɛ ba Yawɛ, wa Mawu ɔ ngɔ. E naa mɔbɔ, nɛ be tsuaa be ɔ, e kɛ nɔ tɔmi paa.

Yesaya 17:14

Gbɔkuɛ nya si ɔ, a woɔ wa he gbeye, se benɛ mɔtu ke e suu ɔ, a be. Ni nɛmɛ nɛ ba fiaa wɔ ojo, nɛ a kpakpaa wa he ní kɛ yaa a, bɔ nɛ a nyagbe maa ba ji nɛ ɔ nɛ.

Yeremia 50:27

Nyɛɛ gbe a ta buli ɔmɛ tsuo! Nyɛ kpata a hɛ mi pɛsɛpɛsɛ! Babilonia bi ɔmɛ a yi fi wawɛɛ nitsɛ. A tue gblami be ɔ su!”

Yesaya 21:11

Sɛ gbi nɛ kɔɔ Edom he ji nɛ ɔ nɛ. Nɔ ko ngɛ ngmlaa kpae kɛ je Edom kɛ ngɛ bie ke, “Bulɔ, nyɔ mi mɛni be ji nɛ ɔ? Bulɔ, ngmlɛ nyɛmɛ a fia?”

Yesaya 21:13

Sɛ gbi nɛ kɔɔ Arabia he ji nɛ ɔ nɛ. Nyɛ Dedan blɔ hiali a kuu nɛ nyɛ ba pueɔ si ngɛ Arabia nga kplanaa a nɔ,

Obadia 1:1

Obadia gbami ɔ ji nɛ ɔ nɛ. Nɔ́ nɛ Nyɔmtsɛ Yawɛ de ngɛ Edom ma a he ji nɛ ɔ nɛ. Wa nu sɛ gbi ko kɛ je Yawɛ ngɔ; e tsɔ bɔfo ko ke e ya de je ma amɛ tsuo ke, “Nyɛɛ te si! Nyɛ ha waa kɛ Edom ya hwu ta!” Mal 1.2-5

Ezekiel 33:11

De mɛ ke imi Nyɔmtsɛ Yawɛ, i ngɛ ye he kita kae ke i na we yayami peelɔ gbenɔ he bua jɔmi, se mohu i suɔ kaa e kpa yayami peemi, konɛ e yi nɛ na wami. Israel, nyɛ kpa yayami nɛ nyɛ ngɛ pee ɔ. Mɛni he je nyɛ suɔ mohu kaa nyɛ ma gbo ɔ?