Yesaya 21:10 - BAIBLO ALOO NGMAMI KLƆUKLƆU Ɔ

¹⁰ Ye ma Israel, mo nɛ́ be ko ɔ, a hao mo, nɛ a wa mo yi mi wawɛɛ nitsɛ kaa ngma nɛ a gbee, nɛ a sa mi ɔ, jehanɛ lɛɛ bu manye munyu tue. Manye munyu nɛ i ngɛ mo dee nɛ ɔ, i nu kɛ je Yawɛ Tabohiatsɛ, Israel Mawu ɔ ngɔ.

Yesaya 21:10 ပူးပေါင်းရင်းမြစ်များ

Yeremia 51:33

E be kɛe kulaa nɛ a maa poo a mi ngɔ pue si kaa blɛfo ngɛ ngma mi sami he. Imi Yawɛ Tabohiatsɛ, Israel Mawu ɔ lɛ i de.”

Mika 4:13

Yawɛ ke, “Nyɛ Yerusalem bi, nyɛɛ ya nɛ nyɛ ya gbla nyɛ he nyɛli ɔmɛ a tue! Ma ha nyɛ dade tso nyɛ, kɛ dade tso mi bihi nɛ nyɛɛ kɛ maa gbee je mahi babauu. Nyɛ ma kpata a hɛ mi, nɛ níhi nɛ a kpɔ pani nya ngɛ nihi a dɛ ɔ, nyɛ maa ngɔ kɛ ba ha imi, je ɔ tsuo Nyɔmtsɛ ɔ.” Mawu lɛ de.

Mateo 3:12

E hɛɛ e ngma mi sami tsimi ngɛ e dɛ, nɛ e kɛ maa sa e ngma a tsuo mi. E ma bua e ngma a nya kɛ wo gba mi, se tsakati ɔ lɛɛ e maa sã ngɛ la nɛ gbo we gblegbleegble mi.”

Matsɛmɛ II, 13:7

Siria matsɛ ɔ kpata Matsɛ Yehoahaz tabo ɔ hɛ mi, nɛ nɔ́ nɛ ɔ ha nɛ a he wami nɔ gbɔ. Matsɛ Yehoahaz ta buli tsuo nɛ piɛ ha lɛ ji okpɔngɔ ta buli nyingmi enuɔ, ta zugba lɛ nyɔngma, kɛ nane nyɛɛli akpe nyɔngma.

Habakuk 3:12

Abofu o kɛ hia kɛ nyɛɛ je ɔ mi, nɛ o kɛ hɛdɔ naa je ma amɛ a nɔ.

Matsɛmɛ I, 22:14

Se Mikaya he nɔ ke, “I na Yawɛ hɛ kalɔ ɔ kaa nɔ́ nɛ Yawɛ ma de mi ɔ, lɔ ɔ pɛ ma de ɔ nɛ!”

Ezekiel 40:4

E de mi ke, “Nɔmlɔ adesa, bli o hɛngmɛ nɛ o hyɛ nɔ́ saminya; ta tue nɛ o nu nɔ́ tsuaa nɔ́ pɛpɛɛpɛ, nɛ o ngɔ o juɛmi kɛ fɔ nɔ́ tsuaa nɔ́ nɛ ma tsɔɔ mo ɔ nɔ; ejakaa a ngɔ mo kɛ ba hiɛmɛ nɛ ɔ, bɔ nɛ pee nɛ ma ngɔ ní nɛ ɔmɛ kɛ tsɔɔ mo. Nɔ́ tsuaa nɔ́ nɛ o maa na a, yaa nɛ o ya de Israel ma a.”

Yesaya 28:28

Ngma nɛ a kɛ sãã abolo ɔ, a fɛ we mi. Nɔ́ nɛ ngma mi salɔ ɔ peeɔ ji e kɛ ngma mi sami nɔ́ hii ngma a mi sae hluu kɛ ya siɔ e naa ngma a bɔ nɛ sa pɛpɛɛpɛ.

Yeremia 23:28

Ke gbalɔ ko nla a, e sɛɛ e nlami ɔ. Se ke nɔ ko ná sɛ gbi kɛ je ye ngɔ ɔ, e fiɛ ngɛ anɔkuale mi. Jakati kɛ ngma a, mɛni bɔmi lɛ ngɛ a kpɛti?

Amos 3:8

Ke jata ngɛ huãe ɔ, mɛnɔ lɛ e tsui pui? Ke Yawɛ ngɛ munyu tue ɔ, mɛnɔ ma kua ke e be e sɛ gbi ɔ fiɛe? Nɔ ko nɔ ko be!