Yesaya 21:1 - BAIBLO ALOO NGMAMI KLƆUKLƆU Ɔ

¹ Sɛ gbi nɛ kɔɔ Babilonia he ji nɛ ɔ nɛ. Kaa bɔ nɛ lasiogblee bee huu ngɛ leneyi je nga kplanaa a nɔ kɛ puɛɔ ní ɔ, jã kɛ̃ hɛ mi kpatami maa je zugba ko nɛ nɔ ngɛ gbeye nɔ kɛ ba.

Yesaya 21:1 ပူးပေါင်းရင်းမြစ်များ

Yesaya 14:23

Ma ha Babilon ma plɛ pee zugba nɛ tɔ nyu, kɛ ablɛgogoehi a hi he. Ma kpata Babilon hɛ mi pɛsɛpɛsɛ. Babilon maa pee kaa ma nɛ a bɛɛ mi, nɛ nɔ ko nɔ ko be mi hie hu. Imi, Yawɛ lɛ i de.”

Yeremia 51:42

Wo ɔ te si kɛ wo Babilon, nɛ wo oslɔke ɔmɛ nɛ ngɛ pɛe ɔ ha e nɔ.

Yesaya 13:1

Sɛ gbi nɛ kɔɔ Babilon tue gblami he nɛ Mawu ngɔ ha Yesaya, Amoz bi ɔ, ngɛ nina mi ji nɛ ɔ nɛ.

Zakaria 9:14

Yawɛ ma kple a nɔ; e ma tsɛ̃ e kɛ̃ɛ̃ mi bi ɔmɛ kaa oslabai nɛ ngɛ gbae. Nyɔmtsɛ Yawɛ ma ha titimati maa pɛ, nɛ e maa nyɛɛ ngɛ lasiogblee mi kɛ maa je leneyi je kɛ ba.

Yesaya 17:1

Bɔ nɛ Yawɛ de ji nɛ ɔ nɛ: “Damasko be ma nitsɛ pee hu; e ma ba pee ma doku kulaa.

Daniel 11:40

“Ke be nɛ Siria matsɛ ɔ nyagbe be ɔ su ta a, Egipt matsɛ ɔ ma ba tua lɛ. Se Siria matsɛ ɔ maa ngɔ ta zugba lɛhi, okpɔngɔhi, kɛ lɛhi babauu kɛ ba, nɛ e kɛ Egipt matsɛ ɔ ma ba hwu ta wawɛɛ nitsɛ. Kaa bɔ nɛ pa bee ɔ, ja nɛ e maa ngɔ zugba amɛ kakaaka.

Ezekiel 31:12

Nibwɔhi nɛ ji je ma amɛ a kpɛti yiwutsotsɛmɛ pe kulaa maa hɛ lɛ ngɔ fɔ si, nɛ a maa je e he ngɛ lejɛ ɔ. E kɔni wawi ɔmɛ ma ya pue yo ɔmɛ a nɔ, kɛ kɔ̃ ɔmɛ a mi; nɛ e kɔni agbo ɔmɛ maa ku kɛ pue nyu dɔ ɔmɛ a mi ngɛ zugba a nɔ tsuo. Je ma amɛ nɛ ngɛ e hɔ̃ ɔ mi ɔ maa je.

Ezekiel 30:11

E kɛ e tabo yiwutsotsɛmɛ ɔmɛ ma ba kpata zugba a hɛ mi. A kɛ klaate ma ba tua Egipt. Zugba a nɔ ma hyi tɔ kɛ ni gbogboehi.

Hiob 37:9

Kɔɔhiɔ nɛ nya wa fiaa kɛ jeɔ leneyi je, nɛ fĩɛ nɛ nya wa jeɔ omleyi je kɛ baa.

Yesaya 5:28

A kɛ̃ɛ̃ mi bi ɔmɛ a nya ba, nɛ a dɔ a kɛ̃ɛ̃ ɔmɛ a mi, konɛ a tsɛ̃. A we okpɔngɔ ɔmɛ a nane kokloto ɔmɛ a he wa kaa tslɛbo, nɛ a ta zugba lɛ ɔmɛ a nane kla amɛ ngɛ a he poe kɛ fo kaa lasiogblee.

Ezekiel 1:4

Ma wo ye yi nɔ ɔ, o nɛ ahumi nguaa ko nɛ hia kɛ je omleyi je kɛ ma. Oslabai ngɛ gbae nɔtonɔto kɛ ngɛ bɔku agbo ko mi jee. Hiɔwe ɔ nɛ bɔle bɔku ɔ tsuo ngɛ la pãe nylamnylam; nɔ́ ko ngɛ kpɛe kaa akɔblee ngɛ la a mi.

Ezekiel 38:9

E kɛ e tabo ɔ, kɛ je mahi babauu ma ba tua lejɛ ɔ kaa ahumi; a maa ha zugba a nɔ kaa bɔku.”

Yesaya 13:13

Jamɛ a ligbi ɔ nɛ imi Yawɛ Tabohiatsɛ ɔ ma je ye mi mi fumi ɔ kpo kɛ tsɔɔ ɔ, ma ha hiɔwe tsuo ma mimiɛ, nɛ zugba a maa je e blɔ he.

Yesaya 14:1

Yawɛ maa na e ma Israel mɔbɔ ekohu, nɛ e ma ná a he tsui kaa lɛ nitsɛ e ma. E maa to mɛ si ngɛ mɛ nitsɛmɛ a zugba nɔ. Nibwɔhi ma ba to mɛ, nɛ a kɛ mɛ maa hi si.

Yesaya 14:14

O de hu ke o maa kuɔ kɛ ya bɔku ɔmɛ a yi mi tɔɔ; nɛ o maa pee o he kaa Tabohiatsɛ ɔ nitsɛ.

Yesaya 47:1

Yawɛ ke, “Babilon, mo kple si kɛ je matsɛ sɛ ɔ nɔ! Ba hi si ngɛ zugba, ngɛ bunyuku mi! Be ko nɛ be ɔ, o ngɛ kaa yomiyo, se jehanɛ lɛɛ a be mo hɛɛ dɔdɔɔdɔ hu!

Yeremia 51:1

Bɔ nɛ Yawɛ de ji nɛ ɔ nɛ: “Ma ha nɛ kɔɔhiɔ nɛ puɛɔ ní maa fia ngɛ Babilonia zugba a nɔ, nɛ e ma kpata nihi a hɛ mi.

Yeremia 51:51

Nyɛ deɔ ke, ‘Wa hɛ mi pue si! Ahlua bɔ wɔ! Wa yi ta pɛ! Ejakaa he klɔuklɔuhi ngɛ Yawɛ we ɔ, nibwɔhi ba ngɔ.’