Yesaya 20:6 - BAIBLO ALOO NGMAMI KLƆUKLƆU Ɔ

⁶ Ke jamɛ a be ɔ su ɔ, nihi nɛ ngɛ Filistia wo ɔ nya a ma de ke, ‘Nihi nɛ wa ngɔ wa hɛ kɛ fɔ a nɔ kaa a ma je wɔ kɛ je Asiria matsɛ ɔ dɛ mi ɔ, hyɛ nɔ́ nɛ ba! Wɔɔ lɛɛ kɛ wa maa pee kɛɛ nɛ wa yi ma na wami?’ ”

Yesaya 20:6 ပူးပေါင်းရင်းမြစ်များ

Hebribi 2:3

Ke wɔɔ lɛɛ wa bui yi wami hemi kpetekpleenyɛ nɛ ɔ, kɛ wa maa pee kɛ ye wa he kɛɛ? Nyɔmtsɛ ɔ nitsɛ lɛ tu yi wami hemi nɛ ɔ he munyu kekle; nɛ nihi nɛ nu ɔ, mɛ hu a ma nɔ mi ha wɔ.

1 Tesalonikabi 5:3

Be mi nɛ nihi ma de ke, “Wa he mi jɔ wɔ, nɛ wa tue mi hu jɔ wɔ” ɔ, jamɛ a be ɔ mi nɔuu nɛ a hɛ mi ma kpata tlukaa kaa bɔ nɛ yo nɛ mi wa nuɔ kɔɔmi si kake too ɔ; nɛ nɔ ko nɔ ko be e he yee.

Mateo 23:33

Sinɔhi kɛ sinɔhi a nina! Nyɛ tue nɛ a maa gbla ngɛ Abosiami a je la a mi ɔ, kɛ nyɛ maa pee kɛ tu fo ngɛ nya kɛɛ?

Yeremia 47:4

Be ɔ su nɛ a ma kpata Filisti bi ɔmɛ, kɛ a huɛmɛ ɔmɛ tsuo nɛ piɛ ɔ, Tiro, kɛ Sidon a hɛ mi. Imi, Yawɛ nitsɛ ma kpata Filisti bi ɔmɛ, ni nɛmɛ tsuo nɛ je Kreta wo ɔ nya kɛ ba a a hɛ mi.

Yesaya 28:17

Ma ngɔ dami sane yemi kɛ pee susumi kpa.” Ahumi kɛ gbiɛ ngo ngu maa bɛɛ lakpa amɛ tsuo kɛ ho, nɛ pahi maa je a hi he ɔmɛ.

Yesaya 10:3

Ke Mawu bɔni nyɛ tue gblami ɔ, kɛ nyɛ maa pee kɛɛ? Ke e ngɔ haomi kɛ je ma se kɛ ba na nyɛ ɔ, kɛ nyɛ maa pee kɛɛ? Mɛnɔ ngɔ nyɛ ma sa fo kɛ ya ya hla yemi kɛ buami? Jije nyɛ maa ngɔ nyɛ juetli kɛ to?

Hiob 22:30

Nihi nɛ pee we yayami ko ɔ, Mawu heɔ a yi wami. Mo hu ke o he tsɔ ɔ, Mawu ma he o yi wami ja nɔuu.

Hiob 6:20

Se ke a ba su pa nɛ e mi nyu mii ta a he kikɛ nɛ ɔ, a kɔni mi jɔɔ, ejakaa lɔ ɔ nɔ a ngɔ a hɛ kɛ fɔ.

Yeremia 4:30

Yerusalem, o hɛ mi kpata pɛ! Mɛni he je lɛ o bu bo tsu ɔ? Mɛni he je lɛ o kɛ june dla o he, nɛ o kpa o hɛngmɛ se tsopa a? O ngɛ o he dlae yaka gu! O suɔli ɔmɛ kua mo, nɛ a ngɛ mo hlae nɛ a gbe.

Yeremia 30:1

Yawɛ, Israel Mawu ɔ

Yeremia 30:7

Ligbi ko ma nɛ ngɛ gbeye; ligbi nɛ ɔ eko bɛ hyɛ. E ji amanehlu be kɛ ha Yakob nina, ye ma a, se kɛ̃ ɔ, a yi ma na wami.”

Yeremia 31:1

Yawɛ ke, “Be ma nɛ ma ba pee Israel wɛtso ɔmɛ tsuo a Mawu, nɛ mɛ hu a maa pee ye ma.