Yesaya 20:5 - BAIBLO ALOO NGMAMI KLƆUKLƆU Ɔ

⁵ Nihi nɛ ngɔ a hɛ ngɔ fɔ Sudan nɔ, nɛ a fĩa fɔ Egipt nɔ ɔ, a hɛ mi maa pee mɛ yaa, nɛ a hɛ kɛ nɔ fɔmi tsuo maa ta.

Yesaya 20:5 ပူးပေါင်းရင်းမြစ်များ

Yesaya 30:5

Yuda bi ɔmɛ ma pia a he; benɛ a ngɛ blɔ hyɛe kaa Egipt ma ba piɛ a he ɔ, zo kɛ hɛ mi si puemi mohu ji nɔ́ nɛ maa je mi kɛ ba.”

Yesaya 30:3

Se yemi kɛ buami nɛ nyɛ ya biɔ ngɛ Egipt matsɛ ɔ dɛ mi ɔ ma plɛ pee zo, kɛ hɛ mi si puemi mohu ha nyɛ.

1 Korintobi 3:21

Lɔ ɔ he ɔ, nɔ ko nɔ ko kó fĩa ngɔ fɔ adesa ko nɔ, ejakaa mɛ tsuo a ngɛ ha nyɛ;

Yeremia 17:5

Yawɛ ke, “Nɔ nɛ jeɔ ye se nɛ e ngɔɔ e hɛ ya fɔɔ nɔmlɔ nɔ, nɛ e hyɛɛ yemi kɛ buami blɔ kɛ jee adesa dɛ ɔ, a gbiɛ lɛ!

Matsɛmɛ II, 18:21

Ke o ngɛ blɔ hyɛe kaa Egipt ma ba piɛ o he ɔ, o ngɛ kaa nɔ ko nɛ e kɛ gla pee e dɛma tso; gla a maa ku nɛ e maa gbɔ e dɛ mi. Kikɛ nɛ ɔ Egipt matsɛ ɔ ngɛ, nɛ nɔ tsuaa nɔ nɛ ngɔɔ e hɛ ngɔ fɔɔ e nɔ ɔ, nɔ́ nɛ baa e nɔ ji nɛ ɔ nɛ.”

Yesaya 36:6

Tse o ngɛ blɔ hyɛe kaa Egipt ma ba piɛ o he? O ngɛ kaa nɔ ko nɛ e kɛ gla pee dɛma tso; gla a maa ku nɛ e maa gbɔ o dɛ mi. Egipt matsɛ ɔ ngɛ kaa gla. E gbɔɔ nɔ tsuaa nɔ nɛ ngɔɔ e he kɛ kpasaa lɛ.”

Yesaya 30:7

Egipt be nɔ́ kpakpa ko nyɛe maa pee. Lɔ ɔ he ɔ, i wo lɛ se mi biɛ ke, ‘Nyaka nɛ tee, se e he be gbeye.’ ”

Yesaya 2:22

Nyɛ ko ngɔ nyɛ hɛ ngɔ fɔ nɔmlɔ adesa nɔ. Tlukaa kɛkɛ e mumi je e mi, nɛ e he be se nami hu.

Yesaya 31:1

Musu tloo nihi nɛ yaa Egipt ya biɔ yemi kɛ buami ngɛ lejɛ ɔ. Musu tloo mɛ, ejakaa a ngɔɔ a hɛ kɛ fɔɔ Egipt ta zugba lɛhi, kɛ okpɔngɔ ta buli a nɔ; ejakaa a hiɛ babauu, nɛ a he wa hulɔ. Se a ngɔɛ a hɛ kɛ fɔ we Yawɛ, Israel Mawu klɔuklɔu ɔ mohu nɔ; ga womi hu a bi we lɛ.

Yesaya 36:9

O ngɛ blɔ hyɛe nɛ Egipt ba ha mo ta zugba lɛhi kɛ okpɔngɔ ta buli, be mi nɛ ye nyɔmtsɛ ɔ we asafoatsɛ nyafii pe kulaa a po o be lɛ nyɛe.

Yesaya 37:9

Kɛkɛ nɛ gbi ko ba su Asiria matsɛ ɔ, kaa Sudan matsɛ, Tirhaka hia ta kɛ nyɛɛ Egipt tabo ɔ hɛ mi kɛ ma nɛ e ba tua lɛ. Benɛ Asiria matsɛ ɔ nu sane nɛ ɔ, e ngma womi, nɛ e tsɔ kɛ ya ha Yuda matsɛ, Hezekia.

Yeremia 46:25

Yawɛ Tabohiatsɛ, Israel Mawu ɔ ke, “Ma gbla Amon, Tebes mawu ɔ, kɛ Egipt mawu kpa amɛ tsuo a tue. Farao ɔ, kɛ nihi tsuo nɛ ngɔɔ a hɛ kɛ fɔɔ e nɔ ɔ, mɛ hu ma gbla a tue.

Ezekiel 29:16

Ke e ba mi ja a, e be ma nɛ Israel bi ɔmɛ maa ngɔ a hɛ kɛ fɔ e nɔ pee hu. Ejakaa a ma kai kaa e ji tɔmi agbo kaa Israel ngɔ e hɛ kɛ fɔ Egipt nɔ. Kɛkɛ ɔ, Israel maa le kaa imi ji Nyɔmtsɛ Yawɛ.”

Nahum 3:9

Tebes nɛ yeɔ Sudan kɛ Egipt tsuo a nɔ; nɛ e he wa kaa nɔ́ ko. Put kɛ Libia piɛ e huɛmɛ ɔmɛ a he kɛ hwu ta a!

Zefania 2:12

Sudan bi ɔmɛ hu, Yawɛ kɛ klaate maa gbe mɛ.