Yesaya 20:3 - BAIBLO ALOO NGMAMI KLƆUKLƆU Ɔ

³ Benɛ a ngɔ Ashdod ma a, Yawɛ de ke, “Ye tsɔlɔ Yesaya hɛɛ e he gu, nɛ e nyɛɛ e nane gu jeha etɛ. Nɔ́ nɛ maa ba Egipt kɛ Sudan a nɔ ɔ he okadi ji nɛ ɔ nɛ.

Yesaya 20:3 ပူးပေါင်းရင်းမြစ်များ

Yesaya 8:18

Nyɛ nɛ mi, kɛ ye bimɛ ɔmɛ nɛ Yawɛ ke mi ɔ. Yawɛ Tabohiatsɛ ɔ nɛ e matsɛ sɛ ngɛ Zion yo ɔ nɔ ɔ tsɔ wɔ ke waa ngɔ sɛ gbi nɛ ɔmɛ kɛ ba ha Israel ma a.

Yesaya 43:3

Ejakaa imi Yawɛ, o Mawu ɔ, imi Israel Mawu Klɔuklɔu ɔ lɛ he o yi wami ɔ nɛ. Ma ngɔ Egipt ngɔ ha ngɛ o nane mi, konɛ o ye o he. Ma ngmɛɛ Sudan kɛ Seba hu a he.

Yesaya 37:9

Kɛkɛ nɛ gbi ko ba su Asiria matsɛ ɔ, kaa Sudan matsɛ, Tirhaka hia ta kɛ nyɛɛ Egipt tabo ɔ hɛ mi kɛ ma nɛ e ba tua lɛ. Benɛ Asiria matsɛ ɔ nu sane nɛ ɔ, e ngma womi, nɛ e tsɔ kɛ ya ha Yuda matsɛ, Hezekia.

Mose IV, 14:34

Nyɛ slaa zugba a ligbi nyingmi eywiɛ, se nyɛ ma na nyɛ yayami ɔmɛ a he tue gblami jeha nyingmi eywiɛ; ligbi kake ma plɛ pee jeha ha nyɛ. Nɛ nyɛ maa na kaa i je nyɛ se.

Ezekiel 4:3

Ngɔɔ dade pɛtɛɛ ko nɛ o kɛ pee dade gbogbo ngɛ o kɛ ma a nyɛ kpɛti. Lɔ ɔ se ɔ, plɛ o hɛ mi kɛ kpee ma a. A sa ma a yi! Mo ji nɔ nɛ sa ma a yi ɔ nɛ. Enɛ ɔ maa pee okadi kɛ ha Israel ma a.

Ezekiel 12:6

A hɛ mi nɔuu ɔ, benɛ du bu ɔ, ngɔɔ o tlomi ɔ ngɔ fɔ o konɔ kɛ je kpo. Ngɔɔ nɔ́ kɛ ha o hɛ mi, konɛ o ko na zugba, he nɛ o ngɛ nyɛɛe kɛ yaa a. Nɔ́ nɛ o maa pee nɛ ɔ maa pee okadi kɛ ha Israel ma a.”

Ezekiel 30:6

Nyɔmtsɛ Yawɛ ke, “Mahi nɛ piɛɔ Egipt he kɛ je Migdol ngɛ omleyi je kɛ ya su Aswan ngɛ leneyi je ɔ, a mi bi tsuo a hɛ mi ma kpata ngɛ ta a mi. Tabo ɔ nɛ Egipt kɛ fĩaa a hɛ mi ma kpata kulaa. Imi, Nyɔmtsɛ Yawɛ lɛ i de.

Zakaria 3:8

Jehanɛ Yoshua, mo osɔfo nɔkɔtɔma pe kulaa, kɛ o nyɛmimɛ nɛ hii si ngɛ o hɛ mi, nyɛɛ bu tue. Níhi nɛ maa ba hwɔɔ se he okadi ma de nyɛ nɛ ɔ nɛ. Ma ha ye tsɔlɔ nɛ ji Tso Kɔni ɔ maa ba.

Yesaya 19:4

Ma ngɔ Egipt bi ɔmɛ ngɔ wo matsɛ yiwutsotsɛ ko dɛ mi; e maa ye a nɔ, nɛ a ma tsu ní kpakpataa ha lɛ. Imi, Nyɔmtsɛ Yawɛ Tabohiatsɛ ɔ lɛ i de.”

Yeremia 13:1

Yawɛ de mi ke ma ya he kploba bɔjuɛ nɛ ma tsɛ̃, se ma ko ngɔ kɛ wo nyu mi.

Ezekiel 4:1

Mawu de mi ke, “Nɔmlɔ adesa, yaa ngɔ bliikisi nɛ o kɛ fɔ o hɛ mi; nɛ o tɛni Yerusalem ma a ngɛ nɔ.

Ezekiel 30:4

A maa hwu ta ngɛ Egipt; nɛ Sudan maa hao wawɛɛ. A maa gbe nihi babauu ngɛ Egipt; a maa muɔ e juetli kɛ je; nɛ ma a maa pee ma doku posoposo.

Zefania 2:12

Sudan bi ɔmɛ hu, Yawɛ kɛ klaate maa gbe mɛ.