Yesaya 20:2 - BAIBLO ALOO NGMAMI KLƆUKLƆU Ɔ

² Jeha etɛ loko sane nɛ ɔ maa ba a, Yawɛ de Amoz bi Yesaya ke, “Je kpekpe ɔ ngɛ o mlɛ mi, kɛ tokota nɛ ngɛ o nane ɔ.” E bu tue, nɛ e pee ja; e hɛɛ e he gu, kɛ e nane gu.

Yesaya 20:2 ပူးပေါင်းရင်းမြစ်များ

Mateo 3:4

Yohane ɔ, afukpɔngɔ he womi a kɛ lo e tade; lohwe he womi kpa fi e mlɛ mi, nɛ e niye ní ji baalɛ kɛ nga nɔ hwo.

Mika 1:8

Kɛkɛ nɛ Mika de ke, “Nɔ́ nɛ ɔ he je ɔ, ma nya awe, nɛ ma ye kɔmɔ. Ma hɛɛ ye he gu, nɛ ma nyɛɛ nane gu. Ma huã kaa nga mi gbe, nɛ ma nya awe kaa afukpɔngɔ.

Samuel I, 19:24

E jé e he tade ɔmɛ, nɛ e do nɛ e kpa huhui ngɛ Samuel hɛ mi, nɛ e hɛɛ e he gu jamɛ a ligbi ɔ piani kɛ nyɔ mi tsuo. Nɛ nɔ́ nɛ ɔ ba pee nɔ́ ko nɛ a kɛ tuɔ munyu “Anɛ Saul hu ba plɛ pee gbalɔ lo?”

Zakaria 13:4

Jamɛ a be ɔ, e maa pee gbali tsuo zo kaa nina nɛ maa je kpo ha mɛ ɔ, a ma de, loo kaa a ma tsɛ mɛ gbali tete. A be tade kunyaa woe nɛ a kɛ sisi nihi hu.

Ezekiel 24:23

Nyɛ yi fimi ní ɔmɛ maa fi nyɛ yi; nyɛ tokota amɛ maa hi nyɛ nane; nyɛ be kɔmɔ yee, nɛ nyɛ be ya foe. Se yayamihi nɛ nyɛ pee ɔ ma ha nyɛ maa ta he lo, nɛ nyɛ ma kɛmɛ kɛ tsɔɔ nyɛ sibi.

Ezekiel 24:17

A ko nu o huu fami he; se fi o yi duku, nɛ o wo tokota. Koo ngɔ nɔ́ kɛ ha o nya nɔ, nɛ koo ye ya nɔ niye ní kɛ tsɔɔ kaa o ngɛ ya nyɛe.”

Mika 1:11

Nyɛ Shafir bi, nyɛ ba be kɛ ho kɛ nyɛ he gu, kɛ nyɛ he zo. Ni nɛmɛ nɛ ngɛ Zaanan ɔ be nyɛe maa je kpo hu. Ke nyɛ nu Betezel bi ɔmɛ a he nɛ a ngɛ kɔmɔ yee ɔ, nyɛ maa na kaa wesa he ko be lejɛ ɔ.

Yesaya 13:1

Sɛ gbi nɛ kɔɔ Babilon tue gblami he nɛ Mawu ngɔ ha Yesaya, Amoz bi ɔ, ngɛ nina mi ji nɛ ɔ nɛ.

Kpojemi 11:3

Ye we odase yeli enyɔ ɔmɛ ma bu kpekpe ya bo; nɛ ma ha a maa gba ligbi akpe kɛ e nya lafa enyɔ kɛ nyingmi ekpa.”

Ni Tsumi 19:16

Nyumu ɔ nɛ mumi yayami ɔ ngɛ e mi ɔ sá fɔ̃ a nɔ kitikiti, nɛ e plaa mɛ tsuo; nɛ a tu fo kɛ je jamɛ a we ɔ mi kɛ a he pahi, kɛ tadehi nɛ hía.

Yohane 21:7

Kaselɔ nɛ Yesu suɔ lɛ ɔ de Petro ke, “Nyɔmtsɛ ɔ nɛ daa si ɔ nɛ.” Benɛ Simon Petro nu nɛ a de ke Nyɔmtsɛ ɔ lɛ daa si ɔ, e wo e tade ɔ ngɔ muɔ e mlɛ mi, nɛ e tu ma pa a mi, ejakaa e hɛɛ e he gu.

Mateo 16:24

Jehanɛ, Yesu de e kaseli ɔmɛ ke, “Ke nɔ ko suɔ kaa e maa nyɛɛ ye se ɔ, e kua e he, nɛ e wo e sɛumi tso ɔ, nɛ e nyɛɛ ye se.

Matsɛmɛ II, 1:8

A he nɔ ke, “Bwɔmitsɛ ji lɛ, nɛ e kɛ mlɛ mi fimi nɔ́ nɛ a kɛ lohwe he womi pee fi e mlɛ mi.” Kɛkɛ nɛ matsɛ ɔ de ke, “Lɛ ji Eliya, Tishbe no ɔ!”

Samuel II, 6:20

Benɛ David ba su we mi, nɛ e ba fɔ e yi ɔmɛ, kɛ e bimɛ ɔmɛ ɔ, Saul biyo Mikal je kpo ba kpee lɛ; nɛ e de David ke, “Lɔ ɔ ji Israel matsɛ wo lɛ nitsɛ e hɛ mi nyami mwɔnɛ ɔ nɛ! Matsɛ hɛɛ e he gu ngɛ e tsɔli a mawayi ɔmɛ a hɛ mi kaa kuasia peeɔ nɔ!”

Yoshua 5:15

Yawɛ tabo ɔ nyatsɛ ɔ de Yoshua ke, “Je o tokota a; zugba klɔuklɔu nɔ o daa si ngɛ ɔ nɛ.” Nɛ Yoshua pee ja.

Mose II, 3:5

Mawu de lɛ ke, “Koo hɛ mo kɛ su hiɛ ɔ! Je o tokota a, ejakaa zugba klɔuklɔu nɔ o daa si ngɛ ɔ nɛ!”

Ni Tsumi 21:11

E ba wa ngɔ, nɛ e ba ngɔ Paulo mlɛ mi fimi nɔ́ ɔ, nɛ e kɛ fi lɛ nitsɛ e nanehi, kɛ e ninehi; nɛ e de ke, “Bɔ nɛ Mumi Klɔuklɔu ɔ de ji nɛ ɔ nɛ: Nɔ nɛ nɔ́ ji mlɛ mi fimi nɔ́ nɛ ɔ, kikɛ nɛ ɔ Yuda bi ɔmɛ maa pee lɛ ngɛ Yerusalem, nɛ a maa ngɔ lɛ ngɔ wo ma je li ɔmɛ a dɛ mi.”

Samuel II, 15:30

David ha e yi nɔ, nɛ e nyɛɛ nane gu kɛ ya kuɔ Oliv yo ɔ. Benɛ e yaa a tsuo e ngɛ ya foe. Nihi nɛ piɛ e he ɔ tsuo ha a yi nɔ; nɛ benɛ a ngɛ yo ɔ kuɔe ɔ, mɛ hu a wo yana.

La 30:11

O ha nɛ i kpa kɔmɔ yemi nɛ i bɔni domi. O je kpekpe ya bo ɔ ngɛ ye he, nɛ o ha mi bua jɔmi.

Yesaya 1:1

Sɛ gbihi nɛ kɔɔ Yuda kɛ Yerusalem a he nɛ a ngma ngɛ womi nɛ ɔ mi. Mawu je nina nɛ ɔmɛ kpo kɛ tsɔɔ Yesaya, Amoz bi ɔ, ngɛ Yuda matsɛmɛ, Uzia, Yotam, Ahaz, kɛ Hezekia a yi nɔ.

Yesaya 37:2

E tsɔ Eliakim, matsɛ we ɔ nɔ hyɛlɔ ɔ, Shebna, matsɛ pɛdiyo ɔ, kɛ osɔfo ɔmɛ a nikɔtɔma amɛ kɛ ya na gbalɔ Yesaya, Amoz bi ɔ. Tsɔli ɔmɛ hu ha kpekpe ya bo.

Yeremia 48:37

A ti nɔ tsuaa nɔ sã e yi nɔ kpalokpalo, nɛ e sɛ kpɛni. Mɛ tsuo a poo a kɔnihi a he, nɛ a ngɔ kpekpe kɛ muɔ a mlɛ mi.

Ezekiel 4:1

Mawu de mi ke, “Nɔmlɔ adesa, yaa ngɔ bliikisi nɛ o kɛ fɔ o hɛ mi; nɛ o tɛni Yerusalem ma a ngɛ nɔ.