Yesaya 20:1 - BAIBLO ALOO NGMAMI KLƆUKLƆU Ɔ

¹ Asiria matsɛ, Sargon fa Asiria asafoatsɛngua a ke e ya tua Filisti bi a ma nɛ a tsɛɛ Ashdod ɔ.

Yesaya 20:1 ပူးပေါင်းရင်းမြစ်များ

Matsɛmɛ II, 18:17

Asiria matsɛ ɔ wo ta buli babauu blɔ kɛ je Lakish kɛ ya tua Hezekia ngɛ Yerusalem. Senakerib we asafoatsɛmɛ kpanakpanaa etɛ ji a nyatsɛmɛ. Benɛ a su Yerusalem ɔ, a ya da si ngɛ blɔ ɔ nɔ he nɛ bo loli ɔmɛ tsuɔ ní ngɛ ɔ. Nyu dɔ ko ngɛ lejɛ ɔ, nɛ e mi lɛ nyu nɛ jee taku ɔ mi ngɛ yiti je ɔ guɔ.

Amos 1:8

Ma gbe ma nɔ yeli ɔmɛ ngɛ Ashdod kɛ Ashkelon. Ma gbla Ekron ma a tue, nɛ Filisti bi nɛ a he maa je tue gblami nɛ ɔ mi ɔ ma gbo.” Yawɛ lɛ de.

Samuel I, 6:17

Filisti bi ɔmɛ ngɔ sika tsu tslɔɔ enuɔ ɔmɛ ya ha Yawɛ kaa fɔ yemi bɔ kɛ ha a ma nguaa enuɔ ɔmɛ. Ma amɛ ji Ashdod, Gaza, Ashkelon, Gat, kɛ Ekron.

Samuel I, 5:1

Benɛ Filisti bi ɔmɛ kpɔ somi daka a, a wo lɛ kɛ je Ebenezer kɛ ho Ashdod ya,

Yoshua 11:22

Anak bi ɔmɛ a ti nɔ kake po píɛ ngɛ Israel bi ɔmɛ a zugba a nɔ; ja Gaza, Gat, kɛ Ashdod pɛ nɛ ni komɛ ngɛ.

Kronika II, 26:6

Uzia kɛ Filisti bi ɔmɛ ya hwu ta. E ku Gat, Yamnia, kɛ Ashdod gbogbo ɔmɛ kɛ pue si; nɛ e po mahi ngɛ Ashdod kasa nya, kɛ Filisti bi ɔmɛ a zugba a nɛ piɛ ɔ tsuo nɔ.

Yesaya 14:31

Nyɛ Filisti ma amɛ tsuo, nyɛ kpa ngmlaa! Nyɛ tsuo nyɛ tsui nɛ po! Ejakaa la su ku ko je omleyi je kɛ ma. Tabo ko nɛ fɔ̃lɔ ko fɔ̃lɔ ko be mi nɛ ma a nɛ.