Yesaya 2:9 - BAIBLO ALOO NGMAMI KLƆUKLƆU Ɔ

⁹ Lɔ ɔ he ɔ, moo ba a ti nɔ tsuaa nɔ si, nɛ zo nɛ gbe mɛ. Yawɛ koo ngɔ kɛ pa mɛ!

Yesaya 2:9 ပူးပေါင်းရင်းမြစ်များ

Yesaya 5:15

Zo maa gbe ni ɔmɛ tsuo, nɛ a maa ba he woli tsuo si.

Romabi 3:23

Ejakaa nihi tsuo pee yayami, nɛ Mawu hɛ mi nyami ɔ bɔ mɛ.

Marko 3:29

Se nɔ nɛ bɔɔ musu kɛ siɔ Mumi Klɔuklɔu ɔ, a kɛ be lɛ pae gblegbleegble kɛ maa ya neneene; ejakaa e yeɔ fɔ kɛ yaa neneene.”

Yesaya 27:11

Tso kɔni ɔmɛ gbli, nɛ a ku kɛ pueɔ si; yi ɔmɛ ya buaa nya kaa lɛ́ nɛ a ma slɛ, ejakaa ma a nui nɔ́ ko nɔ́ ko sisi. Mawu, a bɔlɔ ɔ mi mi be lɛ sãe ngɛ a he, nɛ e be mɛ mɔbɔ nae hulɔ.

Nehemia 4:5

Koo ngɔ yayami nɛ a pee nɛ ɔ ngɔ pa mɛ, nɛ o hɛ ko je a tɔmi ɔmɛ a nɔ; ejakaa be mi nɛ wa hɛ dɔ kɛ ngɛ gbogbo ɔ fiae ɔ, mɛɛ lɛɛ a ngɛ wɔ ahlua bɔe.”

Yoshua 24:19

Yoshua ya nɔ, nɛ e de ma a ke, “E ngɛ mi ja; se eko ɔ, nyɛ be Yawɛ nyɛe ma sɔmɔ. Mawu klɔuklɔu ji lɛ, nɛ e kɛ nyɛ tɔmi ɔmɛ, kɛ yayami ɔmɛ be nyɛ pae. A kɛ lɛ plee we nɔ́ he,

Kolosebi 2:23

Niinɛ, ni komɛ susuɔ kaa kikɛmɛ a mlaa nɛ ɔmɛ tsɔɔ nile nɛ haa nɔ nitsɛ fiiɔ si ngɛ jami mi. A buá peeɔ a he humi, nɛ a waa nɔmlɔ tso ɔ yi mi kɛ tsɔɔ kaa Mawu lɛ a ngɛ jae. Anɔkuale mi ɔ, mlaa nɛ ɔmɛ nyɛ we nɛ a tsiɔ nɔmlɔ tso ɔ we akɔnɔ nya.

Yeremia 18:23

Se mo Yawɛ! Gahi tsuo nɛ a ngɛ toe kɛ ngɛ ye he woe konɛ a kɛ gbe mi ɔ, o le. Koo ngɔ a he kɛ ke mɛ, nɛ ko je o hɛ ngɛ a ní yayami ɔmɛ a he. Ha nɛ a nɔɔ si ngɛ o hɛ mi, nɛ o kɛ mɛ nɛ ye, be mi nɛ o mi mi fu.”

Yesaya 57:9

Nyɛ ngɔɔ nu, kɛ nu kɛ e he via fuu kɛ hiaa blɔ kɛ ya jaa mawu ɔ nɛ a tsɛɛ Molek ɔ. Bɔ nɛ pee nɛ nyɛ na mawu kpahi nɛ nyɛ ja a, nyɛ tsɔɔ nihi kɛ yaa ma se tsitsaa lokoo, kɛ yaa gbeje tete po.

La 62:9

Nimli adesahi tsuo ngɛ kaa mumi nɛ a woɔ; nimli nguahi jio, nimli wawi jio, mɛ tsuo a pi nɔ́ ko kulaa. Ke a ngmɛ mɛ ngɛ sɛni mi ɔ, a ngɛ wojowojo kulaa, nɛ a jiimi sui mumi nɛ a woɔ.

La 49:2

Ni nguahi kɛ ni wawi, niatsɛmɛ kɛ ohiatsɛmɛ, nyɛ tsuo nyɛ ta tue!

Kolosebi 2:18

Nyɛ ko ha nɛ nihi nɛ buu a he kaa mɛɛ lɛɛ a hi pe nihi tsuo ɔ nɛ a bu nyɛ kaa nyɛɛ lɛɛ nyɛ be nɔ́ ko mi. A deɔ ke mɛɛ a naa nina pɔtɛɛ komɛ, nɛ a nyɛɔ nyɛ nɔ ke nyɛɛ kɛ he si bami nɛ ja bɔfohi. Kikɛmɛ a nimli nɛ ɔmɛ woɔ a he nɔ yaka gu.

La 59:5

Yawɛ Tabohiatsɛ Mawu, mo ji Israel Mawu ɔ nɛ! Tee si nɛ o ba gbla je ma amɛ a tue. Yiwutsotsɛmɛ nɛ ngɛ yi mi yaya toe ɔ, koo na mɛ mɔbɔ.

Yesaya 5:16

Se Yawɛ Tabohiatsɛ ɔ lɛɛ nɔ́ nɛ da pɛ e peeɔ kɛ tsɔɔ e we agbo jemi; nɛ e gblaa e ma a tue kɛ tsɔɔ kaa Mawu klɔuklɔu ji lɛ.