Yesaya 2:6 - BAIBLO ALOO NGMAMI KLƆUKLƆU Ɔ

⁶ Mawu lee, o kua o ma, Yakob nina a, ejakaa klaali babauu nɛ je beleku je kɛ Filistia ba futu mɛ. Ma se bi a kusumi níhi o ma a ngɛ pee.

Yesaya 2:6 ပူးပေါင်းရင်းမြစ်များ

Matsɛmɛ II, 1:2

Ligbi ko ɔ, Israel matsɛ, Ahazia tsɔ́ kɛ je e hiɔwe tsu nɛ ngɛ Samaria a saflɛ mi kɛ ba nɔ si, nɛ e plaa wawɛɛ nitsɛ. Enɛ ɔ he ɔ, e tsɔ nihi ke a ya bi ní ngɛ Baalzebub ngɔ ha lɛ kaa e yi ma na wami lo. Baalzebub ji mawu nɛ ngɛ Filisti bi ɔmɛ a ma nɛ a tsɛɛ Ekron ɔ nɛ.

Matsɛmɛ II, 17:20

Yawɛ kua Israel nina amɛ tsuo. E ha nɛ a na amanehlu, nɛ e ngɔ mɛ kɛ wo ní hali a dɛ mi kɛ ya si e je e hɛ ngɛ a nɔ kulaa.

Kronika I, 10:13

Saul gbo, ejakaa e yi Yawɛ anɔkuale. E tɔ Yawɛ mlaa amɛ a nɔ; jehanɛ hu, e ya ní peelɔ ngɔ nɛ e ya tsɛ kpade nɛ e bi lɛ ga womi,

Kronika II, 15:2

nɛ e ho nɛ e kɛ Asa ya kpe, nɛ e de lɛ ke, “Matsɛ Asa, kɛ Yuda, kɛ Benyamin bi tsuo, nyɛɛ bu mi tue! Be abɔ nɛ nyɛ pɛtɛ Yawɛ he nɛ ɔ, lɛ hu e kɛ nyɛ ngɛ. Ke nyɛ hla e se blɔ ɔ, e ma ha nɛ nyɛɛ na lɛ. Se ke nyɛ kpale ngɛ e se ɔ, lɛ hu e ma kua nyɛ.

Kronika II, 24:20

Kɛkɛ nɛ Mawu mumi ɔ ba osɔfo Yehoyada binyumu Zakaria nɔ. E ho ya da si ngɛ he nɛ ma a maa na lɛ ngɛ, nɛ e de mɛ ke, “Yawɛ Mawu ɔ ngɛ nyɛ bie ke, mɛni he je nyɛ kua e mlaa amɛ a nɔ yemi, nɛ nyɛɛ kɛ haomi ba nyɛ nɔ nɛ ɔ! Nyɛ kua Yawɛ, lɔ ɔ he ɔ, lɛ hu e kua nyɛ!”

Nehemia 13:23

Jamɛ a be ɔ mi kɛ̃ nɛ i ná le kaa Yuda bi ɔmɛ babauu ya ngɔ yihi ngɛ Ashdod, Amon, kɛ Moab.

La 106:35

Mohu ɔ, a ya futu je ma amɛ, nɛ a kase a ní peemi ní ɔmɛ.

Mose II, 22:18

“Yo tsuaa yo nɛ tsuɔ kunya a, a gbe lɛ.

Mose II, 34:16

Jehanɛ hu, nyɛ ma ya ngɔ a biyi ɔmɛ ekomɛ ba ha nyɛ binyumu ɔmɛ. Nɛ ke a biyi ɔmɛ ngɛ a mawu ɔmɛ jae ɔ, a maa gbla nyɛ binyumu ɔmɛ kɛ ya piɛ a he kɛ ja a mawu ɔmɛ.

Abɛ Womi 6:1

Ye bi, anɛ o ya da nɔ ko se lo? Anɛ o wo si kaa o maa da nɔ ko nɛ o li lɛ e hiɔ nya ha lɛ lo?

Yesaya 14:29

Filistia bi, nyɛ bua ko jɔ kulaa kaa tso nɛ a kɛ fiaa nyɛ ɔ mi ku. Ke sinɔ kake gbo ɔ, ekpa nɛ e duɔ nya wa pe kekle nɔ́ ɔ ba yeɔ e nane mi. Sinɔ hlui ko ma pɛ, nɛ sinɔ pɛlitsɛ maa je mi.

Yesaya 8:19

Se ni komɛ de nyɛ ke nyɛ ya bi ní ngɛ klaali, kɛ ní peeli nɛ kpaa nyagba, nɛ a tuɔ gugwɔ mi gbi ɔ a ngɔ. A ma de ke, “E pee we nɔ́ ko; e sa kaa a ya bi ní ngɛ mumihi a ngɔ, nɛ a nu nɔ́ ko nɛ kɔɔ hɛ ngmengmletsɛmɛ a he kɛ je kpadehi a ngɔ.”

Yeremia 10:2

Yawɛ ke, “Nyɛ ko ya nyɛɛ je ma kpa amɛ a blɔ ɔmɛ a nɔ; ke nyɛ na okadihi ngɛ hiɔwe ɔ, nyɛ ko ye mɛ gbeye kaa bɔ nɛ je ma kpa amɛ yeɔ gbeye ɔ.

Yeremia 12:7

Yawɛ ke, “I ngmɛɛ Israel he; ye ma nɛ i je blɔ hla a, i kua mɛ. I ngɔ nimli nɛ i suɔ mɛ saminya a kɛ wo a he nyɛli a dɛ mi.

Kɔmɔ Yemi 5:20

Mɛni he je o hɛ je wa nɔ pɛsɛpɛsɛ ɔ? Mɛni he je o ngmɛɛ wa he be babauu nɛ ɔ?

Mose III, 19:31

“Nyɛ ko ya bi ní ngɛ klaali, kɛ kunya yeli a ngɔ; ke nyɛ pee ja a, nyɛ ma ble nyɛ he. Imi ji Yawɛ, nyɛ Mawu ɔ nɛ.

Mose III, 20:6

“Ke nɔ ko je ye se nɛ e ya bi ní ngɛ klaali, kɛ kunya yeli a ngɔ ɔ, imi Mawu ɔ, ye hɛ maa dɔ kɛ wo lɛ, nɛ ma je lɛ we; a be lɛ bue ngɔ si ye ma a mi bi ɔmɛ a nɔ hu.

Mika 5:11

Ma kpata ma amɛ a hɛ mi ngɛ nyɛ zugba a nɔ, nɛ ma ku nyɛ mɔ ɔmɛ tsuo ngɔ pue si.

Mika 5:12

Ma kpata nyɛ kunya yeli ɔmɛ tsuo a hɛ mi, nɛ a be klaalɔ ko nae ngɛ nyɛ kpɛti hu.

Zefania 1:8

Yawɛ ke, “Jamɛ a ligbi ɔ, ma gbla ma tsɔli ɔmɛ, matsɛbimɛ ɔmɛ, kɛ nihi nɛ peeɔ ma se kusumi níhi tsuo kulaa a tue.

Mose IV, 23:7

Kɛkɛ nɛ gba gbi nɛ ɔ je Balaam nya, nɛ e de ke, “Moab matsɛ, Balak ya kpee mi kɛ je Aram tɔɔ. E kpee mi kɛ je beleku yo ɔmɛ a nɔ, nɛ e de mi ke, ‘Ba nɛ o ba gbiɛ Yakob ha mi, nɛ o tu munyu kɛ si Israel!’

Romabi 11:20

Saminya! Hemi nɛ a he we yi he je nɛ a po mɛ; nɛ moo lɛɛ hemi kɛ yemi o kɛ daa si ɔ nɛ. O yi ko fu, se mohu o hɛ nɛ hi o he nɔ.

Samuel I, 6:2

ni ɔmɛ ya tsɛ wɔnɔ ɔmɛ, kɛ kunya yeli ɔmɛ, nɛ a bi mɛ ke, “Kɛ wa maa pee Yawɛ somi daka a kɛɛ? Mɛni waa kɛ maa piɛ he kɛ ho e je he ya?”