Yesaya 2:22 - BAIBLO ALOO NGMAMI KLƆUKLƆU Ɔ

²² Nyɛ ko ngɔ nyɛ hɛ ngɔ fɔ nɔmlɔ adesa nɔ. Tlukaa kɛkɛ e mumi je e mi, nɛ e he be se nami hu.

Yesaya 2:22 ပူးပေါင်းရင်းမြစ်များ

Yeremia 17:5

Yawɛ ke, “Nɔ nɛ jeɔ ye se nɛ e ngɔɔ e hɛ ya fɔɔ nɔmlɔ nɔ, nɛ e hyɛɛ yemi kɛ buami blɔ kɛ jee adesa dɛ ɔ, a gbiɛ lɛ!

La 146:3

Nyɛ ko ngɔ nyɛ hɛ kɛ fɔ ganɔ ko, loo nɔmlɔ adesa ko nɔ, ejakaa e be he wami nɛ e ma he nyɛ yi wami.

Yakobo 4:14

Nyɛ ti ni nɛmɛ nɛ deɔ ja a, nyɛɛ bu tue. Anɛ nyɛ le hwɔɔ se je nami mi sane? Nyɛ ngɛ kaa afua nɛ woɔ be kpiti, kɛkɛ a nɛ́ lɛ hu.

La 8:4

i biɔ ke, “Mɛni ji nɔmlɔ adesa, nɛ o susuɔ e he? Mɛni ji nɔmlɔ bi, nɛ o hyɛɛ e nɔ?”

Yesaya 40:15

Je ma amɛ pi nɔ́ ko kulaa ngɛ Yawɛ hɛ mi. A ngɛ kaa nyu kɔyi kake kɛkɛ nɛ dɛ kɛ je goga mi. Zugba kpɔ ɔmɛ nɛ wo bɔle mɛ ɔ hu ngɛ wojowojo ngɛ Yawɛ dɛ mi kaa bunyuku nɛ pue sɛni nɔ.

La 62:9

Nimli adesahi tsuo ngɛ kaa mumi nɛ a woɔ; nimli nguahi jio, nimli wawi jio, mɛ tsuo a pi nɔ́ ko kulaa. Ke a ngmɛ mɛ ngɛ sɛni mi ɔ, a ngɛ wojowojo kulaa, nɛ a jiimi sui mumi nɛ a woɔ.

Mose I, 7:22

Je mi nɔ́ tsuaa nɔ́ nɛ woɔ mumi ɔ gbo.

Mose I, 2:7

Jamɛ a be ɔ mi ɔ, Yawɛ Mawu ngɔ zugba zu kɛ puɛ nɔmlɔ, nɛ e mu mumi nɛ haa nɔ wami ngɔ wo nɔmlɔ gugwɔ puɔ mi; nɛ nɔmlɔ pee adesa hɛngmengmletsɛ.

Hiob 27:3

kaa be abɔ nɛ i ngɛ wami mi, nɛ Mawu mumi ngɛ ye mi nɛ ɔ,

Yesaya 40:17

Je ma amɛ pi nɔ́ ko ngɛ e hɛ mi; e buu mɛ kaa ní guhi nɛ a he be se nami.

Yesaya 51:12

Yawɛ ke, “Imi ji nɔ nɛ woɔ mo he wami. Nɔmlɔ adesa nɛ gboɔ, nɛ e wami se kɛmi pi kaa nga nɔ́ po ɔ, mɛni he je o yeɔ lɛ gbeye?

Malaki 3:15

Amlɔ nɛ ɔ, wa naa paa kaa he woli ji nihi nɛ a gbaa mɛ saminya; yayami peeli ji ni nɛmɛ nɛ ngɛ plɔkee ngɛ je mi; a kaa Mawu, se nɔ́ ko pee we mɛ.’ ”