Yesaya 2:20 - BAIBLO ALOO NGMAMI KLƆUKLƆU Ɔ

²⁰ Jamɛ a be ɔ, ni ɔmɛ ma sake amaga amɛ nɛ a kɛ sika tsu kɛ sika hiɔ pee nɛ a ma ja a ngɔ hɛ fɔ he ha jesihi kɛ apanihi.

Yesaya 2:20 ပူးပေါင်းရင်းမြစ်များ

Mose I, 35:4

A ngɔ a ma se mawu ɔmɛ tsuo nɛ ngɛ a dɛ ɔ, kɛ a tue nya ní ɔmɛ ba ha Yakob; nɛ Yakob pu ngɛ tso ngua a sisi ngɛ Shekem kasa nya.

Fiɛlɔ 3:6

Be ngɛ nɛ a hlaa nɔ́, nɛ be ngɛ nɛ nɔ́ laa. Be ngɛ nɛ a baa nɔ́ yi, nɛ be ngɛ nɛ a sakee nɔ́ kɛ fɔɔ he.

Yesaya 10:3

Ke Mawu bɔni nyɛ tue gblami ɔ, kɛ nyɛ maa pee kɛɛ? Ke e ngɔ haomi kɛ je ma se kɛ ba na nyɛ ɔ, kɛ nyɛ maa pee kɛɛ? Mɛnɔ ngɔ nyɛ ma sa fo kɛ ya ya hla yemi kɛ buami? Jije nyɛ maa ngɔ nyɛ juetli kɛ to?

Yesaya 17:8

Jehanɛ lɛɛ bɔ sami la tɛhi nɛ mɛ nitsɛmɛ a puɛ ɔ, a be mɛ bue hu. Níhi nɛ a kɛ a nine pee, amagahi nɛ a puɛ ha yo mawu nɛ a tsɛɛ Ashera a, kɛ la tɛhi nɛ a sãã tsopa kɛ e he via ngɛ a nɔ ɔ, a be mɛ hu bue.

Yesaya 30:22

Nyɛ ma ble nyɛ we amaga amɛ; amagahi nɛ a ngɔ sika hiɔ kɛ ha a he, kɛ ní nɛmɛ nɛ a ngɔ sika tsu kɛ ha a he ɔ tsuo. Nyɛ maa hɛ mɛ kɛ fɔ he kaa ní komɛ nɛ a he tsɔ we; nyɛ ma de mɛ ke, “Nyɛɛ ho!”

Yesaya 31:7

Be ma nɛ nyɛ tsuo nyɛ ma sake amaga amɛ nɛ nyɛɛ kɛ pee yayami ɔ ngɔ pue he. Amaga nɛ ɔmɛ ɔ, nyɛ nitsɛmɛ nyɛ ngɔ sika tsu, kɛ sika hiɔ kɛ pee.

Yesaya 40:19

Amaga lo? Amaga nɛ tso galɔ kpɛ, nɛ sika galɔ ngɔ sika tsu kɛ ha he, nɛ e ngɔ sika hiɔ kɔsɔkɔsɔ ngɔ kpla lɛ ɔ!

Yesaya 46:1

“Babilon mawu ɔmɛ a nyagbe ji nɛ ɔ nɛ. Be ko ɔ, a ja Bel kɛ Nebo. A hɛɛɔ mɛ kɛ hii si poe. Se jehanɛ lɛɛ a plɛ pee tlomi ngɛ tejihi nɛ pɔ tɔ mɛ a se mi.

Yesaya 46:6

Nihi jeɔ sika tsu babauu kɛ jee a kotoku mi, nɛ a ngmɛɛ sika hiɔ ngɛ sɛni tɛ nɔ. A bɔɔ sika tsu galɔ apaa, nɛ e kɛ peeɔ amaga ha mɛ; kɛkɛ ɔ, a kplaa si nɛ a jaa amaga a!

Ezekiel 14:6

“Lɔ ɔ he ɔ, de Israel bi ɔmɛ ke bɔ nɛ imi Nyɔmtsɛ Yawɛ, i ngɛ dee ji nɛ ɔ nɛ: nyɛɛ kpale kɛ je nyɛ we amaga amɛ a se kɛ ba; nɛ nyɛɛ ngmɛɛ ni hiemi ní ɔmɛ tsuo a he.

Ezekiel 36:25

Ma ngɔ nyu klɔuklɔu kɛ fĩa nyɛ nɔ, nɛ nyɛ he ma tsɔ. Ma tsu nyɛ he kɛ je amagahi, kɛ mu níhi tsuo nɛ nyɛ kɛ ble nyɛ he ɔ a mi.

Ezekiel 7:19

A ma sake a sika tsu, kɛ sika hiɔ ngɔ pue gbɛjegbɛ ɔmɛ a nɔ kaa níhi nɛ a he tsɔ we. Ligbi ɔ nɛ Yawɛ we abofu maa ba ma a nɔ ɔ, a sika hiɔ, kɛ sika tsu ɔ be nyɛe ma he a yi wami; a be nyɛe maa ye kaa niye ní nɛ a tɔ, konɛ a na bua jɔmi. Ejakaa sika tsu, kɛ sika hiɔ ji níhi nɛ ha nɛ a pee yayami ɔ nɛ.

Hosea 14:8

Israel ma, mɛni peemi i kɛ amagahi ngɛ? Imi nɛ i buu nyɛ kue fami tue nɛ i hyɛɛ nyɛ nɔ. I ngɛ kaa sɛsɛo tso nɛ ba mumu tɛ̃ e nɔ gblegbleegble. Imi lɛ i haa ma a niye ní.”

Zefania 2:11

Yawɛ hɛ maa dɔ kɛ wo mɛ. Yawɛ ma kpata wɔ ɔmɛ tsuo a hɛ mi ngɛ zugba a nɔ, nɛ je ma amɛ, wo kpo ɔ, kɛ zugbahi nɛ wo bɔle mɛ ɔ tsuo ma ja lɛ, nɔ tsuaa nɔ ngɛ lɛ nitsɛ e zugba nɔ.

Luka 23:30

Jamɛ a be ɔ, nihi ma de ke, ‘Wa na nɛ yo ɔmɛ ba nɔ wa nɔ; nɛ yoku ɔmɛ ha wa nɔ.’