Yesaya 2:19 - BAIBLO ALOO NGMAMI KLƆUKLƆU Ɔ

¹⁹ Nihi ma ya laa a he ngɛ tɛ puɔhi a mi ngɛ yo ɔmɛ a nɔ, aloo a maa tsua muɔhi, konɛ a laa a he ngɛ mi kɛ je Yawɛ we abofu nɛ he wa a, kɛ e hɛ mi nyami ɔ nya, ke e ba nɛ e ba mimiɛ zugba a.

Yesaya 2:19 ပူးပေါင်းရင်းမြစ်များ

Samuel II, 22:46

Sawale maa nu ma je li ɔmɛ; a kɛ he kpokpomi maa hia kɛ maa je a laami he ɔmɛ kɛ ba.

Hiob 9:6

E haa nɛ zugba mimiɛɔ, nɛ titimahi nɛ hɛɛ zugba a mimiɛɔ.

La 7:6

Yawɛ, ye he nyɛli ɔmɛ te si kɛ wo mi; tee si nɛ o kɛ mɛ nɛ kpe ha mi. O mi mi nɛ fu mɛ; ejakaa dami sane yemi ji nɔ́ nɛ o suɔ.

Yesaya 13:13

Jamɛ a ligbi ɔ nɛ imi Yawɛ Tabohiatsɛ ɔ ma je ye mi mi fumi ɔ kpo kɛ tsɔɔ ɔ, ma ha hiɔwe tsuo ma mimiɛ, nɛ zugba a maa je e blɔ he.

Yesaya 2:10

A ma ya laa a he ngɛ tɛ puɔhi a mi, aloo a maa tsua muɔhi, konɛ a laa a he kɛ je Yawɛ we abofu nɛ he wa a, kɛ e hɛ mi nyami ɔ nya!

Yesaya 2:21

Ke Yawɛ ba nɛ e ba mimiɛ je ɔ, nimli maa laa a he ngɛ tɛ puɔhi kɛ muɔhi a mi ngɛ yo ɔmɛ a nɔ kɛ je e abofu nɛ he wa a, kɛ e hɛ mi nyami ɔ nya.

Yesaya 24:1

Yawɛ ma kpata zugba a hɛ mi, nɛ zugba a maa fɔ si gu. E ma plɛ zugba a hɛ mi bu si, nɛ nihi nɛ ngɛ nɔ ɔ, e maa gbɛ mɛ ngɔ fĩa.

Yesaya 24:18

Nɔ tsuaa nɔ nɛ maa ma fo kɛ je gbeye ní ɔmɛ a he ɔ maa nɔ muɔ voo mi, nɛ nɔ nɛ be muɔ voo ɔ mi nɔe ɔ maa du klama. Hiɔmi maa nɛ piapiaapia, nɛ je ɔ sisi tomi ɔmɛ ma mimiɛ.

Yesaya 24:19

Je ɔ mi ma gba; e maa ku, nɛ e maa gbɛ fĩa.

Yesaya 30:32

Ke Yawɛ nitsɛ ngɛ mɛ ní fiae ɔ, tue gblami tsuaa tue gblami nɛ e ma ha mɛ ɔ, e ma a maa hi miɛ, nɛ a maa fia saku kɛ to he.

Yesaya 33:10

Yawɛ ngɛ je ma amɛ dee ke, “Jehanɛ e su be nɛ ma tsu ní. Ma tsɔɔ nyɛ kaa ye he wa.

Yesaya 7:19

A ma ba pue si ngɛ kɔ̃ voovoo ɔmɛ, kɛ tɛ puɔ ɔmɛ a mi, nɛ a maa ha si ngɛ mio tso ɔmɛ a sisi, kɛ lohwe lɛmi he ɔmɛ tsuo.

Yeremia 16:16

Yawɛ ke “Ma tsɔ hɛli babauu kɛ ba nɛ a ba hɛ nimli nɛ ɔmɛ kaa a hɛɛ lo. Lɔ ɔ se ɔ, ma tsɔ de dali babauu kɛ ba nɛ a ba da mɛ kaa a daa lohwe de ngɛ yo tsuaa yo, kɛ yoku tsuaa yoku nɔ, kɛ tɛ puɔ tsuaa tɛ puɔ mi ngɛ tɛ sa amɛ a nɔ.

Yeremia 4:29

Ke ma a nu okpɔngɔ ɔmɛ, kɛ kɛ̃ɛ̃ tsɛ̃li ɔmɛ a he ɔ, nɔ tsuaa nɔ maa tu fo kɛ je. Ni komɛ ma ya sɛ pu mi, nɛ ni komɛ ma ya kuɔ tɛ sahi. A ma si ma amɛ tsuo ngɔ fɔ si, nɛ nɔ ko nɔ ko be a mi hie hu.

Yeremia 48:28

“Nyɛ Moab bi, nyɛɛ je nyɛ ma amɛ a mi! Nyɛɛ ho nɛ nyɛ ya hi tɛ sa amɛ a mi! Nyɛɛ pee nyɛ ní kaa okpohi nɛ a maa tsu ngɛ puɔhi a mi ngɛ kɔ̃ he ɔ.

Ezekiel 33:27

“De mɛ ke imi Nyɔmtsɛ Yawɛ, i ngɛ ye he kita kae ke bɔ tsuaa bɔ nɛ pee ɔ, nihi nɛ ngɛ ma doku ɔmɛ a mi ɔ, a ma kpata mɛ tsuo a hɛ mi. Nihi nɛ ngɛ nga a nɔ ɔ, nga mi lohwe awi yeli maa ye mɛ. Nɛ nihi nɛ ya laa a he ngɛ yo ɔmɛ a nɔ, kɛ tɛ muɔhi a mi ɔ, gbenɔ hiɔ maa gbe mɛ.

Hosea 10:8

Wɔ piɛhi nɛ ngɛ Aven yoku ɔ nɔ, he nɛ Israel ma a ya jaa amaga amɛ ngɛ ɔ, a ma kpata a hɛ mi. Mio tso, kɛ hu maa bɔ kɛ pue a bɔ sami la tɛ ɔmɛ a nɔ. Nɛ Israel bi ma kpa ngmlaa ma de yo gagaa amɛ ke, “Nyɛ ba ha wa nɔ!” nɛ a ma de yoku ɔmɛ ke, “Nyɛ ba nɔ wa nɔ!”

Mika 7:17

A maa sã si ngɛ tabo zu mi kaa sinɔhi. A kɛ he domi kɛ gbeye yemi maa je a mɔ ɔmɛ a mi kɛ ba Yawɛ, wa Mawu ngɔ.

Nahum 3:11

Nineve, mo hu o maa pee kaa nɔ nɛ tɔ dã! O ma hla kaa o maa je o he nyɛli ɔmɛ a dɛ mi.

Hagai 2:6

“E be kɛe kulaa nɛ ma mimiɛ hiɔwe, zugba, wo, kɛ zugba gbigbli ɔ tsuo ekohu.

Hagai 2:7

Ma ngɔ je mahi tsuo ngɔ fia si, nɛ a maa muɔ a juetli babauu ɔ kɛ ba hiɛ ɔ, nɛ Mawu we ɔ ma hyi tɔtɔɔtɔ kɛ níhi nɛ a he jua wa.

Luka 23:30

Jamɛ a be ɔ, nihi ma de ke, ‘Wa na nɛ yo ɔmɛ ba nɔ wa nɔ; nɛ yoku ɔmɛ ha wa nɔ.’

2 Tesalonikabi 1:9

A maa gbla a tue, nɛ a hɛ mi ma kpata pɛsɛpɛsɛ kɛ maa ya neneene. A ma je mɛ kɛ je Nyɔmtsɛ ɔ hɛ mi. A be Nyɔmtsɛ ɔ hɛ mi nyami ɔ, kɛ e he wami ɔ nae

Hebribi 11:38

Je ɔ sɛ́ nimli nɛ ɔmɛ! A wo lalaalo ngɛ nga kplanaa nɔ, kɛ yohi a nɔ. A hi tɛ puɔhi, kɛ muɔhi a mi.

Hebribi 12:26

Jamɛ a be ɔ mi ɔ, gbi nɛ Mawu wo ɔ ha nɛ zugba a mimiɛ; se jehanɛ lɛɛ e wo si ke, “Pi zugba a kɛkɛ nɛ ma mimiɛ si kake ekohu, se mohu ma ha nɛ hiɔwe hu ma mimiɛ kɛ piɛ he.”

Kpojemi 11:13

Jamɛ a be ɔ nɔuu ɔ, zugba mimiɛ wawɛɛ; ma a mi dlami nyɔngma mi kake hɛ mi kpata, nimli akpe kpaago gbo, nɛ ni nɛmɛ nɛ piɛ ɔ ye gbeye, nɛ a wo Mawu nɛ ngɛ hiɔwe ɔ hɛ mi nyami.

Kpojemi 11:19

Mawu sɔlemi we ɔ nɛ ngɛ hiɔwe ɔ nya bli, nɛ a na e somi daka a nɛ fɔɔ si ngɛ lejɛ ɔ. Kɛkɛ nɛ oslabai gba; hiɔwe si, zugba mimiɛ, nɛ gbiɛ ngo ngu agboagbo nɛ pue zugba a nɔ.

Kpojemi 16:18

Kɛkɛ nɛ oslabai gba, nɛ hiɔmi si, nɛ zugba mimiɛ wawɛɛ. Kɛ je be nɛ a bɔ adesa a, zugba mimiɛ we kaa kikɛ nɛ ɔ hyɛ. Zugba nɛ mimiɛ jamɛ a ligbi ɔ, a nɛ eko hyɛ.

Kpojemi 20:11

Enɛ ɔ se ɔ, i na Mawu nɛ hii si ngɛ matsɛ sɛ hiɔ kpetekpleenyɛ ko nɔ. Tlukaa a, hiɔwe kɛ zugba laa, nɛ a nɛ mɛ hu.

Kpojemi 9:6

Jamɛ a nyɔhiɔ enuɔ ɔ mi ɔ, nimli ma hla gbenɔ se blɔ, se a be nae; a maa suɔ kaa a gbo, se gbenɔ maa tu a nya fo.

Samuel I, 13:6

A ya tua Israel bi ɔmɛ wawɛɛ nitsɛ, nɛ Israel bi ɔmɛ na kaa a yi fi. Lɔ ɔ he ɔ, a ya laa a he ngɛ tɛ puɔhi, muɔhi, yɔkɔhi, vuhi, kɛ tɛ sahi a mi;

Samuel I, 14:11

Lɔ ɔ he ɔ, mɛ ni enyɔ ɔmɛ a ya je a he kpo ngɔ tsɔɔ Filisti bi ɔmɛ. Filisti bi ɔmɛ de ke, “Nyɛɛ hyɛ! Hebri bi komɛ hia kpo kɛ je muɔ ɔmɛ nɛ a ya laa a he ngɛ mi ɔ a mi kɛ ma.”