Yesaya 2:11 - BAIBLO ALOO NGMAMI KLƆUKLƆU Ɔ

¹¹ Be ma nɛ nɔmlɔ adesa he tsɔɔmi, kɛ e he nɔ womi tsuo a se maa po. Kɛkɛ ɔ, a ma wo Yawɛ pɛ nɔ gojoo.

Yesaya 2:11 ပူးပေါင်းရင်းမြစ်များ

La 18:27

Nihi nɛ baa a he si ɔ, o heɔ a yi wami. Se ni nɛmɛ nɛ woɔ a he nɔ lɛɛ o baa mɛ si.

Yesaya 2:17

Nɔmlɔ adesa he tsɔɔmi, kɛ e he nɔ womi tsuo se maa po. Amagahi a se maa po kulaa; nɛ jamɛ a be ɔ, Yawɛ pɛ nɔ a ma wo gojoo.

Malaki 4:1

Yawɛ Tabohiatsɛ ɔ ke, “Be ma nɛ he woli, kɛ yayami peeli tsuo maa sã kaa bɔ nɛ nga sãã ngɛ flɔɔnɔɔ mi ɔ. Jamɛ a be ɔ, a maa sã pɛsɛpɛsɛ, nɛ a he nɔ́ ko nɔ́ ko be piɛe.

Yesaya 24:21

Be ma nɛ Yawɛ maa gbla hiɔwe ta a, kɛ zugba a nɔ matsɛmɛ ɔmɛ tsuo a tue.

Yesaya 13:11

Bɔ nɛ Yawɛ ngɛ dee ji nɛ ɔ nɛ: “Ma ha amanehlu maa ba je ɔ mi tsuo, nɛ ma gbla yiwutsotsɛmɛ tsuo a tue ngɛ a yayami ɔmɛ a he. Nɔ tsuaa nɔ nɛ woɔ e he nɔ ɔ, ma ba lɛ si; nɛ nɔ tsuaa nɔ nɛ peeɔ pupuupu, aloo e yi mi wa a, ma gbla e tue.

Yesaya 12:4

Jamɛ a ligbi ɔ, ma a ma la nɛ a ma de ke, “Nyɛɛ na Yawɛ si! Nyɛɛ wo e biɛ ta! Nyɛ ha je ma amɛ tsuo nɛ le níhi nɛ e pee ɔ! Nyɛ ha nɛ a le kaa Yawɛ kle!

Mika 4:6

Yawɛ ke, “Nihi nɛ i gbla a tue, nɛ a na nɔ́ ngɛ nyɔguɛ si himi mi ɔ, be ma, nɛ ma bua jamɛatsɛmɛ ɔmɛ a nya ekohu.

Hosea 2:18

Jamɛ a be ɔ, i kɛ nga mi lohwe awi yeli, kɛ lohwe pɛlitsɛmɛ tsuo maa so, nɛ a be ye ma a awi yee hu. Ma ha klaate, kɛ̃ɛ̃, kɛ ta hwumi ní kpahi tsuo a se maa po ngɛ zugba a nɔ, nɛ ye ma a maa hi si ngɛ tue mi jɔmi, kɛ he jɔmi mi.

Ezekiel 39:22

Nɛ kɛ je jamɛ a ligbi ɔ kɛ yaa a, Israel bi ɔmɛ maa le kaa imi ji Yawɛ, a Mawu ɔ nɛ.

1 Petro 5:5

Ja nɔuu, nyɛ nihewi ɔmɛ hu, nyɛɛ ba nyɛ he si ha nikɔtɔma amɛ. Nyɛ tsuo pɛpɛɛpɛ nyɛ sɔmɔ nyɛ sibi kɛ he si bami. Ejakaa ngmami ɔ ke, “Nihi nɛ woɔ a he nɔ ɔ, Mawu kɛ mɛ toɔ ní; se nihi nɛ baa a he si ɔ, Mawu dlooɔ mɛ.”

2 Korintobi 10:17

Lɔ ɔ he ɔ, kaa bɔ nɛ ngmami ɔ deɔ ɔ, “Nɔ nɛ suɔ kaa e maa fĩa a, e fĩa ngɔ fɔ nɔ́ nɛ Nyɔmtsɛ ɔ pee ɔ pɛ nɔ.”

2 Korintobi 10:5

nɛ wa teɔ si woɔ ní yayamihi nɛ he nɔ woli deɔ kɛ siɔ bɔ nɛ Mawu ngɛ anɔkuale mi ɔ. Wa tsakeɔ adesa juɛmi, konɛ e susumi nɛ pee kaa bɔ nɛ Kristo ngɛ hlae ɔ.

Luka 18:14

I ngɛ nyɛ dee ke, nyumu nɛ ɔ kpale e se kɛ ho we mi ya kaa nɔ nɛ pee nɔ́ nɛ sa Mawu hɛ mi pe Farisi no ɔ. Ejakaa nɔ tsuaa nɔ nɛ woɔ e he nɔ ɔ, a maa ba lɛ si; se nɔ nɛ baa e he si ɔ, a ma wo e nɔ.”

Zakaria 9:16

Jamɛ a ligbi ɔ, Yawɛ, a Mawu ɔ ma he a yi wami, ejakaa e tohi ji mɛ. E ma a ma kpɛ́ ngɛ zugba a nɔ kaa bɔ nɛ june kpɛɔ ngɛ matsɛ pɛɛ he ɔ.

Zefania 3:16

Be ma, nɛ a ma de Yerusalem ke, “Zion, koo ye gbeye! O kɔni nɛ ko gbo!

Zefania 3:11

Jamɛ a be ɔ, zo be nyɛ pee hu kaa nyɛ ye ma a, nyɛ tsɔ ye hɛ mi atuã. Ma je he woli, kɛ he nɔ woli kɛ maa je nyɛ kpɛti, nɛ nyɛ be ye hɛ mi atuã tsɔe hu gblegbleegble ngɛ ye yo klɔuklɔu ɔ nɔ.

Mika 5:10

Yawɛ ke, “Jamɛ a be ɔ, ma kpɔ okpɔngɔ ɔmɛ ngɛ nyɛ dɛ, nɛ ma kpata nyɛ ta zugba lɛ ɔmɛ a hɛ mi.

Obadia 1:8

“Ligbi nɛ ma gbla Edom tue ɔ, ma kpata e ní leli ɔmɛ a hɛ mi, nɛ ma ha a ní lemi ɔ tsuo se maa po.

Amos 9:11

Yawɛ ke, “Amlɔ nɛ ɔ, David matsɛ yemi kpetekpleenyɛ ɔ pee kaa we ko nɛ hule ngɔ pue si. Se be ma nɛ ma ha nɛ matsɛ yemi nɛ ɔ maa da si ekohu kaa bɔ nɛ e ngɛ sa a.

Yoel 3:18

“Jamɛ a be ɔ mi ɔ, yoku ɔmɛ a nɔ ma hyi kɛ wai nɛ ngɔɔ, nɛ na nyɔ nyu maa pɔ he ngɛ yoku ɔmɛ tsuo a nɔ. Yuda pa amɛ tsuo ma hyi tɔ. Nyu hɛngmɛ maa hia kɛ je Yawɛ we ɔ mi, nɛ nyu ɔ ma ya pue Akasia kɔ̃ ɔ mi.

Hosea 2:21

Jamɛ a be ɔ, ma bu ye ma Israel kue fami ɔ tue. Ma ha hiɔmi maa nɛ, nɛ zugba a maa ba ní; blɛfo, wai yiblii, kɛ Oliv maa pɔ he.

Hosea 2:16

Kɛkɛ ɔ, e ma tsɛ mi ke e huno ekohu; e be mi tsɛe ke e Baal hu.

Ezekiel 39:11

Yawɛ ke, “Ke ní nɛ ɔmɛ na ba mi ɔ, ma ha a maa pu Gog ngɛ Israel zugba a mi, ngɛ ‘Blɔ hiali a kɔ̃’ ɔ mi, ngɛ Ngo wo ɔ beleku je. A maa pu Gog kɛ e ta a tsuo ngɛ kɔ̃ ɔ mi, nɛ a maa wo lejɛ ɔ biɛ ke ‘Gog ta buli a kɔ̃.’

Ezekiel 38:19

I ngɔ hunga, kɛ hɛdɔ kɛ ngɛ dee ke jamɛ a ligbi ɔ, Israel zugba a ma mimiɛ wawɛɛ.

Ezekiel 38:14

Lɔ ɔ he ɔ, Nyɔmtsɛ Yawɛ tsɔ mi ke ma ya de Gog ke, “Jehanɛ, benɛ ye ma Israel ngɛ tue mi jɔmi mi ɔ, o maa hia blɔ

Yeremia 9:24

Ke nɔ ko suɔ kaa e maa fĩa a, e fĩa kaa e le mi saminya; ejakaa ye suɔmi ɔ se pui gblegbleegble; i peeɔ nɔ́ nɛ da, nɛ i yeɔ dami sane. Ní nɛ ɔmɛ ji níhi nɛ saa ye hɛ mi. Imi, Yawɛ lɛ i de.”

Yesaya 52:6

Be ma nɛ nyɛ maa le kaa imi ji Mawu; nyɛ maa le kaa imi lɛ i kɛ nyɛ tu munyu ɔ nɛ.”

Yesaya 37:23

Mɛnɔ he fɛu o ye ɔ? Mɛnɔ ahlua o bɔ ɔ? Mɛnɔ nɔ o wo o nya nɔ ngɛ ɔ? Mɛnɔ o bui ɔ? Pi imi, Israel Mawu klɔuklɔu ɔ lo?

Yesaya 30:23

Ke nyɛ du ní ɔ, Yawɛ ma ha hiɔmi maa nɛ kɛ pue zugba a nɔ, nɛ niye ní babauu maa ba; jamɛ a be ɔ mi ɔ, nyɛ na amɛ ma na zugba agbo nɛ a maa ye ní ngɛ nɔ.

Yesaya 29:18

Jamɛ a be ɔ, tuekpokutsɛ maa nu nɛ a ngɛ womi kanee, nɛ hɛ yuyuili nɛ ngɛ diblii kpii mi ɔ, a hɛngmɛ maa hyɛ nɔ ekohu.

Yesaya 28:5

Be ma nɛ Yawɛ Tabohiatsɛ ɔ maa pee kaa mɔmɔ jlasi saminyayoo kɛ ha e ma mi ni nɛmɛ nɛ a yi ma na wami ɔ.

Yesaya 26:1

Be ma nɛ ma a ma la la nɛ ɔ ngɛ Yuda zugba a nɔ: Wa ngɛ ma nɛ he wa! Mawu nitsɛ lɛ buu ma a gbogbo ɔmɛ a he!

Yesaya 25:9

Ke e ba mi ja a, nɔ tsuaa nɔ ma de ke, “Wa Mawu ji nɛ ɔ nɛ! Wa ngɔ wa hɛ ngɔ fɔ e nɔ, nɛ e kpɔ wɔ. Lɛ ji Yawɛ. Akɛnɛ wa ngɔ wa hɛ ngɔ fɔ e nɔ nɛ́ e he wa yi wami he je ɔ, wa bua jɔ wa he, nɛ wa ngɛ nyae.”

Yesaya 12:1

Jamɛ a ligbi ɔ, nyɛ ma la ke, “Yawɛ i ngɛ o yi jee! Be ko ɔ, o mi mi fu mi, se jehanɛ lɛɛ mo nitsɛ o ngɛ mi bua woe, ejakaa o mi mi fumi ɔ se po.

Yesaya 4:1

Jamɛ a be ɔ, yihi kpaago ma ya nu nyumu kake nɛ a ma de lɛ ke, “Wa kpa mo pɛɛ, wɔ nitsɛmɛ wa maa lɛ wa he, nɛ wɔ nitsɛmɛ wa maa bɔ wa heha ní he mɔde, se ngmɛɛ wɔ blɔ nɛ wa tsɛ mo ke wa huno kɛkɛ, konɛ a ko ba bɔ wɔ ahlua hu.”

2 Tesalonikabi 1:10

ligbi ɔ nɛ e maa ba nɛ e ni klɔuklɔu ɔmɛ ma je e yi, nɛ nihi nɛ heɔ lɛ yeɔ maa wo e hɛ mi nyami ɔ. Nɛ nyɛ hu nyɛ maa piɛ a he, ejakaa sɛ gbi ɔ nɛ wa ngɔ ba ha nyɛ ɔ, nyɛ he ye.

Samuel II, 22:28

Nihi nɛ baa a he si ɔ, o heɔ a yi wami. Ni nɛmɛ nɛ woɔ a he nɔ ɔ, o baa mɛ si.

La 20:8

Mɛɛ a ma tɛ nɔ, nɛ a maa nɔɔ si, se wɔɔ lɛɛ wa maa te kɛ da si kɛ he wami.

La 46:10

Mawu ke, “Nyɛɛ pee dii, nɛ nyɛ na nyɛɛ le kaa imi ji Mawu ɔ nɛ. Je ma amɛ tsuo a kpɛti ɔ, nɔ ko nɔ ko be nɛ kɛ mi sɔ. Je ɔ mi hu nɔ ko pi mi.”

Abɛ Womi 30:13

Ni komɛ woɔ a he nɔ, nɛ a susuɔ kaa a hi tsɔ.

Yesaya 23:9

Yawɛ Tabohiatsɛ ɔ nitsɛ lɛ pee. E pee enɛ ɔ, konɛ a he nɔ womi ɔ se nɛ po, nɛ nimli nguangua amɛ hu a he guɛ nɛ gbo.

Yesaya 30:18

Se kɛ̃ ɔ, Yawɛ ngɛ mlɛe kaa e maa na nyɛ mɔbɔ; ejakaa nɔ́ nɛ da pɛ e peeɔ daa. Nihi nɛ ngɔɔ a hɛ ngɔ fɔɔ Yawɛ nɔ ɔ, a naa bua jɔmi.

Mika 2:3

Enɛ ɔ he je ɔ, Yawɛ ke, “I to nɛ i kɛ haomi maa ba nyɛ nɔ, nɛ nyɛ he be mi jee. Ke haomi nɛ ɔ na ba nyɛ nɔ ɔ, nyɛ be nyɛ he nɔ woe hu gblegbleegble.

La 18:28

Ejakaa mo Yawɛ, ye Mawu ɔ, mo lɛ o haa mi la. Mo lɛ o fieɔ diblii kɛ jeɔ ye he.

La 46:11

Yawɛ Tabohiatsɛ ɔ kɛ wɔ ngɛ; Yakob Mawu ɔ ji wa wesa he.

La 94:2

Mo je ɔ tsuo kojolɔ, tee si nɛ o wo he nɔ woli hiɔ bɔ nɛ sa mɛ.

Abɛ Womi 16:5

Nɔ tsuaa nɔ nɛ woɔ e he nɔ ɔ, e he peeɔ Yawɛ tai. Bɔ tsuaa bɔ nɛ pee ɔ, ja a gbla e tue; e be e he yee.

Yesaya 10:12

Se Yawɛ ke, “Ke i gbe nɔ́ nɛ i ngɛ tsue ngɛ Zion yo ɔ nɔ, kɛ Yerusalem ɔ nya a, ma gbla Asiria matsɛ ɔ tue ngɛ e he nɔ womi, kɛ e fiami babauu ɔ he.”

Yesaya 14:15

Se mohu ɔ, a ba mo si kɛ ho gbeje he nɛ mi kuɔ pe kulaa a ya.

Yesaya 40:23

Ganɔhi po e baa mɛ tsuo si, nɛ e peeɔ nɔ yeli posoposo.

Yeremia 12:9

Ma nɛ i je blɔ hla a, a ngɛ kaa lohwe pɛlitsɛmɛ nɛ kayohi ba tua kɛ je he slɔɔtohi. Nyɛ yá kpee pu mi lohwehi tsuo kɛ ba, nɛ a kɛ mɛ ba tsɔtslɔɔ e mi.

Daniel 4:34

Matsɛ Nebukadnezar de ke, “Jeha kpaago ɔ se ɔ, i wo ye yi nɔ nɛ i hyɛ hiɔwe, kɛkɛ nɛ ye juɛmi ɔ kpale kɛ ba ekohu. I je Mawu nɛ ngɛ hiɔwe lokoo ɔ yi, nɛ i wo nɔ nɛ ngɛ kɛ yaa neneene ɔ hɛ mi nyami. “E maa ye tsɛ kɛ maa ya neneene; nɛ e matsɛ yemi ɔ maa hi si daa.