Yesaya 19:3 - BAIBLO ALOO NGMAMI KLƆUKLƆU Ɔ

³ Ma ha ga amɛ nɛ Egipt bi ɔmɛ to ɔ maa pee yaka, nɛ a mumu nya maa ta. A ma de amaga amɛ ke a ba piɛ a he; a ma ya bi ní ngɛ ní peeli a ngɔ, nɛ a ma bi ga womi kɛ je klamɔhi, kɛ kpade tsɛli a ngɔ.

Yesaya 19:3 ပူးပေါင်းရင်းမြစ်များ

Yesaya 8:19

Se ni komɛ de nyɛ ke nyɛ ya bi ní ngɛ klaali, kɛ ní peeli nɛ kpaa nyagba, nɛ a tuɔ gugwɔ mi gbi ɔ a ngɔ. A ma de ke, “E pee we nɔ́ ko; e sa kaa a ya bi ní ngɛ mumihi a ngɔ, nɛ a nu nɔ́ ko nɛ kɔɔ hɛ ngmengmletsɛmɛ a he kɛ je kpadehi a ngɔ.”

Daniel 2:2

Enɛ ɔ he je ɔ, e tsɔ ya kpee womi mi leli ɔmɛ, klaali ɔmɛ, kunya yeli ɔmɛ, kɛ nyɔhiɔ mi hyɛli ɔmɛ kɛ ba, konɛ a ba tsɔɔ lɛ e nlami ɔ sisi. Kɛkɛ nɛ a ba nɛ a ba da si ngɛ matsɛ ɔ hɛ mi,

Kronika I, 10:13

Saul gbo, ejakaa e yi Yawɛ anɔkuale. E tɔ Yawɛ mlaa amɛ a nɔ; jehanɛ hu, e ya ní peelɔ ngɔ nɛ e ya tsɛ kpade nɛ e bi lɛ ga womi,

Daniel 5:7

Kɛkɛ nɛ e kpa ngmlaa wawɛɛ nɛ e de ke nɔ ko nɛ ya ngɔ kunya yeli ɔmɛ, klaali ɔmɛ, kɛ nyɔhiɔ mi hyɛli ɔmɛ kɛ ba. Benɛ a ba a, matsɛ ɔ de mɛ ke, “Nɔ tsuaa nɔ nɛ ma nyɛ maa kane nɔ́ nɛ a ngma nɛ ɔ, nɛ e ma nyɛ maa tsɔɔ mi sisi ɔ, a maa wo lɛ matsɛ tade klɔii nɛ hɛɛ alamua tu su nɛ he jua wa saminya. A kɛ sika tsu kuɛ ní maa wo jamɛatsɛ ɔ kuɛ, nɛ a maa pee lɛ matsɛ se yelɔ ɔ setsɔ.”

Ezekiel 22:14

Ke i kɛ mo ná a, anɛ o ma nyɛ maa to tsui si, nɛ o maa pee kã kɛ ya si nyagbe lo? Imi, Yawɛ lɛ i de, nɛ ma pee hulɔ.

Ezekiel 21:7

Ke a bi mo nɔ́ nɛ ngɛ mo pee loko o ngɛ kɛmɛe kɛ aywilɛho wawɛɛ kikɛ nɛ ɔ, de mɛ ke sane nɛ ma a nya wa tsɔ. Nɔ tsuaa nɔ tsui maa po; nɔ tsuaa nɔ nine mi maa je wu; nɔ tsuaa nɔ maa pee vii ngɛ e mi; nɛ nakutso tsuaa nakutso mi maa jɔ kaa nyu. Be ɔ ma, e su ta, nɛ e maa ba mi amlɔ nɔuu.” Nyɔmtsɛ Yawɛ lɛ de.

Yeremia 46:15

Kɛ ba lɛ kɛɛ loko Apis, nyɛ mawu kpetekpleenyɛ ɔ tu fo kɛ je nyɛ he ɔ? Ee, Yawɛ lɛ fia lɛ nɔ́ kɛ fɔ si!’

Yesaya 57:16

Imi nitsɛ nɛ i ha ye ma a wami; lɔ ɔ he ɔ, i kɛ mɛ be pɛe, nɛ ye mi mi hu be mɛ fue kɛ ya neneene.

Yesaya 47:12

Kunya nɛ o ye, kɛ kablɛ nɛ o fi kɛ je o jokuɛwi a si ɔ, pɛtɛ he. Eko piɔ, a ma ha nɛ nihi a mi maa hi ha mo, nɛ o he nyɛli maa ye mo gbeye.

Yesaya 44:25

Imi ji nɔ nɛ haa lakpa gbali ɔmɛ, kɛ dodoe mi hyɛli a we okadi ɔmɛ peeɔ yaka. Imi ji nɔ nɛ kuɔ ní leli a nya la, nɛ i haa a nile plɛɔ peeɔ kuasia jemi.

Yesaya 19:1

Sɛ gbi nɛ kɔɔ Egipt he ji nɛ ɔ nɛ. Yawɛ hi bɔku nɔ kɛ fo kɛ ma Egipt. Egipt amaga amɛ a he ngɛ doe blibliibli kaa Yawɛ ma, nɛ Egipt bi ɔmɛ hu sawale nu mɛ.

Yesaya 15:2

Dibon bi ɔmɛ kuɔ yo ɔ, nɛ a ya wo yana ngɛ a jami he ɔmɛ. Moab bi ɔmɛ wo yana kɛ nyɛ ya ha Nebo kɛ Medeba. A sɛ a yi, kɛ a kpɛni tsuo kɛ ye kɔmɔ.

Yesaya 14:27

Yawɛ Tabohiatsɛ ɔ pee e yi mi kaa e ma tsu nɔ́ nɛ ɔ; e wo e kɔni nɔ momo ke e maa gbla a tue, nɛ nɔ ko nɔ ko be nyɛe maa tsi e nya.

Abɛ Womi 21:30

Adesa nile, loo nɔ́ sisi numi, loo ga be nyɛe maa da Yawɛ hɛ mi.

La 107:27

Nɛ e pee ja a, a ngɛ kpae, nɛ a ngɛ si tɛe kaa dã deli, nɛ a pa li bɔ nɛ a maa pee hu.

La 76:12

Ganɔhi nɛ woɔ a he nɔ ɔ, e baa mɛ si; e woɔ matsɛmɛ nguanguahi hu a he gbeye.

Samuel II, 17:23

Benɛ Ahitofel na kaa a yi ga nɛ e wo ɔ nɔ ɔ, e wo e teji nɔ ní, nɛ e je kɛ ho lɛ nitsɛ e ma mi ya. Benɛ e to e níhi a blɔ nya gbe nya a, e ho nɛ e ya wo e kuɛ kpa; nɛ a pu lɛ ngɛ e tsɛ yɔkɔ ɔ mi.

Samuel II, 17:14

Absalom kɛ Israel bi ɔmɛ tsuo de ke, “Ga nɛ Hushai, Arki no ɔ wo ɔ hi pe Ahitofel nɔ́ ɔ.” Blɔɔ Yawɛ to momo kaa ga kpakpa a nɛ Ahitofel wo ɔ, a ko ye nɔ, bɔ nɛ pee nɛ lɛ, Yawɛ ɔ e kɛ amanehlu nɛ ba Absalom nɔ.

Samuel II, 15:31

Benɛ a ya bɔ David amaniɛ ke Ahitofel hu ya piɛ Absalom atuã tsɔli ɔmɛ a he ɔ, e sɔle ke, “Yawɛ lee, i kpa mo pɛɛ nɛ o plɛ Ahitofel ga womi ɔ kɛ pee kuasiahi a sane.”

Samuel I, 25:37

Mɔtu benɛ dã a je Nabal hɛ mi ɔ, e yo ɔ gba lɛ nɔ́ tsuaa nɔ́ nɛ ya nɔ. Kɛkɛ nɛ Nabal tsui kpa tsɔ, nɛ e hule pue si.

La 33:10

Ke je ma amɛ so kikɛ nɛ ɔ, Yawɛ tsakeɔ a yi mi tomi ɔmɛ, nɛ a nyɛ we nɛ a kɛ tsuɔ ní.

Daniel 1:20

Be tsuaa be nɛ matsɛ ɔ ma bi a ga womi ngɛ sanehi nɛ hia yi mi susumi wawɛɛ, kɛ nɔ́ he buami nɛ nɔ́ jemi ko be he a he ɔ, e naa kaa nihewi eywiɛ nɛ ɔmɛ a juɛmi mi kuɔ si nyɔngma pe klaali kɛ kunya yeli tsuo nɛ ngɛ e matsɛ yemi he ɔmɛ tsuo.

Matsɛmɛ II, 1:2

Ligbi ko ɔ, Israel matsɛ, Ahazia tsɔ́ kɛ je e hiɔwe tsu nɛ ngɛ Samaria a saflɛ mi kɛ ba nɔ si, nɛ e plaa wawɛɛ nitsɛ. Enɛ ɔ he ɔ, e tsɔ nihi ke a ya bi ní ngɛ Baalzebub ngɔ ha lɛ kaa e yi ma na wami lo. Baalzebub ji mawu nɛ ngɛ Filisti bi ɔmɛ a ma nɛ a tsɛɛ Ekron ɔ nɛ.