Yesaya 19:12 - BAIBLO ALOO NGMAMI KLƆUKLƆU Ɔ

¹² Egipt matsɛ, jije o ga woli nɛ le ní saminya a ngɛ? Eko ɔ, a ma nyɛ ma de mo yi mi nɛ Yawɛ Tabohiatsɛ ɔ to ngɛ Egipt he.

Yesaya 19:12 ပူးပေါင်းရင်းမြစ်များ

1 Korintobi 1:20

Jije ní leli ɔmɛ ngɛ? Jije ga leli ɔmɛ ngɛ? Jije je nɛ ɔ mi sane mi hlali ɔmɛ ngɛ? Ee, Mawu ha nɛ je nɛ ɔ mi nile ɔ plɛ pee kuasiahi a sane.

Romabi 9:17

Ejakaa ngmami ɔ deɔ ke Mawu de Egipt matsɛ ɔ ke, “I wo mo tsɛ, bɔ nɛ pee nɛ ma je ye he wami kpo ngɔ tsɔɔ mo, konɛ o wo ye biɛ ta ngɛ je ɔ mi tsuo.”

Yeremia 2:28

“Mawu ɔmɛ nɛ nyɛ pee ngɔ ha nyɛ he ɔ, jije a ngɛ? Ke haomi ba nyɛ nɔ ɔ, nyɛ ha nɛ a he nyɛ yi wami ke a ma nyɛ ɔ! Yuda, bɔ nɛ o ma amɛ hiɛ babauu ɔ, ja nɔuu lɛ o mawu ɔmɛ hu hiɛ.

Yesaya 44:7

Mɛnɔ kɛ mi sɔ? Ha nɛ a ha heto. Ha nɛ a je nya nɛ a de ngɛ ye hɛ mi. Níhi nɛ ba blema a, mɛnɔ lɛ de to? Ha nɛ a gba níhi nɛ maa ba hwɔɔ se.

Yesaya 14:24

Yawɛ Tabohiatsɛ ɔ ka kita ke, “Nɔ́ nɛ i to kaa ma pee ɔ maa ba mi ja. Nɔ́ nɛ i to ye yi mi kaa ma tsu ɔ, ma tsu kokooko.

Yesaya 5:21

Musu tloo nyɛ! Nyɛ susu kaa nyɛ hɛ mi tɛ, nɛ nyɛ le ní saminya.

Manyadali 9:38

Kɛkɛ nɛ Zebul bi lɛ ke, “Nya puu ɔ nɛ o pee, nɛ o bi ke, ‘Mɛnɔ ji Abimelek nɛ wa sɔmɔɔ lɛ ɔ?’ jije e kɛ mo su? Anɛ pi ma nɛ o gbe a he guɛ ɔ ji nɛ ɔ lo? Jehanɛ, jee kpo konɛ o kɛ mɛ ya hwu ta.”

Obadia 1:8

“Ligbi nɛ ma gbla Edom tue ɔ, ma kpata e ní leli ɔmɛ a hɛ mi, nɛ ma ha a ní lemi ɔ tsuo se maa po.