Yesaya 19:1 - BAIBLO ALOO NGMAMI KLƆUKLƆU Ɔ

¹ Sɛ gbi nɛ kɔɔ Egipt he ji nɛ ɔ nɛ. Yawɛ hi bɔku nɔ kɛ fo kɛ ma Egipt. Egipt amaga amɛ a he ngɛ doe blibliibli kaa Yawɛ ma, nɛ Egipt bi ɔmɛ hu sawale nu mɛ.

Yesaya 19:1 ပူးပေါင်းရင်းမြစ်များ

Mose II, 12:12

“Jamɛ a nyɔ ɔ mi ɔ, ma gu Egipt zugba a nɔ kɛ be, nɛ ma gbe bitɛtehi tsuo nɛ ngɛ Egipt zugba a nɔ ɔ, kɛ a lohwe ɔmɛ hu a kekleekle bi kuhi. Egipt mawu ɔmɛ lɛɛ ma kpata mɛ tsuo pɛpɛɛpɛ a hɛ mi. Imi ji Yawɛ.

Kpojemi 1:7

Hyɛ! E ngɛ bɔku ɔmɛ a mi kɛ ma, nɛ nɔ tsuaa nɔ maa na lɛ; nihi nɛ gbɔɔ lɛ ní ɔ hu maa na lɛ. Nihi tsuo nɛ ngɛ je ɔ mi ɔ maa wo yana ha lɛ. Ee, é ba mi ja! Amen.

Yoel 3:19

“Egipt ma plɛ pee nga kplanaa, nɛ Edom hu maa pee ma doku. Ejakaa a ya tua Yuda zugba a, nɛ a gbe ma a mi bi ɔmɛ yaka be mi nɛ a pee we yayami ko.

Yoshua 2:11

Benɛ wa nu sane nɛ ɔmɛ ɔ, wa tsui po, nɛ nyumu ɔmɛ a kã nya ta; ejakaa Yawɛ, nyɛ Mawu ɔ pɛ ji Mawu nɛ ngɛ hiɔwe kɛ zugba.

Ezekiel 30:13

Nyɔmtsɛ Yawɛ ke, “Ma kpata wɔ ɔmɛ, kɛ amaga amɛ nɛ ngɛ Memfis ɔ a hɛ mi. Ganɔ ko be Egipt zugba a nɔ yee hu; lejɛ ɔ maa pee gbeye. Ma ha nɛ sawale maa nu nɔ tsuaa nɔ.

Yeremia 51:44

Ma gbla Babilonia mawu ɔ nɛ a tsɛɛ Bel ɔ tue, nɛ ma je e ju ní ɔmɛ kpo; je ma amɛ be lɛ jae hu. “Babilon gbogbo ɔmɛ ku kɛ pueɔ si.

Yeremia 50:2

“Nyɛɛ fiɛ munyu nɛ ɔ kɛ ha je ma amɛ! Nyɛɛ si aflaangaa, nɛ nyɛɛ fiɛ! Nyɛ ko laa nɔ́ ko nɔ; nyɛ de ke, ‘A ngɔ Babilon oo, a ngɔ Babilon! Babilon mawu ɔ nɛ a tsɛɛ Marduk ɔ, a kpata e hɛ mi. A pue Babilon wɔ ɔmɛ a hɛ mi si, nɛ a ywia amaga amɛ dukuduku.’

Yesaya 13:1

Sɛ gbi nɛ kɔɔ Babilon tue gblami he nɛ Mawu ngɔ ha Yesaya, Amoz bi ɔ, ngɛ nina mi ji nɛ ɔ nɛ.

La 104:3

O ma o we ɔ ngɔ fɔ nyu nɛ ngɛ hiɔwe ɔ nɔ. O ngɔ bɔku kɛ pee o lɛ, nɛ kɔɔhiɔ mi o nyɛɛɔ.

Mose V, 33:26

Nyagbe ɔ, bɔ nɛ Mose gbaa Israel ma a tsuo ji nɛ ɔ nɛ: “Israel ma, mawu ko mawu ko be kaa nyɛ Mawu ɔ nɛ nyɛɛɔ kɔɔhiɔ mi kɛ agboje kɛ jee hiɔwe kɛ ba jee ngmlaa ha nyɛ ɔ.

Zakaria 14:18

Ke Egipt bi hu ma kua ke a be yae nɛ a ya ye Gbasisihimi nyami be ɔ, Yawɛ ma ha haomihi nɛ ba je ma amɛ nɛ kua yami nɛ a ya ja lɛ ɔ a nɔ ɔ nɔuu maa ba Egipt bi ɔmɛ a nɔ.

Zakaria 10:11

Ke haomi yi bli kaa wo ɔ, imi Yawɛ nitsɛ ma jɔɔ oslɔke ɔmɛ a he ha mɛ. Nilo pa a tete, nyu maa ta mi. Asiria, he nɔ wolɔ ɔ, ma ba lɛ si, nɛ Egipt tsɛ yemi ɔ hu se maa po.

Yeremia 25:19

Ni kpahi tsuo nɛ mɛ hu a sa a nya kplu nɛ ɔ ji nɛ ɔmɛ nɛ: Egipt matsɛ ɔ, kɛ e tsɔli ɔmɛ, kɛ ma nimeli ɔmɛ; Egipt bi tsuo, kɛ nibwɔhi tsuo nɛ ngɛ Egipt ɔ; matsɛmɛ ɔmɛ tsuo nɛ ngɛ Uz zugba a nɔ ɔ; matsɛmɛ ɔmɛ tsuo nɛ ngɛ Filisti ma nɛ ɔmɛ a mi ɔ: Ashkelon, Gaza, Ekron, kɛ Ashdod fa a nɛ piɛ ɔ; nihi tsuo nɛ ngɛ Edom, Moab, kɛ Amon; matsɛmɛ ɔmɛ tsuo nɛ ngɛ Tiro, kɛ Sidon; matsɛmɛ ɔmɛ tsuo nɛ ngɛ zugba amɛ a nɔ ngɛ Mediterenia woɔ se ɔ; Dedan, kɛ Tema, kɛ Buz ma amɛ; nihi tsuo nɛ poɔ huɛ ngɛ a yi mi; Arabia matsɛmɛ ɔmɛ tsuo; futufututsɛmɛ nɛ ngɛ nga kplanaa a nɔ ɔ a matsɛmɛ ɔmɛ tsuo; matsɛmɛ ɔmɛ tsuo nɛ ngɛ Zimri, Elam, kɛ Media; omleyi je matsɛmɛ ɔmɛ tsuo, ni nɛmɛ nɛ a he kɛ, kɛ ni nɛmɛ nɛ a he kɛ we. Je nɛ ɔ mi matsɛ yemi ɔmɛ tsuo pɛpɛɛpɛ sa a nya kplu nɛ ɔ. A se ɔ, nɔ nɛ maa nu kɛ gbe nya ji Babilonia matsɛ ɔ.

Yesaya 21:9

Tlukaa a, ta zugba lɛ kɛ e mi nimli, kɛ okpɔngɔ ta buli nɛ to enyɔɔnyɔ ji nɛ ɔ nɛ ba hia kpo. Kɛkɛ nɛ bulɔ ɔ kpa ngmlaa ekohu ke, “Babilon hɛ mi kpata oo, e hɛ mi kpata! Amaga amɛ nɛ a ngɛ jae ɔ tsuo ku pueɔ si!”

Yesaya 19:16

Be ma nɛ Egipt bi ɔmɛ maa pee a he fɔ̃li kaa yihi. Ke a na kaa Yawɛ Tabohiatsɛ ɔ miɔ nɛ e kɛ e he wami ɔ maa gbla a tue ɔ, a he ma bɔni domi blibliibli.

Yesaya 13:7

Nɔ tsuaa nɔ he mi maa po, nɛ sawale maa nu lɛ.

La 104:34

Susumi kpakpa nɛ i ngɛ ngɛ e he ɔ, i na nɛ lɛ tsuo sa e hɛ mi, ejakaa lɛ ji nɔ nɛ haa mi bua jɔmi.

La 68:4

Nyɛ la ha Mawu; nyɛ la kɛ je e biɛ ɔ yi. Nɔ nɛ hii si ngɛ bɔku ɔmɛ a nɔ kɛ ngɛ nyɛɛe ɔ, nyɛ la kɛ je e yi. Yawɛ ji e biɛ; nyɛ la kɛ bua jɔmi ngɛ e hɛ mi.

Yoshua 2:24

A de Yoshua ke, “Niinɛ, Yawɛ ngɔ zugba a tsuo ngɔ ha wɔ. Wa he ɔ, sawale nu zugba a nɔ bi ɔmɛ.”

Yoshua 2:9

E de mɛ ke, “I le kaa Yawɛ ngɔ zugba a ngɔ ha nyɛ. Nyɛ he sawale nu wɔ, nɛ zugba a nɔ bi ɔmɛ tsuo a tsui ngɛ poe.

La 18:9

E ha nɛ hiɔwe nya ba si, nɛ e kple si; nɛ diblii kpii ngɛ e nane sisi.

Yeremia 4:13

Hyɛ, he nyɛli ɔmɛ ngɛ fo nɔ kɛ ma kaa bɔku. A ta zugba lɛ ɔmɛ hia kɛ ma kaa lasiogblee, nɛ a we okpɔngɔ ɔmɛ a he sɔɔ kulaa pe kɔlehi. Akuanyɛ! Wa yi ta pɛ!

Yeremia 44:8

Nyɛ ngɛ amagahi sɔmɔe, nɛ nyɛ ngɛ tsopa kɛ e he via sãe ha mawu kpahi ngɛ Egipt hiɛmɛ nɛ ɔ, he nɛ nyɛ ba nɛ nyɛ ba hi ɔ. Mɛni he je lɛ nyɛ ngɛ ní nɛ ɔmɛ pee kɛ ngɛ ye mi mi la woe ɔ? Anɛ nyɛ ngɛ ní nɛ ɔmɛ pee nɛ nyɛ kɛ kpata nyɛ nitsɛmɛ nyɛ hɛ mi, konɛ je ma amɛ tsuo nɛ a hie nyɛ, nɛ a ngɔ nyɛ biɛ kɛ pee gbiɛmi nɔ́ lo?

Nahum 1:1

Sɛ gbi nɛ kɔɔ Nineve ma a he ji nɛ ɔ nɛ. Nina nɛ Nahum nɛ je Elkosh ɔ na ngɛ Nineve he ji nɛ ɔ nɛ.

Nahum 1:3

Yawɛ mi mi fu we mla, se kɛ̃ ɔ, e we abofu nya wa wawɛɛ nitsɛ; e ngmɛ́ blɔ nɛ nɔ tɔli yeɔ a he kɔkɔɔkɔ. Yawɛ jeɔ e he wami kpo ngɛ lasiogblee kɛ ahumi mi; nɛ bɔku ngɛ kaa e nane se bunyuku!

Mose IV, 33:4

Jamɛ a be ɔ mi ɔ, Egipt bi ɔmɛ ngɛ a bitɛte ɔmɛ tsuo nɛ Yawɛ gbe kɛ pueɔ si ɔ pue. Yawɛ pee nɔ́ nɛ ɔ kɛ tsɔɔ kaa e he wa kulaa pe Egipt mawu ɔmɛ.