Yesaya 17:9 - BAIBLO ALOO NGMAMI KLƆUKLƆU Ɔ

⁹ Jamɛ a be ɔ, nihi nɛ a ngɛ mahi nɛ a fia gbogbo ngɔ wo a he ɔ a mi po ma si a ma amɛ ngɔ fɔ si. Ma amɛ maa pee ma dokuhi, kaa bɔ nɛ Hiv bi kɛ Amon bi tu fo kɛ je a ma amɛ a mi, benɛ a na Israel ta a nɛ ma mɛ tuami ɔ.

Yesaya 17:9 ပူးပေါင်းရင်းမြစ်များ

Yesaya 27:10

Ma nɛ a fia gbogbo ngɔ wo he ɔ ku kɛ pueɔ si. E plɛ pee ma doku kaa nga kplanaa nɛ nɔ ko nɔ ko be nɔ. Lejɛ ɔ plɛ pee lohwe lɛmi he, he nɛ nahi maa ye ní, nɛ a maa jɔɔ a he ngɛ.

Mika 7:13

Se zugba a hɛ mi ma kpata; ejakaa nihi nɛ ngɛ zugba a nɔ ɔ, yiwutsotsɛmɛ ji mɛ.

Mika 6:16

Ní nɛ ɔmɛ maa ba mi, ejakaa nyɛ ya ye Matsɛ Omri mlaa amɛ a nɔ, nɛ níhi nɛ e bi Ahab pee ɔ, nyɛ hu nyɛ pee jamɛ a ní ɔmɛ nɔuu. Nyɛ ya nyɛɛ a blɔ yayami ɔmɛ a nɔ. Enɛ ɔ he je ɔ, ma kpata nyɛ hɛ mi pɛsɛpɛsɛ. Je ma amɛ ma li nyɛ, nɛ a maa ye nyɛ he fɛu; nɔ tsuaa nɔ nɛ maa na nyɛ ɔ maa hie nyɛ.” Yawɛ lɛ de.

Mika 5:11

Ma kpata ma amɛ a hɛ mi ngɛ nyɛ zugba a nɔ, nɛ ma ku nyɛ mɔ ɔmɛ tsuo ngɔ pue si.

Amos 7:9

A ma kpata hehi tsuo nɛ Isak nina a jaa mi ngɛ ɔ a hɛ mi. Israel he klɔuklɔu ɔmɛ maa pee kaa kuku nɔ, nɛ ma ha nɛ Yeroboam matsɛ yemi ɔ se maa po.”

Hosea 10:14

Enɛ ɔ he ɔ, ta ma ba tua nyɛ, nɛ nyɛ mɔ ɔmɛ tsuo a hɛ mi ma kpata kaa bɔ nɛ Matsɛ Shalman kpata Betabel hɛ mi ngɛ ta mi ɔ. Jamɛ a ligbi ɔ, a nuu nyɛmɛ kɛ a bimɛ tsuo ngɔ fiaa si nɛ a gbe mɛ.

Yesaya 17:8

Jehanɛ lɛɛ bɔ sami la tɛhi nɛ mɛ nitsɛmɛ a puɛ ɔ, a be mɛ bue hu. Níhi nɛ a kɛ a nine pee, amagahi nɛ a puɛ ha yo mawu nɛ a tsɛɛ Ashera a, kɛ la tɛhi nɛ a sãã tsopa kɛ e he via ngɛ a nɔ ɔ, a be mɛ hu bue.

Yesaya 17:10

Israel Mawu ɔ nɛ kpɔ mo kɛ je o he nyɛli a dɛ mi, nɛ e pee kaa tɛ sa nguaa ko ha mo ɔ, o hɛ je e nɔ. Lɔ ɔ he ɔ, o ngɛ ngmɔhi nɛ ngɛ fɛu pee, nɛ o ngɛ ma se tsohi due ngɛ a mi.