Yesaya 17:5 - BAIBLO ALOO NGMAMI KLƆUKLƆU Ɔ

⁵ Israel zugba a maa pee kaa ngmɔ nɛ a kpɔ e nɔ blɛfo tsuo ta, loo kaa bɔ nɛ Refaim kɔ̃ ɔ mi peeɔ falifali ke a kpɛte ní ta lejɛ ɔ.

Yesaya 17:5 ပူးပေါင်းရင်းမြစ်များ

Mateo 13:30

Nyɛ ha ngma a, kɛ hu ɔ tsuo nɛ wa kɛ yaa si ngma kpami be ɔ. Ke ngma kpami be ɔ su ɔ, ma de ní tsuli ɔmɛ ke a bua hu ɔ nya kekle nɛ a fi, konɛ a sã. Lɔ ɔ se loko ma ha nɛ a bua ngma a nya kɛ wo ye gba a mi.’ ”

Yoel 3:13

Yiwutsotsɛmɛ ji mɛ; poo mɛ ngɔ pue si kaa bɔ nɛ a pooɔ blɛfo tsohi pueɔ si ngɛ ní kpami be mi ɔ; ngaa a mi kaa bɔ nɛ a ngaa wai yiblii mi ngɛ wai ngami he kɛ ya siɔ e hyiɔ muɔ ɔ, nɛ e pueɔ si ɔ.”

Yeremia 51:33

E be kɛe kulaa nɛ a maa poo a mi ngɔ pue si kaa blɛfo ngɛ ngma mi sami he. Imi Yawɛ Tabohiatsɛ, Israel Mawu ɔ lɛ i de.”

Samuel II, 5:18

Filisti bi ɔmɛ ba nɛ a ba gba wo Refaim kɔ̃ ɔ mi.

Samuel II, 5:22

Se Filisti bi ɔmɛ kpale a se nɛ a ya pue si ngɛ Refaim kɔ̃ ɔ mi ekohu.

Hosea 6:11

“Yuda bi, nyɛ hu i to be nɛ ma gbla nyɛ tue ngɛ yayami nɛ nyɛ ngɛ pee ɔ he.

Yeremia 9:22

A sake ni gbogboehi ngɔ pue he tsuaa he glekugleku kaa kuku ngɛ ngmɔ nɔ, loo blɛfo nɛ ní kpali poo pue si nɛ a je he, blɛfo nɛ nɔ ko bua we nya.” Sɛ gbi nɛ Yawɛ ngɔ ha mi ke ma de ji nɛ ɔ nɛ.

Yesaya 17:11

Se ke tso ɔmɛ ma tsɛ̃, nɛ a ma gba mɔmɔ jamɛ a ligbi ɔ mɔtu ɔ kɛ̃ nɛ o du mɛ ɔ po, o be yiblii ko kulaa náe. Haomi kɛ he hiami nɛ be tsa ba mohu o ma ná.

Yoshua 15:8

Jehanɛ, huzu ɔ nyɛɛ Hinom kɔ̃ ɔ mi kɛ kuɔ yo ɔ ngɛ leneyi je, he nɛ Yebus bi ɔmɛ ma Yerusalem ngɛ ɔ. Huzu ɔ kuɔ yo ɔ ngɛ bonyoku je, kɛ ya gu Refaim kɔ̃ ɔ we omleyi je.

Yoshua 18:16

Jehanɛ, huzu ɔ kple si kɛ ho yo ɔ nɛ ngɛ Hinom kɔ̃ ɔ mi ɔ kuɔ si ya, ngɛ Refaim kɔ̃ ɔ omleyi je. E gu Hinom kɔ̃ ɔ mi, ngɛ Yebus bi ɔmɛ a yoku ɔ leneyi je, kɛ ho Enrogel ya.

Abɛ Womi 27:25

Ke nga gbli, nɛ nga mumu kpale puɛ, nɛ a bua lohwehi a niye ní nya ngɛ yo ɔmɛ a nɔ ɔ,