Yesaya 17:4 - BAIBLO ALOO NGMAMI KLƆUKLƆU Ɔ

⁴ Bɔ nɛ Yawɛ de ji nɛ ɔ nɛ: “Be ma nɛ Israel hɛ mi nyami ɔ tsuo maa ta; sa a, a ná ní kpɔtɔɔ, se jehanɛ lɛɛ a maa ye ohia.

Yesaya 17:4 ပူးပေါင်းရင်းမြစ်များ

Yesaya 10:16

Nyɔmtsɛ Yawɛ Tabohiatsɛ ɔ maa ngɔ hiɔ kɛ gbla ta buli nɛ je oblai ɔ tsuo a tue. A maa ta he lo. La ko ma mle ngɛ a nɔmlɔ tso mi, nɛ la nɛ ɔ maa tso wawɛɛ.

Zefania 2:11

Yawɛ hɛ maa dɔ kɛ wo mɛ. Yawɛ ma kpata wɔ ɔmɛ tsuo a hɛ mi ngɛ zugba a nɔ, nɛ je ma amɛ, wo kpo ɔ, kɛ zugbahi nɛ wo bɔle mɛ ɔ tsuo ma ja lɛ, nɔ tsuaa nɔ ngɛ lɛ nitsɛ e zugba nɔ.

Ezekiel 34:20

“Lɔ ɔ he ɔ, jehanɛ lɛɛ tohi nɛ wo zɔ, kɛ tohi nɛ tã he lo ɔ, imi Nyɔmtsɛ Yawɛ nitsɛ ma kojo a kpɛti.

Yesaya 24:16

Wa nu yi jemi lahi nɛ a ngɛ lae kɛ je je mi nyagbe he ɔmɛ kɛ ngɛ dalɔ ɔ hɛ mi nyami woe. Se imi lɛɛ, hɛ kɛ nɔ fɔmi ko kulaa be ha mi! He lo kɛkɛ i ngɛ tae. Ye yi ta pɛ! Yi mi sɔuu nɛ nihi ngɛ a sibi wae kpamisa.

Yesaya 24:13

Nɔ́ nɛ maa ba je ma amɛ tsuo a nɔ ji nɛ ɔ nɛ. Nɔ́ tsuaa nɔ́ maa ta kaa bɔ nɛ ke a kpa ngmɔ nɔ ní ta, nɛ a kplɔɔ wai yiblii tsuo pɛpɛɛpɛ taa tso ɔmɛ a nɔ nɛ wai yiblii kake po piɛ ɔ.

Yesaya 10:4

Nɔ́ nɛ maa ba nyɛ nɔ ji, nyɛ maa nɔ ngɛ ta mi, aloo a maa nuu nyɛ kɛ ho kaa pamitsɛmɛ. Enɛ ɔ tsuo se ɔ, Yawɛ mi mi fumi ɔ se be poe kɛ yaa si e ma kpata a hɛ mi pɛsɛpɛsɛ.

Yesaya 9:21

Manase bi, kɛ Efraim bi maa hwu ta, nɛ lɔ ɔ se ɔ, a ma bua kɛ wo Yuda he. Enɛ ɔ tsuo se ɔ, Yawɛ mi mi fumi ɔ se be poe kɛ yaa si e ma kpata a hɛ mi pɛsɛpɛsɛ.

Yesaya 9:8

Nyɔmtsɛ ɔ bu Yakob nina, Israel ma a fɔ.

Mose I, 41:3

Na yo kpaago kpa hu hia kpo kɛ nyɛɛ a se kɛ ba; mɛɛ lɛɛ a flãã nɛ a ngɛ kanyakanya. A ba da kekleekle na amɛ a kasa nya ngɛ pa a nya.

Yesaya 10:3

Ke Mawu bɔni nyɛ tue gblami ɔ, kɛ nyɛ maa pee kɛɛ? Ke e ngɔ haomi kɛ je ma se kɛ ba na nyɛ ɔ, kɛ nyɛ maa pee kɛɛ? Mɛnɔ ngɔ nyɛ ma sa fo kɛ ya ya hla yemi kɛ buami? Jije nyɛ maa ngɔ nyɛ juetli kɛ to?

Yesaya 17:3

Israel be lɛ nitsɛ e he nyɛe ma fa hu, nɛ Damasko nɔ yemi ɔ se maa po. Siria bi nɛ a yi ma na wami ɔ, zo maa gbe mɛ kaa Israel bi ɔmɛ nɔuu. Imi, Yawɛ Tabohiatsɛ lɛ i de.”

Matsɛmɛ II, 17:3

E ba mi kaa Asiria matsɛ, Shalmaneser ba tua lɛ, nɛ Hoshea ba pee e sɔmɔlɔ, nɛ e tsuɔ tó kɛ haa lɛ.

Matsɛmɛ II, 17:6

Hoshea yi nɔ jeha nɛ ji nɛɛ ɔ mi ɔ, Asiria matsɛ ɔ ngɔ Samaria, nɛ e muɔ Israel bi ɔmɛ kɛ ho Asiria ya. E ngɔ ni komɛ ya to Hala, e ngɔ ni komɛ ya to Habor pa a nya ngɛ Gozan zugba a nɔ, nɛ e ngɔ ni komɛ hu ya to Media bi ɔmɛ a ma amɛ a mi.

Amos 3:12

Yawɛ ke, “Ke jata ye lohwe ko ta a, to hyɛlɔ ɔ ngɔɔ lohwe ɔ nane enyɔ, aloo e tue kake pɛ nɛ piɛ ɔ kɛ ba yeɔ odase. Samaria ma mi bi ɔmɛ nɛ mwɔnɛ nɛ ɔ a ngɛ mle yee ngɛ sa tso bɔdɔbɔdɔhi a nɔ ɔ, jã kɛ̃ lɛ a ma he a ti nihi bɔɔ pɛ a yi wami.”