Yesaya 17:14 - BAIBLO ALOO NGMAMI KLƆUKLƆU Ɔ

¹⁴ Gbɔkuɛ nya si ɔ, a woɔ wa he gbeye, se benɛ mɔtu ke e suu ɔ, a be. Ni nɛmɛ nɛ ba fiaa wɔ ojo, nɛ a kpakpaa wa he ní kɛ yaa a, bɔ nɛ a nyagbe maa ba ji nɛ ɔ nɛ.

Yesaya 17:14 ပူးပေါင်းရင်းမြစ်များ

Matsɛmɛ II, 19:35

Jamɛ a nyɔ ɔ mi nɔuu ɔ, Yawɛ bɔfo ko ya gbe ta buli akpe lafa kɛ nyingmi kpaanyɔ kɛ enuɔ ngɛ Asiria ta a mi. E nɔ jena makɛ ɔ, ne mɛ nɛ a gbo kɛ pueɔ si.

Abɛ Womi 22:23

Yawɛ nitsɛ maa ye jamɛatsɛmɛ ɔmɛ a sane ha mɛ. Ke nɔ ko wo a susuma he gbeye ɔ, Yawɛ maa wo lɛ hu e susuma he gbeye ja nɔuu.

Ezekiel 39:10

E be hiae kaa a ya lɛ lɛ́, loo a ya poo tso kɛ pee lɛ́. Ejakaa ta hwumi ní nɛ a bua nya a, a kɛ maa pee lɛ́ nɛ a ma slɛ. Nihi nɛ ha a níhi, nɛ a fia mɛ ojo ɔ, Israel bi ɔmɛ hu maa ha a níhi, nɛ a maa fia mɛ ojo ja nɔuu.” Nyɔmtsɛ Yawɛ lɛ de.

Yeremia 13:25

Yawɛ de to ke nɔ́ nɛ maa ba nyɛ nɔ ji nɛ ɔ nɛ. Bɔ nɛ e to nɛ e maa pee nyɛ ji nɛ ɔ nɛ, ejakaa nyɛ hɛ je e nɔ nɛ nyɛ ngɔ nyɛ hɛ ya fɔ lakpa níhi a nɔ.

Yeremia 2:3

Jamɛ a be ɔ mi ɔ, imi nitsɛ ye nihi nɛ i hla ji nyɛ Israel bi; ye weto ní klɔuklɔu ji nyɛ. Nihi tsuo nɛ pee nyɛ yayami ɔ, i ngɔ haomi kɛ gbla a tue. Imi, Yawɛ lɛ i de.”

Yesaya 33:1

Musu tloo he nyɛli ɔmɛ! A fia ojo nɛ a sisi nihi; se mɛɛ lɛɛ nɔ ko fiɛ mɛ ojo, nɛ nɔ ko sisi we mɛ hulɔ. A we ojo fiami, kɛ nɔ sisimi ɔ se maa po kɛ̃, nɛ mɛ nitsɛmɛ hu a maa fia mɛ ojo, nɛ a maa sisi mɛ.

La 37:36

Be ko se ɔ, i ya gu he nɛ e hii ɔ, se e be lejɛ ɔ. I hla lɛ, se i nɛ lɛ.

Hiob 20:29

Enɛ ɔ ji yayami peelɔ blɔ fa mi nɔ́; gbosi ní nɛ Mawu to kɛ ha yayami peelɔ ji nɛ ɔ nɛ.

Matsɛmɛ II, 19:3

Sɛ gbi nɛ e ngɔ ha mɛ ke a ya ha Yesaya ji nɛ ɔ nɛ: “Mwɔnɛ ligbi nɛ ɔ, wa yi fi; a jɛ wɔ, nɛ a pue wa hɛ mi si. Wa pee kaa yo nɛ nu kɔɔmi, se e be he wami nɛ e kɛ maa kɛ̃ bi ɔ kɛ je kpo.

Manyadali 5:31

Yawɛ, ha o he nyɛli ɔmɛ tsuo a hɛ mi nɛ kpata kaa kikɛ nɛ ɔ. Se o huɛmɛ ɔmɛ lɛɛ ha nɛ a pee kaa pu nɛ ngɛ si tee kɛ he wami! Nɛ zugba a nɔ jɔ jeha nyingmi eywiɛ.

Yesaya 10:25

Ma gbla nyɛ tue be bɔɔ ko kɛkɛ, nɛ lɔ ɔ se ɔ, ma kpata a hɛ mi.

Yesaya 29:5

Yerusalem, o he nyɛli ɔmɛ nɛ je ma se kɛ ba tua mo ɔ, a maa bɛɛ mɛ tsuo kɛ ho kaa bunyuku, nɛ a ta buli babauu kɛ a he gbeyegbeye ɔ maa pee kaa jakati ngɛ kɔɔhiɔ nya. Tlukaa, ngɛ hɛngmɛfia mi ɔ,

Yesaya 29:7

kɛkɛ ɔ, je ma amɛ a tabo ɔmɛ tsuo nɛ ba ngɛ ma nɛ a tsɛɛ Mawu bɔ sami la tɛ ɔ tuae ɔ, mɛ tsuo a maa laa kaa nina ko nɛ je kpo nyɔ mi ngɛ nlami mi kɛkɛ.

Yesaya 33:18

Nyɛ ma kai gbeye nɛ nyɛ ye blema a ngɛ tó nɛ ma se nɔ yeli tsu ngɛ nyɛ dɛ ɔ he; nɛ nyɛ ma kai nihi nɛ juɔ si ba slaa ma a hulɔ.

Yesaya 34:17

Yawɛ nitsɛ lɛ fɔ sɔ nɛ e dla zugba a pɛpɛɛpɛ ha mɛ, nɛ nɔ tsuaa nɔ ná eko. Zugba a maa pee a nɔ́ kɛ maa ya neneene, nɛ lejɛ ɔ a maa hi daa.

Yesaya 41:12

Nihi tsuo nɛ kɛ mo ná a, o be mɛ nae hu; nihi nɛ hia ta wo mo ɔ, a hɛ mi ma kpata pɛsɛpɛsɛ.

Yeremia 49:10

Se imi lɛɛ i kpakpaa Esau nina a he ní, nɛ i pee mɛ pasaa. A laami he ɔmɛ hu i je mɛ kpo, nɛ a be he ko nɛ a laa a he ngɛ hu. A kpata Edom bi ɔmɛ tsuo a hɛ mi; a ti nɔ kake ngmelu po píɛ.

Yesaya 21:12

I he nɔ ke, “Je na ta, se nyɔ maa kpale ba ekohu. Ke o suɔ kaa o ma ba bi si ekohu ɔ, kpale kɛ ba nɛ o ba bi.”

Yesaya 29:2

ma nɛ a tsɛɛ “Mawu bɔ sami la tɛ ɔ”, Mawu ma ha e maa na amanehlu. Ma mi bi ɔmɛ maa ye kɔmɔ, nɛ a maa wo yana. Ma a tsuo maa pee kaa bɔ sami la tɛ ko nɛ a kpa muɔ ngɔ pue nɔ.

Yesaya 30:28

Ke e wo mumi ɔ, e ngɛ kaa pa nɛ hia lalaala kɛ bee nɛ hyiɔ kɛ ya taa nɔ kuɛ si tɔɔ, konɛ e sa je ma amɛ a mi nɛ e gbla a tue. Kɛkɛ ɔ, yi mi yaya nɛ a to ɔ tsuo maa pee yaka.

Zakaria 2:12

Jehanɛ, Yawɛ maa ngɔ Yuda kaa e nɔ́ nɛ he hia saminya ngɛ e zugba klɔuklɔu ɔ nɔ, nɛ Yerusalem maa pee ma nɛ e suɔ pe kulaa ekohu.