Yesaya 16:9 - BAIBLO ALOO NGMAMI KLƆUKLƆU Ɔ

⁹ Amlɔ nɛ ɔ lɛɛ, i ngɛ ya foe ha Sibma wai ngmɔ ɔmɛ kaa bɔ nɛ i fo ha Yazer ɔ. Ye vo nyu ɔmɛ ngɛ si puee ngɛ Heshbon kɛ Eleale ma amɛ a he; ejakaa ngmɔ ɔmɛ a hɛ mi kpata, nɛ ní kpali a ngmlaa hoo hu se po.

Yesaya 16:9 ပူးပေါင်းရင်းမြစ်များ

Yeremia 40:12

Lɔ ɔ he ɔ, a je hehi tsuo nɛ a fie mɛ kɛ ho ɔ, nɛ a kpale kɛ ba Yuda zugba a nɔ. A ba Gedalia ngɔ ngɛ Mizpa, nɛ a ba bua wai kɛ tso yibliihi babauu nya ngɛ lejɛ ɔ.

Yeremia 40:10

Imi nitsɛ lɛɛ ma hi Mizpa kaa nyɛ nya dalɔ, nɛ ke Babilonia bi ɔmɛ ba hiɛ ɔ, ma tu munyu ha nyɛ. Se nyɛɛ lɛɛ nyɛ ya bua wai, kɛ tso yibliihi, kɛ oliv nu nya kɛ to, nɛ nyɛɛ hi mahi nɛ nyɛ ngɔ ɔ a mi.”

Yesaya 9:3

Yawɛ, o ha nɛ ma a bɔ, nɛ o ha mɛ bua jɔmi babauu. A ngɛ nyae ngɛ o hɛ mi kaa nihi nɛ ngɛ ngmɔ ní kpae, loo nihi nɛ ngɛ ta yibu ní dlae ha a he.

Manyadali 9:27

A ya nga a nɔ nɛ a ya kplɔ wai yiblii ngɛ wai ngmɔ ɔmɛ a mi kɛ ba pee dã; nɛ a fiɛ nɛ a na bua jɔmi saminya. Lɔ ɔ se ɔ, a ya ye ní nɛ a nu dã ngɛ a mawu ɔ we ɔ; nɛ a jɛ Abimelek saminya ngɛ lejɛ ɔ.

Ezekiel 27:31

A sɛ a yi kpalokpalo; a ha kpekpe ya bo kɛ ngɛ aywilɛho yee; a ngɛ ya nyɛe wawɛɛ ha mo.

Ezekiel 32:18

E ke, “Nɔmlɔ adesa, ye kɔmɔ ha Egipt ma kpekpemi ɔ tsuo. Ngɔɔ a kɛ je ma amɛ nɛ a hɛ mi ngɛ nyami ɔ kɛ ya zugba a sisi tɔɔ kɛ ya piɛ nihi nɛ ngɛ gbeje ɔ a he.