Yesaya 16:5 - BAIBLO ALOO NGMAMI KLƆUKLƆU Ɔ

⁵ Jehanɛ David nina ko ma ba ye matsɛ. Anɔkuale yemi kɛ suɔmi e kɛ maa ye ma a nɔ. E maa pee nɔ́ nɛ da; nɛ e maa ye dami sane.

Yesaya 16:5 ပူးပေါင်းရင်းမြစ်များ

Daniel 7:14

A ngɔ he wami, hɛ mi nyami, kɛ matsɛ yemi ngɔ wo e dɛ, konɛ je ma amɛ, kɛ nihi nɛ tuɔ gbi slɔɔtoslɔɔto ɔmɛ nɛ a sɔmɔ lɛ. E he wami ɔ maa hi si kɛ maa ya neneene, nɛ e matsɛ yemi ɔ se be poe gblegbleegble.

Mika 4:7

Akpaketsɛmɛ ɔmɛ, kɛ ni nɛmɛ nɛ ngɛ ma se lokoo ɔ, ma kpale mɛ kɛ ba we ekohu; nɛ ma pee mɛ ma agbo. Ma hi Zion Yo ɔ nɔ kɛ ye matsɛ ngɛ a nɔ, kɛ maa je jamɛ a be ɔ mi, kɛ maa ya neneene.” Yawɛ lɛ de.

Daniel 7:27

A maa ngɔ matsɛ yemihi tsuo nɛ ngɛ je ɔ mi ɔ a he wami, kɛ agboje ngɔ ha Hiɔwe No ɔ we ni klɔuklɔu ɔmɛ a ma a. A matsɛ yemi ɔ se be poe gblegbleegble, nɛ je nɛ ɔ mi matsɛmɛ ɔmɛ tsuo ma sɔmɔ mɛ, nɛ a maa bu mɛ tue.”

Zakaria 9:9

Zion, nyá oo, nyá! Yerusalem, mo he ose! Hyɛ, o matsɛ ɔ ma! E ma kɛ agbo jemi kɛ kunimi yemi. E ba e he si, nɛ e hi teji okpɔngɔ nɔ; ee, e hi teji okpɔngɔ bi nɔ.

Abɛ Womi 20:28

Matsɛ nɛ naa mɔbɔ, nɛ e yeɔ anɔkuale ɔ, e naa tue mi jɔmi, nɛ e tsɛ yemi ɔ hu yaa nɔ saminya.

Samuel II, 7:16

O nina maa hiɛ, nɛ ma ha o matsɛ yemi ɔ maa hi si kɛ maa ya neneene; o matsɛ yemi ɔ se be poe gblegbleegble.’ ”

Amos 9:11

Yawɛ ke, “Amlɔ nɛ ɔ, David matsɛ yemi kpetekpleenyɛ ɔ pee kaa we ko nɛ hule ngɔ pue si. Se be ma nɛ ma ha nɛ matsɛ yemi nɛ ɔ maa da si ekohu kaa bɔ nɛ e ngɛ sa a.

Yesaya 55:4

I wo lɛ je ma amɛ a nyatsɛ, kɛ asafoatsɛngua, nɛ e nɔ i gu kɛ je ye he wami kpo.

Abɛ Womi 29:14

Matsɛ nɛ ngɔɔ anɔkuale yemi kɛ yeɔ dɛgutsɛmɛ a sane ɔ, e tsɛ yemi ɔ se kɛɔ.

La 99:4

Matsɛ kpetekpleenyɛ, mo nɛ o suɔ nɔ́ nɛ da! O to anɔkuale, kɛ dami sane yemi si ngɛ Israel.

La 98:9

ejakaa e ma nɛ e ba kojo je ɔ. Yawɛ maa kojo je ɔ ngɛ dami, kɛ anɔkuale nya.

La 96:13

ngɛ Yawɛ hɛ mi, ejakaa e ma! Ee, Yawɛ ma nɛ e ba kojo je ɔ. Yawɛ maa kojo je ɔ ngɛ dami kɛ anɔkuale nya.

La 89:14

O matsɛ yemi ɔ, dami sane yemi nɔ a to lɛ sisi kɛ fɔ. Suɔmi kɛ anɔkuale yemi jeɔ kpo ngɛ o nɔ́ tsuaa nɔ́ peemi mi.

La 85:10

Mɔbɔ nami, kɛ anɔkuale kpe hɛ mi kɛ hɛ mi; dami kɛ tue mi jɔmi fua a sibi atuu.

Kronika II, 31:20

Bɔ nɛ Hezekia dla niye ní ngɛ Yuda tsuo ji nɛ ɔ nɛ. E ye anɔkuale kɛ dami sane, nɛ e pee nɔ́ nɛ sa Yawɛ, e Mawu ɔ hɛ mi.

Matsɛmɛ I, 10:9

Yawɛ, o Mawu ɔ nɛ ná o he bua jɔmi, nɛ e wo mo Israel nɔ matsɛ ɔ, a je e yi. Akɛnɛ suɔmi nɛ Yawɛ suɔ Israel ɔ ngɛ kɛ yaa neneene he je ɔ, e wo mo tsɛ, konɛ o kojo, nɛ o ye dami sane.”

Samuel II, 23:3

Israel Mawu ɔ tu munyu, Tɛ sa a nɛ heɔ Israel yi wami ɔ de mi ke, “Nɔ nɛ kɛ dami sane yemi yeɔ nihi a nɔ, nɛ e kɛ Mawu gbeye yemi yeɔ ma nɔ ɔ,

Samuel II, 5:9

David hi mɔ nguaa a mi, nɛ e wo lejɛ ɔ biɛ ke “David ma.” David po ma kɛ bɔle si; e to ma a sisi kɛ je he nɛ a tloo zu ngɔ pue ɔ, kɛ ba mi blɔ.

Yesaya 33:22

Jamɛ a lɛ ɔmɛ a mi tso ɔmɛ a he be se nami; a be hie kɛ abalaa womi. Wa ma kpɔ he nyɛli ɔmɛ a ní kpakpa amɛ tsuo ngɛ a dɛ. Ta yibu ní babauu nɛ a ma na a, a maa dla, nɛ nɔ tsuaa nɔ ma na eko; glɔtsɛmɛ po ma na a blɔ fa mi nɔ́. Yawɛ nitsɛ maa pee wa matsɛ. E maa ye wa nɔ, nɛ e maa bu wa he.