Yesaya 16:2 - BAIBLO ALOO NGMAMI KLƆUKLƆU Ɔ

² Moab bi yi ɔmɛ ya pue si ngɛ Arnon pa a pomi he ɔmɛ kaa lohwe pɛlitsɛmɛ nɛ a fie mɛ kɛ je a tsuhi a mi.

Yesaya 16:2 ပူးပေါင်းရင်းမြစ်များ

Matsɛmɛ II, 3:4

Moab matsɛ, Mesha a, to lɛlɔ ji lɛ; nɛ daa jeha a, e ya haa Israel matsɛ jijɔ akpe lafa, kɛ agbosuhi a he bwɔmi akpe lafa.

Abɛ Womi 26:2

Gbiɛmi nɛ a gbiɛɛ nɔ yaka gu ɔ, e tsu we nɔ́ ko; e ngɛ kaa otoklii, aloo ngmlebitɛɛnyɛ nɛ ngɛ tee kɛ ngɛ yae kɛ ngɛ bae kɛkɛ nɛ si mami be mi.

Abɛ Womi 27:8

Nyumu nɛ jeɔ e we mi nɛ e ya hii kpae ɔ, e ngɛ kaa lohwe pɛlitsɛ nɛ e tsu nya blɔ laa lɛ.

Yesaya 13:14

“Nibwɔhi nɛ ngɛ Babilon ɔ maa ma fo kɛ ho mɛ nitsɛmɛ a zugbahi a nɔ ya; a maa gbɛ fĩa kaa odabɔhi nɛ ngɛ fo tue kɛ je de dali a blɔ mi, loo kaa tohi nɛ be hyɛlɔ.

Yeremia 48:20

A ma he nɔ ke, ‘A bɔ Moab ahlua; a kpata Moab hɛ mi. Nyɛɛ wo yana nɛ nyɛ nya awe! Nyɛɛ fiɛ ngɛ Arnon pa a nya ke a kpata Moab hɛ mi!’

Yeremia 48:46

Moab bi, due! Nyɛ nihi nɛ nyɛ sɔmɔɔ Kemosh ɔ, a kpata nyɛ hɛ mi, nɛ a nuu nyɛ binyumu ɔmɛ, kɛ nyɛ biyi ɔmɛ kɛ je.”

Yeremia 48:9

Nyɛɛ ma kaimi nɔ́ ko ha Moab; ejakaa e be kɛe nɛ a ma kpata ma a hɛ mi. Moab ma amɛ maa pee ma dokuhi nɛ nɔ ko nɔ ko be a mi hie hu.”

Mose IV, 21:29

Moab bi, due ha nyɛ! Nyɛ Kemosh jali, nyɛ hɛ mi kpata! Nyɛ mawu ɔ ha nyɛ binyumu ɔmɛ pee ko bɔli; nɛ nyɛ biyi ɔmɛ hu pee Amor matsɛ, Sihon nyɔguɛhi.

Mose V, 2:36

Kɛ je Aroer nɛ ngɛ Arnon kɔ̃ ɔ nya kɛ ya su Gilead ɔ, ma ko ma ko be nɛ wa nyɛ we lɛ; Yawɛ, wa Mawu ɔ ngɔ mɛ tsuo wo wa dɛ.

Mose V, 3:12

“Benɛ wa ngɔ zugba a, i ha Ruben kɛ Gad wɛtso ɔmɛ zugba nɛ ngɛ Aroer ma a omleyi je ngɛ Arnon pa a kasa nya, kɛ Gilead yo zugba a fa, kɛ e nɔ ma amɛ.

Mose V, 3:8

“Jamɛ a be ɔ mi kɛ̃ ɔ, wa kpɔ zugba a nɛ ngɛ Yordan pa a beleku je ɔ kɛ je matsɛmɛ enyɔ nɛ ɔmɛ a dɛ, kɛ je Arnon pa a nya kɛ ya si Hermon yo ɔ he.

Yoshua 13:16

Zugba nɛ ɔ huzu je Aroer pa a nya ngɛ Arnon kɔ̃ ɔ nya, kɛ ma nɛ ngɛ kɔ̃ ɔ kpɛti ɔ, kɛ zugba kpataa a tsuo nɛ bɔle Medeba a.

Manyadali 11:18

Pee se ɔ, Israel bi ɔmɛ nyɛɛ kɛ gu nga a nɔ, nɛ a ya lɔgɔ Edom zugba a, kɛ Moab zugba a, hluu kɛ ya pa si ngɛ Moab zugba a beleku je. A to si ngɛ Arnon pa a se, se a pui mi kɛ yɛ Moab zugba a nɔ; ejakaa Arnon pa a ji Moab huzu ɔ nɛ.