Yesaya 16:14 - BAIBLO ALOO NGMAMI KLƆUKLƆU Ɔ

¹⁴ Nɛ jehanɛ lɛɛ Yawɛ ke, “Hiɛmɛ nɛ ɔ jeha etɛ pɛpɛɛpɛ ɔ, ní nɛ ɔmɛ nɛ Moab ná, kɛ ma a mi nimli babauu ɔ tsuo hɛ mi ma kpata, nɛ nihi nɛ a yi ma na wami be nɔ́ ko nɔ́ ko sue; pohu a ma gbɔjɔ.”

Yesaya 16:14 ပူးပေါင်းရင်းမြစ်များ

Yeremia 48:42

A ma kpata Moab hɛ mi pɛsɛpɛsɛ, nɛ e be ma pee hu; ejakaa e te si kɛ si mi.

Yesaya 23:9

Yawɛ Tabohiatsɛ ɔ nitsɛ lɛ pee. E pee enɛ ɔ, konɛ a he nɔ womi ɔ se nɛ po, nɛ nimli nguangua amɛ hu a he guɛ nɛ gbo.

Yesaya 21:16

Kɛkɛ nɛ Yawɛ de mi ke, “Hiɛmɛ nɛ ɔ jeha kake pɛpɛɛpɛ ɔ, Kedar weku ɔmɛ a he wami ɔ se maa po.

Yeremia 9:23

Yawɛ ke, “Ní lelɔ nɛ ko fĩa kɛ fɔ e nile nɔ, nɔ nɛ ngɛ he wami ɔ, e ko fĩa kɛ fɔ e he wami nɔ, niatsɛ nɛ ko fĩa kɛ fɔ e níhi a nɔ.

Yesaya 25:10

Yawɛ maa bu Zion yo ɔ he, se Moab bi ɔmɛ lɛɛ, a maa naa a nɔ kaa a naa nga nɔ kɛ woɔ dwɔmi mi kɛ ya pueɔ kuku nɔ.

Yesaya 17:4

Bɔ nɛ Yawɛ de ji nɛ ɔ nɛ: “Be ma nɛ Israel hɛ mi nyami ɔ tsuo maa ta; sa a, a ná ní kpɔtɔɔ, se jehanɛ lɛɛ a maa ye ohia.

Yesaya 15:5

Ye tsui ngɛ yee ngɛ Moab he! Ma mi bi ɔmɛ tu fo kɛ ho Zoar, kɛ Eglat Shelishiya ma amɛ a mi ya. Ni komɛ kuɔ yoku ɔ kɛ ho Luhit ya, nɛ ni komɛ hu tu fo kɛ ho Horonaim ya kɛ ya boboobo, kɛ kɔmɔ yemi babauu.

Yesaya 7:16

Jamɛ a be ɔ be sue tete po nɛ matsɛmɛ enyɔ ɔmɛ nɛ ngɛ nyɛ he gbeye woe ɔ a zugba amɛ a nɔ maa je gu.

Ester 5:11

E fĩa kɛ tsɔɔ mɛ bɔ nɛ e na ní kpɔtɔɔ ha, binyumuhi abɔ nɛ e ngɛ, bɔ nɛ matsɛ ɔ wó e nɔ gojoo ngɛ nɔ yemi he ɔ, kɛ bɔ nɛ e he hia pe matsɛ ɔ ganɔ ɔmɛ, kɛ tsɔli kpa amɛ tsuo.

Mose V, 15:8

Bli o dɛ mi ha nɔ nɛ e fi lɛ ɔ, nɛ o pa lɛ bɔ nɛ maa su lɛ.

Mose I, 31:1

Yakob nu kaa Laban bimɛ ɔmɛ ngɛ dee ke, “Yakob kpɔ wa tsɛ weto ní tsuo ngɛ e dɛ, nɛ e kɛ na e he.”

Hiob 7:1

Nɔmlɔ adesa wami si himi ngɛ kaa ta; nɔmlɔ ngɛ kaa apaa yelɔ ngɛ je nɛ ɔ mi.

Hiob 14:6

Lɔ ɔ he ɔ, je o hɛ ngɛ e he nɛ e na he jɔmi. Ha nɛ e na bua jɔmi bɔ nɛ e ma nyɛ ngɛ e si himi nɛ he wa nɛ ɔ mi.

Yesaya 11:14

Jehanɛ lɛɛ, a maa pee kake kɛ ya tua Filisti bi ɔmɛ ngɛ bonyoku je; nɛ a maa ha nihi nɛ ngɛ beleku je ɔ a níhi. A maa ye Edom kɛ Moab bi ɔmɛ a nɔ kunimi, nɛ Amon bi ɔmɛ hu maa ba a he si ha mɛ.

Yesaya 16:13

Sɛ gbi nɛ Yawɛ ngɔ ha momo nɛ kɔɔ Moab he ji nɛ ɔ nɛ.

Yesaya 25:11

A ma wo a kɔnihi a nɔ kaa nihi nɛ ngɛ mɔde bɔe kaa a maa sile ngɛ nyu mi; se Mawu maa ba a he nɔ womi ɔ si, nɛ a kɔni ɔmɛ a mi ma gbɔjɔ kulaa.