Yesaya 16:12 - BAIBLO ALOO NGMAMI KLƆUKLƆU Ɔ

¹² Moab bi ɔmɛ ngɛ dengme gboe kɛ ngɛ a jami he ɔmɛ yae ngɛ yo ɔmɛ a nɔ; a ngɛ a gba tsu ɔmɛ a mi yae ya ngɛ kue fae, se lɛ tsuo maa pee yaka.

Yesaya 16:12 ပူးပေါင်းရင်းမြစ်များ

Yesaya 15:2

Dibon bi ɔmɛ kuɔ yo ɔ, nɛ a ya wo yana ngɛ a jami he ɔmɛ. Moab bi ɔmɛ wo yana kɛ nyɛ ya ha Nebo kɛ Medeba. A sɛ a yi, kɛ a kpɛni tsuo kɛ ye kɔmɔ.

Yeremia 48:35

Ma ha nɛ Moab bi ɔmɛ ma kpa sami bɔ sami ngɛ a jami he ɔmɛ, nɛ tsopa kɛ e he via nɛ a sãã ha a mawu ɔmɛ hu se maa po. Imi, Yawɛ lɛ i de.

Matsɛmɛ I, 18:29

A hɛɛ mi kikɛ nɛ ɔ kɛ munyu tumi basabasa hluu kɛ ya si pu plɛplɛ; se heto ko bɛ, nɛ gbi ko hu pɛ́.

Mose IV, 23:28

Nɛ Balak ngɔ Balaam kɛ ho Peor yo ɔ nɔ ya, he nɛ ke o ngɛ nɛ o hyɛɛ nga a nɔ ɔ.

Mose IV, 23:14

E ngɔ lɛ kɛ ho Zofim nga a nɔ ya, ngɛ Pisga yo ɔ yi mi. Lejɛ ɔ hu e puɛ bɔ sami la tɛ kpaago, nɛ e sã na ku kake, kɛ agbosu kake ngɛ bɔ sami la tɛ tsuaa bɔ sami la tɛ nɔ.

Mose IV, 22:39

Kɛkɛ nɛ Balak kɛ Balaam pue nɔ kɛ ho Kiriat Huzot ya.

Yeremia 48:46

Moab bi, due! Nyɛ nihi nɛ nyɛ sɔmɔɔ Kemosh ɔ, a kpata nyɛ hɛ mi, nɛ a nuu nyɛ binyumu ɔmɛ, kɛ nyɛ biyi ɔmɛ kɛ je.”

Yeremia 48:13

Jamɛ a be ɔ mi loko Moab bi ɔmɛ a hɛ mi ma pue si kaa bɔ nɛ Israel bi ɔmɛ hu a hɛ mi pue si be ko ɔ. A ma kpa si kaa mamoo a mawu Kemosh ɔ be he wami ko kaa Israel bi ɔmɛ hu a mawu Betel ɔ nɛ a ngɔ a hɛ ngɔ fɔ e nɔ ɔ.

Yeremia 48:7

“Moab bi, nyɛ ngɔ nyɛ hɛ ngɔ fɔ nyɛ he wami, kɛ nyɛ juetli nɔ, lɔ ɔ he ɔ, nyɛ hu a ma ba ngɔ nyɛ kɛ ho. Nyɛ mawu ɔ nɛ a tsɛɛ lɛ Kemosh ɔ, a maa ngɔ lɛ kɛ ho ma se ya kɛ e ganɔ ɔmɛ, kɛ e we osɔfo ɔmɛ.

Yeremia 10:5

Amaga amɛ ngɛ kaa lohwehi a he gbeye womi níhi nɛ maa si ngɛ jamatlɛ ngmɔ mi; a tu we munyu. A nyɛɛ we hulɔ; pe a woɔ a nɔ kɛ jeɔ he kake kɛ yaa he kake. Nyɛ ko ye mɛ gbeye, ejakaa a be nyɛe maa pee nyɛ yayami ko; kpakpa ko hu a be nyɛe maa pee ha nyɛ.”

Yesaya 47:13

Nihi nɛ le hiɔwe níhi a mi, nihi nɛ kase dodoe ɔmɛ a he ní, kɛ nihi nɛ pee hiɔwe mi dlami ɔmɛ a he foni, nɛ a deɔ mo níhi nɛ maa ba o nɔ nyɔhiɔ tsuaa nyɔhiɔ mi ɔ, ha nɛ a ba nɛ a ba he o yi wami koo! Se pɔ tɔ mo kɛ a ga womi ɔmɛ!

Yesaya 37:38

Ligbi ko, benɛ e ngɛ e mawu ɔ nɛ a tsɛɛ Nisrok ɔ jae ngɛ e mawu ɔ we ɔ mi ɔ, e binyumuhi enyɔ, Adramelek kɛ Sharezer kɛ klaate ya gbe lɛ, nɛ a tu fo kɛ ho Ararat zugba a nɔ ya. E bi nyumu kpa nɛ a tsɛɛ lɛ Esarhadon ba ye matsɛ ngɛ e se.

Yesaya 26:16

Yawɛ, o gbla o ma a tue; nɛ benɛ e fi mɛ ɔ, a fa kue kɛ tsɛ mo.

Abɛ Womi 1:28

jamɛ a be ɔ mi ɔ, nyɛ ma tsɛ mi, se i be nɔ hee. Nyɛ ma hla ye se blɔ kɛ hɛdɔ, nɛ nyɛ be mi nae.

Matsɛmɛ II, 19:12

Benɛ nɛnɛmɛ kpata Gozan, Haran, kɛ Rezef ma amɛ a hɛ mi, nɛ a gbe Beteden bi nɛ ngɛ Telasar a, anɛ a mawu ɔmɛ nyɛ a yi wami he lo?

Matsɛmɛ II, 3:27

Lɔ ɔ he ɔ, e nu e bitɛte, nɔ nɛ jinɛ lɛ nɛ e ma ba ye matsɛ ngɛ e se ɔ, nɛ e kɛ lɛ sã sami bɔ ngɛ gbogbo ɔ nɔ. Israel bi ɔmɛ ye gbeye wawɛɛ nitsɛ. Lɔ ɔ he ɔ, a je ma a mi, nɛ a kpale kɛ ho mɛ nitsɛmɛ a zugba nɔ ya.

Matsɛmɛ I, 11:7

Salomo po piɛ ha Kemosh nɛ ji Moab bi ɔmɛ a wɔ yaya a, kɛ Milkom nɛ ji Amon bi ɔmɛ a wɔ yaya a ngɛ yo ɔ nɔ ngɛ Yerusalem beleku je.

Mose IV, 24:17

I na lɛ, se e he kɛ; I ngɛ lɛ hyɛe, se e sui hiɛ ɔ lolo. Dodoe ko maa je Yakob mi kɛ ba; Matsɛ tso ko maa je Israel; E maa fia Moab ma nimeli ɔmɛ ní, nɛ e ma kpata Set bi ɔmɛ a hɛ mi.

Mose IV, 22:41

E nɔ jena a, Balak ngɔ Balaam kɛ ho Bamot Baal ya, nɛ Balaam na Israel ma a fa ko kɛ je lejɛ ɔ.

Mose IV, 21:28

Heshbon ma nɛ ɔ mi Sihon tabo ɔ je, nɛ a ya kpata Ar nɛ ngɛ Moab, kɛ Arnon yo ɔmɛ a nɔ nyɔmtsɛmɛ ɔmɛ a hɛ mi kaa la nɛ ngɛ tsoe kpataa nɔ hɛ mi ɔ nɛ.

Yesaya 16:13

Sɛ gbi nɛ Yawɛ ngɔ ha momo nɛ kɔɔ Moab he ji nɛ ɔ nɛ.