Yesaya 15:5 - BAIBLO ALOO NGMAMI KLƆUKLƆU Ɔ

⁵ Ye tsui ngɛ yee ngɛ Moab he! Ma mi bi ɔmɛ tu fo kɛ ho Zoar, kɛ Eglat Shelishiya ma amɛ a mi ya. Ni komɛ kuɔ yoku ɔ kɛ ho Luhit ya, nɛ ni komɛ hu tu fo kɛ ho Horonaim ya kɛ ya boboobo, kɛ kɔmɔ yemi babauu.

Yesaya 15:5 ပူးပေါင်းရင်းမြစ်များ

Yeremia 48:5

Nyɛɛ hyɛ bɔ nɛ a wo yana kɛ yaa, benɛ a ngɛ Luhit yoku ɔ kuɔe ɔ. Nyɛɛ hyɛ mɛ nɛ a ngɛ awe nyae, benɛ a ngɛ kplee kɛ ma Horonaim ɔ.

Yeremia 4:20

Haomi ɔmɛ ba nɔtonɔto kɛ ya si zugba a tsuo hɛ mi kpata. A hule wa bo tsu ɔmɛ ngɔ pue si tlukaa, nɛ a hía bo ɔmɛ a mi dukuduku.

Yeremia 17:16

Se Yawɛ, mo nitsɛ o le faii kaa tsa pi imi nɛ i nyɛ o nɔ ke o ha nɛ haomi nɛ ba ma nɛ ɔ nɔ. O le kaa pi imi nɛ i to kaa amanehlu be ko nɛ ba. Nɔ́ nɛ je ye nya nɛ i de ɔ, mo nitsɛ o le.

Yeremia 13:17

Se ke nyɛ bui tue kɛ mwɔɔ ɔ, lɛɛ ma fo ya ngɛ laami mi ngɛ nyɛ he nɔ womi ɔ he. Ma fo ya hluu kɛ yaa si ye hɛngmɛ maa tɔ nyu, ejakaa a nuu Yawɛ ma mi bi ɔmɛ nyɔguɛ kɛ je.

Yeremia 9:10

I de ke, “Ma ye kɔmɔ ha yoku ɔmɛ, nɛ ma fo ya ha lohwehi a lɛmi he ɔmɛ ngɛ nga a nɔ. Ejakaa lejɛ ɔmɛ gbli, nɛ a fɔɔ si gu; nɔ ko nɔ ko gui lejɛ ɔmɛ hu. A pa nui kaa na ngɛ pɛe muu muu ngɛ lejɛ ɔmɛ hu; lohwe pɛlitsɛmɛ, kɛ pu mi lohwehi tsuo tu fo kɛ je.”

Yesaya 22:5

Mwɔnɛ ligbi nɛ ɔ, níhi nɛ Nyɔmtsɛ Yawɛ Tabohiatsɛ ɔ kɛ ba wa nɔ ngɛ nina kɔ̃ ɔ mi ji haomi, basabasa peemi, kɛ gidigidi peemi sɔuu. A ku ma a gbogbo ɔmɛ ngɔ pue si. Ngmlaa ngɛ pɛe ngɛ yo ɔmɛ a nɔ tsuo kɛ ngɛ balɔ tsɛe.

Yesaya 16:14

Nɛ jehanɛ lɛɛ Yawɛ ke, “Hiɛmɛ nɛ ɔ jeha etɛ pɛpɛɛpɛ ɔ, ní nɛ ɔmɛ nɛ Moab ná, kɛ ma a mi nimli babauu ɔ tsuo hɛ mi ma kpata, nɛ nihi nɛ a yi ma na wami be nɔ́ ko nɔ́ ko sue; pohu a ma gbɔjɔ.”

Samuel II, 15:30

David ha e yi nɔ, nɛ e nyɛɛ nane gu kɛ ya kuɔ Oliv yo ɔ. Benɛ e yaa a tsuo e ngɛ ya foe. Nihi nɛ piɛ e he ɔ tsuo ha a yi nɔ; nɛ benɛ a ngɛ yo ɔ kuɔe ɔ, mɛ hu a wo yana.

Samuel II, 15:23

Ma a tsuo wo yana benɛ David we bi ɔmɛ je kɛ yaa a. Matsɛ ɔ ya po Kidron pa a, nɛ e we bi ɔmɛ nyɛɛ e se; nɛ mɛ tsuo pɛpɛɛpɛ a pue nga a nɔ blɔ.

Mose I, 19:22

Tuu fo kɛ ya lejɛ ɔ esɔ! I be nɔ́ ko pee kaa ja o ya su lejɛ ɔ lolo.” Akɛnɛ Lot de ke ma bɔbɔyoo ji ma a he je ɔ, a wo ma a biɛ ke Zoar.

Mose I, 14:2

gba ta wo matsɛmɛ enuɔ komɛ: mɛ ji Sodom matsɛ, Bera; Gomora matsɛ, Birsha; Adma matsɛ, Shina; Zeboiim matsɛ, Shemeber; kɛ Bela (aloo Zoar) matsɛ.

Mose I, 13:10

Lot hyɛ zugba a tsuo kɛ kpe, nɛ e na kaa nyu ngɛ Yordan kɔ̃ ɔ mi tsuo babauu kaa bɔ nɛ Yawɛ Ngmɔ ɔ ngɛ ɔ, aloo kaa bɔ nɛ Egipt zugba a ngɛ kɛ ma Zoar blɔ ɔ. Sane nɛ ɔ ba loko Yawɛ kpata Sodom kɛ Gomora hɛ mi.

Mose IV, 21:29

Moab bi, due ha nyɛ! Nyɛ Kemosh jali, nyɛ hɛ mi kpata! Nyɛ mawu ɔ ha nyɛ binyumu ɔmɛ pee ko bɔli; nɛ nyɛ biyi ɔmɛ hu pee Amor matsɛ, Sihon nyɔguɛhi.

Yesaya 59:7

Be tsuaa be ɔ, yayami he ga sɔuu nyɛ toɔ. Nɔ nɛ ko ye bemi ɔ, nyɛ he sɔɔ kɛ pueɔ e muɔ si yaka. He tsuaa he nɛ nyɛ gu ɔ, nɔ́ puɛmi, kɛ nɔ́ hɛ mi kpatami sɔuu nyɛ siɔ ngɛ nyɛ se;

Yeremia 4:19

Ao! Ao! Ye mi mi! Ye mi mi! Ye tsui! Ye tsui ngɛ fiae kpla, kpla! I be nyɛe nɛ ma pee dii; ejakaa i nu nɛ a ngɛ titimati kpae, nɛ ta ose ngɛ pɛe.

Yeremia 48:3

Horonaim bi ɔmɛ jé ngmlaa, ejakaa a ngɛ níhi a hɛ mi kpatae basabasa ngɛ lejɛ ɔ.

Yeremia 50:46

Ke Babilon hɛ mi kpata a, ose nɛ a ma he ɔ nya maa wa wawɛɛ nitsɛ, bɔ nɛ zugba po ma mimiɛ. Je ma kpa amɛ tsuo maa nu ose nɛ ɔ he.”