Yesaya 15:3 - BAIBLO ALOO NGMAMI KLƆUKLƆU Ɔ

³ A bu kpekpe ya bo kɛ nyɛɛ gbɛjegbɛ ɔmɛ a nɔ, nɛ a wo yana ngɛ ma kpe he ɔmɛ kɛ a tsu ɔmɛ a yi mi.

Yesaya 15:3 ပူးပေါင်းရင်းမြစ်များ

Samuel II, 3:31

David fa Yoab kɛ e we bi ɔmɛ ke, “Nyɛ hía tade ɔmɛ ngɛ nyɛ he, nɛ nyɛ bu kpekpe ya bo kɛ nyɛ ya, nɛ nyɛɛ wo yana ha Abner.” Matsɛ David nitsɛ nyɛɛ gbogboe ɔ se.

Matsɛmɛ II, 6:30

Benɛ matsɛ ɔ nu nɔ́ nɛ yo ɔ de ɔ, e hao nɛ e hía e tade ɔmɛ. Nɛ benɛ e ngɛ nyɛɛe ngɛ gbogbo ɔ nɔ ɔ, ma a na lɛ; nɛ a yɔse kaa e bu kpekpe ngɛ e tade ɔmɛ a sisi.

Yesaya 15:2

Dibon bi ɔmɛ kuɔ yo ɔ, nɛ a ya wo yana ngɛ a jami he ɔmɛ. Moab bi ɔmɛ wo yana kɛ nyɛ ya ha Nebo kɛ Medeba. A sɛ a yi, kɛ a kpɛni tsuo kɛ ye kɔmɔ.

Yesaya 22:1

Sɛ gbi nɛ kɔɔ nina kɔ̃ ɔ he ji nɛ ɔ nɛ. Mɛni ba? Mɛni o ma a mi bi ɔmɛ tsuo kuɔ kɛ ho a tsuhi a yi mi ya ya ngɛ pee?

Yesaya 22:4

Nyɛɛ ngmɛɛ ye he nɛ ma nyɛ ya wawɛɛ ha nihi nɛ gbo ɔ. Nyɛ ko gba nyɛ he nya kaa nyɛ maa jɔɔ ye bua.

Yesaya 3:24

Nu je via be hae nɛ a he maa je via hu, a he maa je fu mohu; tangme kpa titlii a kɛ maa fi a mlɛ mi, pi mlɛ mi fimi nɔ́ saminyawiiwi ɔmɛ hu; yi nɛ a hɔɔ saminyayoo ɔ maa pee kpalokpalo; a heha ní kpakpa amɛ ma plɛ pee tako piɛ; a he fɛu ɔ ma plɛ pee zo ha mɛ!

Yeremia 19:13

Ma ble wehi tsuo ngɛ Yerusalem kaa bɔ nɛ i pee Tofet ɔ. Yuda matsɛmɛ ɔmɛ a mɔhi, kɛ tsu kpahi nɛ a sãã tsopa kɛ e he via ngɛ a yi mi kɛ haa dodoehi, nɛ a sãã wai bɔ ngɛ lejɛ ɔmɛ kɛ haa mawu kpahi ɔ, ma ble mɛ.”

Yeremia 48:37

A ti nɔ tsuaa nɔ sã e yi nɔ kpalokpalo, nɛ e sɛ kpɛni. Mɛ tsuo a poo a kɔnihi a he, nɛ a ngɔ kpekpe kɛ muɔ a mlɛ mi.

Kɔmɔ Yemi 2:10

Yerusalem nimeli ɔmɛ hii si dii ngɛ zugba. A ngɔ bunyuku ngɔ pue a yi mi, nɛ a ha kpekpe ya bo kɛ tsɔɔ kaa a pia a he. Yihewi ɔmɛ ngɔ a hɛ mi kɛ bu si.

Ezekiel 7:18

A ma bu kpekpe ya bo; sawale maa nu mɛ. A ma sã mɛ tsuo a yi nɔ ha mɛ, nɛ zo maa gbe mɛ kpɔtɔɔ.

Amos 8:10

Jehanɛ se hu, be mi nɛ nyɛ ngɛ ní yee, nɛ nyɛ ngɛ nyae ɔ, ma ha nɛ nyɛ ma bɔni kɔmɔ yemi jamɛ a be ɔ mi nɔuu; ma tsake nyɛ bua jɔmi la amɛ kɛ pee kɔmɔ yemi lahi. Ma ha nɛ nyɛ ma sã nyɛ yi nɔ, nɛ nyɛ ma bu kpekpe ya bo. Ma ha nɛ nyɛ maa ye kɔmɔ kaa nɔ ko nɛ e bi kake too pɛ ɔ gbo; nɔ tsuaa nɔ maa pee mɔbɔmɔbɔ jamɛ a ligbi ɔ.

Mateo 11:21

“Korazin, musu tloo mo! Betsaida, mo hu musu tloo mo! Nyakpɛ ní babauu nɛ a pee ngɛ nyɛ mi ɔ, a ya pee ngɛ Tiro, kɛ Sidon mohu jinɛ a tsake a tsui momoomo. Jinɛ Tiro, kɛ Sidon bi ma bu kpekpe ya bo, nɛ a maa ngɔ a he kɛ wuwlua la zu mi kɛ tsɔɔ kaa a tsake a tsui niinɛ.

Mose V, 22:8

“Ke o po we he ɔ, moo hyɛ nɛ o wo o tsu yi bumi ɔ he aklabatsa kɛ bɔle lɛ kɛ kpe. Ke o pee ja a, lɛɛ ke nɔ ko sane kɛ je tsu ɔ yi mi kɛ ba nɔ si nɛ e gbo ɔ, tɔmi ɔ ji mo.

Yakobo 5:1

Jehanɛ nyɛ niatsɛmɛ hu nyɛɛ bu tue! Nyɛɛ wo yana, nɛ nyɛ nya awe; ejakaa aywilɛho sanehi maa ba nyɛ nɔ!

Samuel I, 5:12

Ni nɛmɛ nɛ gbo we ɔ po, tslɔɔ fuu mɛ; nɛ ma a kpa bubuubui kɛ ba yemi kɛ buami ngɛ a wɔ ɔmɛ a dɛ mi.