Yesaya 15:1 - BAIBLO ALOO NGMAMI KLƆUKLƆU Ɔ

¹ Sɛ gbi nɛ kɔɔ Moab he ji nɛ ɔ nɛ. Nyɔ kake too mi ɔ, a kpata Ar kɛ Kir a hɛ mi, kɛkɛ nɛ Moab zugba a nɔ tsuo jɔ.

Yesaya 15:1 ပူးပေါင်းရင်းမြစ်များ

Yesaya 11:14

Jehanɛ lɛɛ, a maa pee kake kɛ ya tua Filisti bi ɔmɛ ngɛ bonyoku je; nɛ a maa ha nihi nɛ ngɛ beleku je ɔ a níhi. A maa ye Edom kɛ Moab bi ɔmɛ a nɔ kunimi, nɛ Amon bi ɔmɛ hu maa ba a he si ha mɛ.

Mose IV, 21:28

Heshbon ma nɛ ɔ mi Sihon tabo ɔ je, nɛ a ya kpata Ar nɛ ngɛ Moab, kɛ Arnon yo ɔmɛ a nɔ nyɔmtsɛmɛ ɔmɛ a hɛ mi kaa la nɛ ngɛ tsoe kpataa nɔ hɛ mi ɔ nɛ.

Yesaya 25:10

Yawɛ maa bu Zion yo ɔ he, se Moab bi ɔmɛ lɛɛ, a maa naa a nɔ kaa a naa nga nɔ kɛ woɔ dwɔmi mi kɛ ya pueɔ kuku nɔ.

Yesaya 16:11

I ngɛ ya foe kɛ ngɛ kɔmɔ yee ha Moab; nɛ ye tsui ngɛ yee ngɛ Kir Heres he.

Yesaya 16:7

Lɔ ɔ he ɔ, Moab bi ɔmɛ maa wo yana ngɛ amanehlu nɛ a maa na a he. Mɛ tsuo a maa wo yana, ke a kai niye ní kpakpa amɛ nɛ a ye be ko nɛ be ngɛ Kir Heres ɔ. Nɛ a maa pee yeyeeye.

Yesaya 14:28

Jeha nɛ Matsɛ Ahaz gbo ɔ nɛ a fiɛ sɛ gbi nɛ ɔ.

Yesaya 13:1

Sɛ gbi nɛ kɔɔ Babilon tue gblami he nɛ Mawu ngɔ ha Yesaya, Amoz bi ɔ, ngɛ nina mi ji nɛ ɔ nɛ.

Matsɛmɛ II, 3:25

nɛ a kpata a ma amɛ a hɛ mi. Zugba kpakpa amɛ lɛɛ nɔ tsuaa nɔ fɔ tɛ kɛ pue a nɔ, kɛ ya si tɛ ɔmɛ ha zugba amɛ a nɔ A tsi nyu vu ɔmɛ tsuo, nɛ a poo tso kpakpa amɛ hulɔ. Kir Heres nɛ ji ma ngua a pɛ nɛ a si; se amlami tɛ fiali ɔmɛ ya sa jamɛ a ma a po yi nɛ a tua lɛ.

Mose V, 2:18

‘Mwɔnɛ ɔ, nyɛ yaa gu Moab huzu nya ngɛ Ar kasa nya.

Mose V, 2:9

Yawɛ de mi ke, ‘Koo hao Moab bi ɔmɛ nɛ ji Lot nina a. I ngɔ Ar ma a ngɔ ha mɛ. I be mo a zugba a eko hae.’ ”

Yesaya 25:12

Moab mɔ ɔmɛ nɛ a fia gbogbo gojogojoohi ngɔ wo a he ɔ, e maa ku mɛ tsuo ngɔ pue si.

Mose V, 2:19

Ke nyɛ ya su Amon bi ɔmɛ nɛ ji Lot nina a a zugba a huzu nya a, nyɛ ko hao mɛ, nɛ nyɛɛ kɛ mɛ ko hwu ta hulɔ; ejakaa i be nyɛ a zugba a ekoeko hae.’ ”

Yesaya 16:6

Yuda bi ɔmɛ ma he nɔ ke, “Wa nu kaa Moab bi ɔmɛ woɔ a he nɔ wawɛɛ; a peeɔ pupuupu, nɛ a bui nɔ, se a fiami ɔ ya peeɔ nya mi gu fiami.”