Yesaya 14:8 - BAIBLO ALOO NGMAMI KLƆUKLƆU Ɔ

⁸ Tso nguaa amɛ, kɛ seda tso ɔmɛ nɛ ngɛ Lebanon ɔ po ngɛ nyae ke, ‘Matsɛ ɔ kpa sɛ; nɛ nɛ́ e be nɛ ɔ, nɔ ko be nɛ ma ha nɛ a poo wɔ hu!’

Yesaya 14:8 ပူးပေါင်းရင်းမြစ်များ

Ezekiel 31:16

Ma ha e maa nɔ si haa bum kɛ maa ya gbeje; nɛ je ma amɛ ma mimiɛ, ke a nu e si nɔmi ɔ. Eden ngmɔ ɔ mi tso ɔmɛ tsuo, kɛ Lebanon tsohi nɛ a je blɔ ha mɛ nyu saminya, nɛ mɛɛ lɛɛ a ho gbeje ya momo ɔ, a bua maa jɔ wawɛɛ kaa tso nɛ ɔ nɔ si.

Zakaria 11:2

Nyɛ sɛsɛo tsohi, nyɛ nya awe, ejakaa seda tso ɔmɛ nɔɔ si; a kpata jamɛ a tso kpakpa amɛ a hɛ mi! Nyɛ Bashan tso nguahi, nyɛ nya awe, ejakaa a gba hue kusuu ɔ ngɔ pue si.

La 29:5

Yawɛ gbi ɔ kuɔ seda tsohi. Ee, Lebanon seda tsohi po Yawɛ kuɔ mɛ.

Yesaya 37:24

O tsɔ o tsɔli kɛ ba ye imi Nyɔmtsɛ ɔ ye he fɛu, nɛ o de ke, ‘I ngɔ ye ta zugba lɛhi kɛ kuɔ yo ɔmɛ kɛ ya su Lebanon tɔɔ. I poo Lebanon seda tso gagaa amɛ, kɛ sɛsɛo saminyawiiwi ɔmɛ ngɔ pue si. I sɛ Lebanon hue kusuu ɔ mi kɛ ya tsitsaa lokoo.