Yesaya 14:5 - BAIBLO ALOO NGMAMI KLƆUKLƆU Ɔ

⁵ Yawɛ ku nɔ yeli yaya amɛ a he wami nya la.

Yesaya 14:5 ပူးပေါင်းရင်းမြစ်များ

Yesaya 9:4

Ejakaa lohwe kuɛpã tso nɛ jiɔ kaa tlomi ngɛ a nɔ, kɛ to tsɔ̃mi tso nɛ a kɛ fiaa a konɔ kɛ wa mɛ yi mi ɔ, o ku a mi kaa bɔ nɛ blema a o pee Midian bi ɔmɛ ɔ.

La 125:3

Yiwutsotsɛmɛ be nihi nɛ peeɔ nɔ́ nɛ da a a zugba nɔ yee daa, ke pi ja a, dali po maa pee yayami.

Yesaya 14:29

Filistia bi, nyɛ bua ko jɔ kulaa kaa tso nɛ a kɛ fiaa nyɛ ɔ mi ku. Ke sinɔ kake gbo ɔ, ekpa nɛ e duɔ nya wa pe kekle nɔ́ ɔ ba yeɔ e nane mi. Sinɔ hlui ko ma pɛ, nɛ sinɔ pɛlitsɛ maa je mi.

Yesaya 10:5

Bɔ nɛ Yawɛ de ji nɛ ɔ nɛ: “Asiria, o ngɛ kaa to tsɔmi tso ko nɛ i kɛ gblaa nihi nɛ woɔ ye mi mi la a a tue.

Yesaya 13:11

Bɔ nɛ Yawɛ ngɛ dee ji nɛ ɔ nɛ: “Ma ha amanehlu maa ba je ɔ mi tsuo, nɛ ma gbla yiwutsotsɛmɛ tsuo a tue ngɛ a yayami ɔmɛ a he. Nɔ tsuaa nɔ nɛ woɔ e he nɔ ɔ, ma ba lɛ si; nɛ nɔ tsuaa nɔ nɛ peeɔ pupuupu, aloo e yi mi wa a, ma gbla e tue.

Yesaya 14:4

Ke Yawɛ pee enɛ ɔ, nyɛ Israel bi ɔmɛ hu nyɛ maa ye Babilonia matsɛ ɔ he fɛu ke, “Matsɛ yiwutsotsɛ ɔ nɔ si! E be nɔ ko nɔ ko yi mi wae hu.

Yesaya 14:6

Nimli nɛ ɔmɛ kɛ abofu nɛ nya wa fiaa je ma amɛ ní, nɛ a nɛ mɛ mɔbɔ kulaa; je mahi nɛ a ye a nɔ ɔ hu, a wa mɛ yi mi wawɛɛ nitsɛ nɛ he jɔɔmi ko be mi.

Kɔmɔ Yemi 1:21

“Bu ye kɛmɛmi ɔ tue; nɔ ko be nɛ maa jɔɔ ye bua. Haomi nɛ ba ye nɔ nɛ ɔ, ye he nyɛli ɔmɛ tsuo nu he, nɛ a bua jɔ kaa o ha sane nɛ ɔ ba ye nɔ. Ligbi nɛ o to ha he nyɛli ɔmɛ ɔ, ha nɛ e ba esɔ, konɛ mɛ hu a pee kaa bɔ nɛ i ngɛ nɛ ɔ.

Habakuk 1:17

Anɛ a kɛ klaate maa hi nihi gbee daa, nɛ a maa ya nɔ nɛ a kpata je ma amɛ a hɛ mi, nɛ a be mɔbɔ nae lo?

Abɛ Womi 28:15

Matsɛ yiwutsotsɛ nɛ ngɛ tsɛ yee ngɛ nihi nɛ a ní ngɛ mɔbɔ a nɔ ɔ, e ngɛ kaa jata nɛ ngɛ huae, aloo osisiblisi nɛ e hɛ mi wo la.

Yesaya 9:3

Yawɛ, o ha nɛ ma a bɔ, nɛ o ha mɛ bua jɔmi babauu. A ngɛ nyae ngɛ o hɛ mi kaa nihi nɛ ngɛ ngmɔ ní kpae, loo nihi nɛ ngɛ ta yibu ní dlae ha a he.