Yesaya 14:32 - BAIBLO ALOO NGMAMI KLƆUKLƆU Ɔ

³² Mɛni heto wa ma ha tsɔli ɔmɛ nɛ je Filistia kɛ ba a? Wa ma de mɛ ke Yawɛ to Zion sisi saminya, nɛ e ma a nɛ ngɛ amanehlu nae ɔ, a tue mi maa jɔ mɛ ngɛ lejɛ ɔ.

Yesaya 14:32 ပူးပေါင်းရင်းမြစ်များ

La 102:16

Yawɛ kpale ma Zion ekohu; e ma je e he wami kpetekpleenyɛ ɔ kɛ tsɔɔ.

La 87:5

A ma tsɛ Zion ke je ma amɛ tsuo a nyɛ, ejakaa Hiɔwe No ɔ nitsɛ maa to lɛ si.

Yakobo 2:5

Ye nyɛmimɛ nɛ i suɔ, nyɛɛ bu tue. Tse nyɛ le kaa nihi nɛ je ɔ buu mɛ ohiatsɛmɛ ɔ, mɛ Mawu hla a. Akɛnɛ a heɔ Yesu yeɔ ɔ, nimli nɛ ɔmɛ ba pee mumi mi niatsɛmɛ, nɛ matsɛ yemi ɔ nɛ Mawu wo si ha nihi nɛ suɔ lɛ ɔ ba pee a nɔ.

Zefania 3:12

Ma si nihi nɛ peeɔ a he humi, kɛ ohiatsɛmɛ ngɛ nyɛ kpɛti, nɛ a maa ngɔ a hɛ kɛ fɔ imi Yawɛ ye nɔ.

La 87:1

Yawɛ to e ma a sisi kɛ ma e yo klɔuklɔu ɔ nɔ.

Yesaya 25:4

O ngɛ kaa mɔ kɛ ha ohiatsɛmɛ. O ngɛ kaa mɔ kɛ ha nɔ́ nali. Mo ji a wesa he ngɛ kɔɔhiɔ nɛ nya wa mi, kɛ hɔ̃ ngɛ pu ngmangmaangma nya. Yiwutsotsɛmɛ nɛ a yi mi wa kaa ahumi ngɛ fĩɛ be mi po, o jeɔ mɛ kɛ jeɔ a dɛ mi.

Zakaria 11:11

A po somi ɔ mi jamɛ a ligbi ɔ nɔuu, nɛ to je juali ɔmɛ nɛ na nɔ́ nɛ i pee ɔ yɔse kaa Yawɛ sɛ gbi ji nɛ ɔ nɛ.

Yesaya 44:28

I deɔ Sirus ke, ‘Mo ji nɔ nɛ maa ye ye ma a nɔ ha mi; nɔ́ nɛ i suɔ ɔ, lɔ ɔ sɔuu o maa pee. O ma fa ke a ma Yerusalem ekohu, nɛ́ a to Yawɛ we ɔ sisi.’ ”

Yesaya 39:1

Jamɛ a be ɔ, Babilonia matsɛ, Merodak Baladan, Baladan bi nyumu ɔ, nu kaa Matsɛ Hezekia ba na we he wami. Lɔ ɔ he ɔ, e ngma womi, nɛ e tsɔ nɛ a kɛ nike ní piɛ he ya ha lɛ.

Yesaya 28:16

Lɔ ɔ he ɔ, nɔ́ nɛ Nyɔmtsɛ Yawɛ ngɛ dee ji nɛ ɔ nɛ: “I ngɛ sisi tomi ko nɛ he wa nɛ maa si kpɛii fiae ngɛ Zion; nɛ i ngɔ kɔ nya tɛ agbo ko kɛ ma mi. Nɔ́ nɛ a ngma ngɛ nɔ ji nɛ ɔ nɛ: ‘Nɔ nɛ heɔ yeɔ ɔ, e toɔ e tsui si.’

Yesaya 4:6

E hɛ mi nyami ɔ maa pee hɔ̃ ha ma a piani kɛ tsi pu la a nya, nɛ e maa pee wesa he ngɛ hiɔmi kɛ ahumi be mi.

La 102:28

Wɔ, o tsɔli ɔmɛ, wa bimɛ ɔmɛ a yi ma na wami, nɛ a nina kɛ mo maa hi si ngɛ he jɔmi mi.

Hebribi 12:22

Amlɔ nɛ ɔ lɛɛ nyɛ ba su Zion yo ɔ, nɛ ji Mawu hɛ kalɔ ɔ ma a he. Nyɛ ba su hiɔwe Yerusalem ngɛ Mawu kɛ e bɔfohi babauu nɛ a be nyɛe kanemi, nɛ a bua kɛ ngɛ nyae ɔ a ngɔ.

Mateo 16:18

Lɔ ɔ he ɔ, Petro, i ngɛ mo dee ke tɛ sa ji mo, nɛ kikɛmɛ a tɛ sa nɛ ɔ nɔ ma ma ye asafo ɔ ngɛ. Nɛ gbenɔ tete po be nyɛe maa ye e nɔ.

Zakaria 11:7

To je juali ɔmɛ bɔ mi apaa, nɛ i hyɛ to kuu ɔ nɛ a yaa gbe ɔ nɔ. I ngɔ dɛma tso enyɔ. I wo kake biɛ ke “Dloomi”, nɛ i tsɛ enyɔne ɔ “Kakepeemi”. Nɛ i hyɛ to ɔmɛ a nɔ.

Yesaya 54:11

Yawɛ ke, “Yerusalem, ma nɛ na amanehlu, mo nɛ nɔ ko piɛ we o he nɛ e wo mo bua. Ma ngɔ tɛhi nɛ a he jua wa kɛ fia o sisi tomi ɔ ekohu.

Yesaya 37:32

Ni komɛ maa piɛ kɛ̃, nɛ a maa je Yerusalem kɛ Zion yo ɔmɛ a nɔ kɛ ya; ejakaa Yawɛ Tabohiatsɛ ɔ ma tsu nɔ́ nɛ ɔ kɛ hɛdɔ.

Yesaya 37:9

Kɛkɛ nɛ gbi ko ba su Asiria matsɛ ɔ, kaa Sudan matsɛ, Tirhaka hia ta kɛ nyɛɛ Egipt tabo ɔ hɛ mi kɛ ma nɛ e ba tua lɛ. Benɛ Asiria matsɛ ɔ nu sane nɛ ɔ, e ngma womi, nɛ e tsɔ kɛ ya ha Yuda matsɛ, Hezekia.

Yesaya 12:6

Nyɛ nihi tsuo nɛ nyɛ ngɛ Zion, nyɛ hwɔ lele nɛ nyɛ la kɛ bua jɔmi. Ejakaa Mawu kle, Mawu klɔuklɔu ji Israel Mawu ɔ nɛ kɛ nyɛ ngɛ ɔ nɛ.”

Yesaya 11:4

Se e kɛ dami sane yemi maa kojo ohiatsɛmɛ, nɛ e maa bu nihi nɛ a ní ngɛ mɔbɔ ɔ a he. Ke e fa ke a gbla nɔ ko tue ɔ, kɛkɛ a maa gbla e tue. Ke e fa ke a gbe yayami peelɔ ko ɔ, kɛkɛ pe a gbe lɛ ɔ nɛ.

Abɛ Womi 18:10

Yawɛ ngɛ kaa mɔ nguaa, he nɛ nimli kpakpahi tuu fo kɛ ya saa we ngɛ nɛ a yi naa wami.

Samuel II, 8:10

e tsɔ e binyumu Yoram ya nga David, nɛ e ha lɛ ayekoo kaa e kɛ Hadadezer hwu ta nɛ e ye e nɔ kunimi; ejakaa lɛ Toi ɔ nitsɛ e kɛ Hadadezer hwu ta hluu. Yoram hɛɛ sika hiɔ, sika tsu, kɛ akɔblee nike níhi kɛ ho.

Hebribi 11:10

Ejakaa ma nɛ Abraham ngɛ blɔ hyɛe ji ma nɛ Mawu nitsɛ to sisi, nɛ lɛ nɔuu e fia.

Yesaya 29:19

Nihi nɛ a he jɔ, dɛgutsɛmɛ, kɛ nihi nɛ a ní ngɛ mɔbɔ ɔ, Yawɛ Israel Mawu klɔuklɔu ɔ ma ha mɛ bua jɔmi ekohu.

Yesaya 57:13

Benɛ nyɛ ngɛ ngmlaa kpae kɛ ngɛ balɔ tsɛe ɔ, nyɛ ha nɛ nyɛ amaga babauu ɔmɛ nɛ a je ngmlaa ha nyɛ koo! Kɔɔhiɔ kɛkɛ po maa bɛɛ mɛ tsuo kɛ ho; mumi nɛ a woɔ si kake pɛ ma fli mɛ kɛ ho. Se ni nɛmɛ nɛ ngɔɔ a hɛ ngɔ fɔɔ ye nɔ ɔ, a maa hi zugba a nɔ, nɛ a ma ja mi ngɛ ye yo klɔuklɔu ɔ nɔ.”

Ezekiel 48:35

Gbogbo nɛ maa bɔle ma a kɛ kpe ɔ tsuo, ke a susu ɔ, é pee gugue akpe eywiɛ kɛ e nya lafa enuɔ. Kɛ je jamɛ a ligbi ɔ, biɛ nɛ a kɛ ma tsɛ ma a ji, “Yawɛ ngɛ hiɛmɛ nɛ ɔ!”

La 48:4

Matsɛmɛ ɔmɛ bua a he nya babauu, konɛ a ba tua Zion yo ɔ.