Yesaya 14:23 - BAIBLO ALOO NGMAMI KLƆUKLƆU Ɔ

²³ Ma ha Babilon ma plɛ pee zugba nɛ tɔ nyu, kɛ ablɛgogoehi a hi he. Ma kpata Babilon hɛ mi pɛsɛpɛsɛ. Babilon maa pee kaa ma nɛ a bɛɛ mi, nɛ nɔ ko nɔ ko be mi hie hu. Imi, Yawɛ lɛ i de.”

Yesaya 14:23 ပူးပေါင်းရင်းမြစ်များ

Zefania 2:14

Nineve ma plɛ pee tohi kɛ pu mi lohwe slɔɔtoslɔɔtohi a hi he. Ablɛgogoe maa pee muɔ ngɛ lejɛ ɔ. Okpoku kɛ klomi maa hi hwɔe kɛ je saflɛ mi ngɛ mɔ kokoe ɔmɛ a nɔ, nɛ kuakualabite maa hi pɛe kuaakuaa ngɛ sinya tso ɔmɛ a yi mi. Seda ma kpɔ ngɛ tso ɔmɛ a he.

Kpojemi 14:8

Bɔfo enyɔne ba ngɛ kekleekle nɔ́ ɔ se, nɛ e ngɛ dee ke, “Babilon hɛ mi kpata! Babilon ma kpetekpleenyɛ ɔ hɛ mi kpata! Babilon yakayaka ní peemi ɔmɛ ha nɛ je ɔ tsuo puɛ; e ngɛ kaa dã nɛ nya wa nɛ e ha mɛ nɛ a nu.”

Matsɛmɛ I, 14:10

Enɛ ɔ he je ɔ, i kɛ haomi maa ba o we ɔ nɔ, nɛ ma gbe nyumu tsuaa nyumu ngɛ we ɔ mi, nyɔguɛ jio, odehe jio. Ma kpata o we ɔ hɛ mi; a maa bɛɛ mɛ kɛ ho kaa a bɛɛɔ na fi.

Kpojemi 18:2

E kpa ngmlaa wawɛɛ ke, “Babilon hɛ mi kpata! Babilon ma kpetekpleenyɛ ɔ hɛ mi kpata! Piɔ lɛɛ e plɛ mumi yayamihi tsuo a si himi he; e plɛ lohwe pɛlitsɛmɛ, kɛ lohwe awi yeli nɛ a hiee tsuo a si himi he.

Matsɛmɛ II, 21:13

Bɔ nɛ i gbla Samaria, kɛ Israel matsɛ, Ahab kɛ e we ɔ a tue ɔ, ja nɔuu ma pee Yerusalem. Ma ha nɛ a maa muɔ nimli ɔmɛ tsuo kɛ je Yerusalem, nɛ Yerusalem ma a maa pee falifali kaa kã nɛ a fɔ mi nɛ a plɛ ngɔ bu si.

Yesaya 13:6

Nyɛ kpa bubuubui! Yawɛ ligbi ɔ su jehanɛ. Ligbi nɛ Tabohiatsɛ ɔ ma kpata níhi a hɛ mi ji nɛ ɔ nɛ.

Yesaya 13:20

Nɔ ko nɔ ko be lejɛ ɔ hie hu. Arabia no nɛ ngɛ lalaalo woe po be e bo tsu mae ngɛ lejɛ ɔ gblegbleegble; nɛ to hyɛlɔ ko hu be e to ɔmɛ tsɔ̃e kɛ ya ye ní ngɛ lejɛ ɔ.

Yesaya 21:1

Sɛ gbi nɛ kɔɔ Babilonia he ji nɛ ɔ nɛ. Kaa bɔ nɛ lasiogblee bee huu ngɛ leneyi je nga kplanaa a nɔ kɛ puɛɔ ní ɔ, jã kɛ̃ hɛ mi kpatami maa je zugba ko nɛ nɔ ngɛ gbeye nɔ kɛ ba.

Yeremia 50:3

“Je ma ko hia kɛ je omleyi je kɛ ma nɛ e ba tua Babilonia. A ma kpata zugba a hɛ mi, nɛ a maa pee lɛ butuu; nɛ nɔ ko nɔ ko be lejɛ ɔ hie hu. Nimli kɛ lohwehi tsuo maa tu fo kɛ je.”

Yeremia 50:26

Nyɛ ya tua Babilonia kɛ je he tsuaa he, nɛ nyɛɛ ywia ngma tomi he ɔmɛ. Nyɛɛ to ta yibu ní ɔmɛ kaa ngma nɛ a to lɛ glekugleku! Nyɛ kpata zugba a hɛ mi! Nyɛ ko si nɔ ko nɔ ko ngɛ nɔ!

Yeremia 51:62

Lɔ ɔ se ɔ, moo sɔle nɛ o de ke, ‘Yawɛ, o de ke o ma kpata hiɛmɛ nɛ ɔ hɛ mi pɛsɛpɛsɛ, nɛ nɔmlɔ, loo lohwe be hiɛ ɔ hie hu. O de ke hiɛmɛ nɛ ɔ maa pee ma doku kɛ ya neneene.’