Yesaya 14:20 - BAIBLO ALOO NGMAMI KLƆUKLƆU Ɔ

²⁰ Akɛnɛ o kpata o zugba a hɛ mi, nɛ o gbe mo nitsɛ o ma mi bi ɔmɛ he je ɔ, a be mo pue kaa matsɛmɛ kpa amɛ. Nyɛ ko ha nɛ nimli, yayami peeli nɛ ɔmɛ a nina ko yi nɛ na wami.

Yesaya 14:20 ပူးပေါင်းရင်းမြစ်များ

La 21:10

A bimɛ, loo a nina ko he be mi jee; matsɛ ɔ ma kpata mɛ tsuo a hɛ mi.

Hiob 18:19

E be bi, loo nina ngɛ e ma mi bi ɔmɛ a kpɛti; he nɛ e hi be ko ɔ, e nina ko be lejɛ ɔ.

La 109:13

E ngmɛdu hɛ mi nɛ kpata pɛsɛpɛsɛ; nɛ yi nɔ nɛ maa nyɛɛ se ɔ ko le e biɛ tete po.

La 37:28

ejakaa Yawɛ suɔ nɔ́ nɛ da; nihi nɛ yeɔ lɛ anɔkuale ɔ, e kua we mɛ. Yawɛ maa bu dali a he daa; se yayami peeli a nina lɛɛ a hɛ mi ma kpata.

Yesaya 1:4

Musu tloo nyɛ, nyɛ ma nɛ yayami sɔuu nyɛ peeɔ; nyɛ puɛ kulaa kɛ yayami peemi! Nyɛ he yayami ɔmɛ pee tlomi ha nyɛ! Nyɛ kua Yawɛ, Israel Mawu klɔuklɔu ɔ, nɛ nyɛ je e he kɛ ho se ya.

Hiob 18:16

E sipoku ma gbli ngɛ e sisi, nɛ e kɔnihi maa ylɔ.

Fiɛlɔ 6:3

Ke nɔ ko fɔ bimɛ lafa, nɛ e ye jeha babauu, se e yi je mi ngɔɔmi, nɛ jehanɛ se hu, benɛ e gbo ɔ, a pu we lɛ bɔ nɛ sa a, lɛɛ afani bi nɛ gbo loko a fɔ lɛ ngɛ jamɛatsɛ ɔ he.

Yesaya 9:17

Lɔ ɔ he ɔ, Nyɔmtsɛ ɔ na we nihewi ɔmɛ a he bua jɔmi. Yalɔyi ɔmɛ, kɛ awusa amɛ hu e mɛ nɛ mɔbɔ; ejakaa ni ɔmɛ tsuo li Mawu; a pee a he yiwutsotsɛmɛ, nɛ munyu yaya pɛ a tuɔ. Enɛ ɔ tsuo he ɔ, Yawɛ mi mi fumi ɔ se be poe kɛ yaa si e ma kpata a hɛ mi pɛsɛpɛsɛ.

Yesaya 31:2

Yawɛ ɔ, ní lelɔ ji lɛ, nɛ e gblaa nɔ tue. Ke e de nɔ ko ɔ, e kpale we e nya se. E gblaa yayami peeli kɛ a he piɛli tsuo a tue.

Matsɛmɛ II, 9:35

Se benɛ a ho nɛ́ a ya pu lɛ ɔ, a nɛ e he nɔ́ ko nɔ́ ko; e yi koklodo, kɛ e nanehi, kɛ e ninehi pɛ nɛ a na.

Hiob 18:17

E biɛ maa laa ngɛ ma a mi, kɛ ma se tsuo, nɛ nɔ ko nɔ ko be lɛ kaie hu.