Yesaya 14:13 - BAIBLO ALOO NGMAMI KLƆUKLƆU Ɔ

¹³ O to o yi mi kaa o maa kuɔ kɛ ya hiɔwe lokoo nɛ o kɛ o matsɛ sɛ ɔ ya ma Mawu dodoe ɔmɛ nɛ ya hiɔwe pe kulaa a a se tɔɔ. O susu kaa o maa hi si kaa matsɛ ngɛ jamɛ a yo ɔ nɔ, ngɛ omleyi je he nɛ a kpee ngɛ ɔ.

Yesaya 14:13 ပူးပေါင်းရင်းမြစ်များ

Ezekiel 28:2

“Nɔmlɔ adesa, de Tiro ganɔ ɔ ke, bɔ nɛ imi Nyɔmtsɛ Yawɛ, i ngɛ lɛ dee ji nɛ ɔ nɛ: O wo o he nɔ gojoo ke mawu ji mo. O hii si ngɛ matsɛ sɛ nɔ; nɛ wo bɔle mo. Mo nɔmlɔ adesa a, o pee o he kaa mawu ko ji mo.

2 Tesalonikabi 2:4

E maa te si ngɔ wo nɔ́ tsuaa nɔ́ nɛ a tsɛɛ mawu, loo nɔ́ ko nɛ a jaa a, nɛ e ma wo e he nɔ ngɛ mɛ tsuo a nɔ. E ma ya hi Mawu sɔlemi we ɔ mi tete po, nɛ e ma de ke lɛ ji Mawu.

Ezekiel 29:3

De lɛ ke bɔ nɛ Nyɔmtsɛ Yawɛ ngɛ Egipt matsɛ ɔ dee ji nɛ ɔ nɛ: Mo wo mi lohwe gbeyegbeye, i kɛ mo ná. O ke Nilo pa a o nɔ, nɛ mo lɛ o pee.

Mateo 11:23

Nɛ mo, Kapernaum, tse o ngɛ blɔ hyɛe kaa a ma wo o nɔ kɛ ya hiɔwe lokoo? Siu! Dla o he! Abosiami la a mi mohu a ma sake mo kɛ fɔ! Nyakpɛ ní babauu nɛ a pee ngɛ o mi ɔ, a ya pee ngɛ Sodom jinɛ e ko hi si kɛ ba si mwɔnɛ ɔ.

Zefania 2:15

Ma nɛ e mi bi woɔ a he nɔ, nɛ a fĩaa ngɔ fɔɔ mɛ nitsɛmɛ a he wami nɔ, nɛ a deɔ a he ke ma ko be nɛ kɛ mɛ sɔ ɔ, nɔ́ nɛ maa ba jamɛ a ma a nɔ ji nɛ ɔ nɛ. Nineve maa pee ma doku, nɛ pu mi lohwehi ma ba jɔɔ a he ngɛ lejɛ ɔ. Nɔ tsuaa nɔ nɛ ma ba be ngɛ lejɛ ɔ, ma huanya e yi, nɛ e ma de ke, “Tsia!”

Ezekiel 27:3

Tiro ji wo nya ma nguaa, nɛ e kɛ je mahi tsuo yeɔ jua kɛ yaa wo se tsitsaa. De lɛ ke bɔ nɛ Nyɔmtsɛ Yawɛ ngɛ lɛ dee ji nɛ ɔ nɛ: “Tiro ma, o wo o he nɔ, nɛ o fĩa ke, ‘Ye he ngɛ fɛu kɛ pi si.’

Yesaya 2:2

Hwɔɔ se ko ɔ, Yawɛ we ɔ maa ma yo gagaa ko yi mi; yo nɛ ya hiɔwe gojoo pe yo ɔmɛ tsuo yi mi e maa ma. Je ma amɛ tsuo ma bu yuu kɛ ba e he,

La 48:2

Zion yo ɔ nɛ ngɛ omleyi je lokoo ɔ, lɔ ɔ ji matsɛ kpetekpleenyɛ ɔ ma. Yo klɔuklɔu ɔ nɛ maa si glouu kɛ e he fɛu ɔ, lɔ ɔ lɛ haa je ɔ tsuo bua jɔmi.

Ezekiel 28:9

Ke e ba mi ja a, anɛ o ma nyɛ ma de ngɛ ni nɛmɛ nɛ ngɛ mo gbee ɔ a hɛ mi ke mawu ji mo lo? O maa le kaa nɔmlɔ adesa kɛkɛ ji mo.

Luka 10:15

Nɛ mo Kapernaum! Tse o hla kaa o ma wo o he nɔ kɛ ya hiɔwe lokoo! Yoo, a maa ngɔ mo ngɔ fia si, nɛ o hɛ mi ma kpata!”

Hiob 20:6

Ke e nɔ kuɔ kɛ ya su hiɔwe, nɛ e yi ya pi bɔku po,

Yeremia 49:16

O he nɔ womi ɔ sisi mo. Nɔ ko nɔ ko pa yi mo gbeye hu kaa bɔ nɛ o susuu ɔ. O hi he ji tɛ sa amɛ a kpɛ, ngɛ yo ɔmɛ a yi mi. E ngɛ mi kaa o hi he ngɛ hiɔwe lokoo kaa kɔle hi he mohu, se kɛ̃ Yawɛ ma je mo kɛ je lejɛ ɔ, nɛ e maa ba mo si. Yawɛ lɛ de.”

Ezekiel 31:10

“Jehanɛ lɛɛ, jamɛ a tso ɔ nɛ bɔ kusuu, nɛ e nɔ kuɔ gojoo kɛ su bɔku mi tɔɔ ɔ, imi Nyɔmtsɛ Yawɛ nitsɛ ma tsɔɔ mo nɔ́ nɛ maa ba e nɔ. Akɛnɛ e nɔ kuɔ gojoo he je ɔ, e wo e he nɔ nɛ e fĩa;

Ezekiel 40:2

I na ngɛ nina a mi nɛ Mawu mumi ɔ ngɔ mi kɛ ba Israel zugba a nɔ; nɛ e ngɔ mi ya fɔ yo gagaa ko yi mi. I na nɔ́ ko kaa ma ngɛ yo ɔ nɔ ngɛ ye hɛ mi.

Daniel 5:20

Se akɛnɛ e wo e he nɔ, nɛ e wa tue, nɛ e pee yi wu tso níhi he je ɔ, a je lɛ kɛ je e matsɛ sɛ ɔ nɔ, nɛ e hɛ mi nyami ɔ bɔ lɛ.

Daniel 11:36

“Siria matsɛ ɔ maa pee e suɔmi nya ní. E ma wo e he nɔ, nɛ e maa pee lɛ kaa e kle pe mawu ɔmɛ tsuo. Mawu Ope ɔ nitsɛ po, e maa tu musu munyuhi kɛ si lɛ hluu kɛ yaa si be nɛ Mawu maa gbla e tue. Ejakaa nɔ́ nɛ Mawu to kaa e maa pee ɔ, ja e pee.

Obadia 1:3

O he nɔ womi ɔ sisi mo. O matsɛ ma a, a fia gbogbo kɛ wo he ngɛ tɛ sa nɔ; o hi he ngɛ yo ɔmɛ a nɔ tsitsaa, lɔ ɔ he ɔ, o deɔ ngɛ o yi mi ke, ‘Mɛnɔ po ma nyɛ maa gbla mi kɛ ba zugba?’