Yesaya 14:12 - BAIBLO ALOO NGMAMI KLƆUKLƆU Ɔ

¹² “Babilonia matsɛ, mo nɛ́ o ngɛ kaa nɔkɔ nɛ kpɛɔ hleii makɛ ɔ, o je hiɔwe ba nɔ si bum! Be ko nɛ be ɔ, o ye mahi a nɔ kunimi, se jehanɛ lɛɛ a tsɛ̃ mo ko si.

Yesaya 14:12 ပူးပေါင်းရင်းမြစ်များ

Luka 10:18

Yesu he nɔ ke, “I na Satan nɛ je hiɔwe ba nɔ si kaa oslabai nɛ tsɔ.

Kpojemi 8:10

Bɔfo etɛne ɔ kpa e titimati ɔ, nɛ dodoe nguaa ko nɛ ngɛ kpɛe kaa jatɛ je hiɔwe ba nɔ pahi, kɛ nyu hɛngmɛhi a mi dlami etɛ mi kake a mi.

Kpojemi 22:16

“Imi Yesu lɛ i tsɔ ye bɔfo ɔ, konɛ e ba fiɛ ní nɛ ɔmɛ ngɔ tsɔɔ nyɛ ngɛ asafo ɔmɛ a mi. Imi ji David nina a nɛ. Imi ji nɔkɔ nɛ ngɛ kpɛe ɔ nɛ.”

2 Petro 1:19

Lɔ ɔ he ɔ, wa na kaa munyuhi nɛ gbali ɔmɛ tu ɔ ba mi niinɛ. Nyɛ hu ke nyɛ bɔ mɔde nɛ nyɛ bu tue ɔ, e maa hi ha nyɛ; ejakaa e ngɛ kaa la nɛ ngɛ tsoe ngɛ diblii mi kɛ yaa si je maa na, nɛ nɔkɔ la a ma kpɛ ngɛ nyɛ tsui mi.

Yesaya 34:4

Pu, nyɔhiɔ, kɛ dodoe ma puplee maa pee kaa bunyuku. Hiɔwe ma koklo kaa womi kpo; nɛ dodoehi maa hɔle kɛ pue si kaa bɔ nɛ wai, loo ngmɔkɔ tso hɔleɔ ba kɛ pueɔ si ɔ.

2 Petro 2:4

Bɔfohi nɛ pee yayami ɔ, Mawu ngɔɛ a he ngɔ ki mɛ, se mohu e tsitsɛɛ mɛ ngɔ wo gbeje muɔ mi. A fi mɛ ngɔ wo diblii mi, nɛ a maa hi mlɛe ngɛ lejɛ ɔ hluu kɛ yaa si kojomi ligbi ɔ.

Kpojemi 9:1

Jehanɛ ɔ, bɔfo enuɔne ɔ kpa e titimati ɔ, nɛ i na dodoe ko nɛ je hiɔwe ba nɔ zugba, nɛ a ha lɛ muɔ voo ɔ nya safe ɔ.

Yeremia 50:23

Babilonia, hamle ngua a nɛ ngɛ je ɔ tsuo ywiae dukuduku ɔ, hyɛ bɔ nɛ lɛ hu a ku lɛ ngɔ pue si mwɔnɛ nɛ ɔ! Kɛ ba lɛ kɛɛ loko Babilonia ba plɛ pee ma doku ngɛ je ma amɛ a kpɛti ɔ?

Yesaya 13:10

Dodoe tsuaa dodoe, kɛ dodoe kuu ɔmɛ nɛ a ngɛ hiɔwe ɔ be kpɛe hu. Ke pu je po, diblii maa wo, nɛ nyɔhiɔ hu be kpɛe.

Yeremia 51:53

Ke Babilon kuɔ kɛ ho hiɔwe ya nɛ e ya ma mɔ nɛ he wa ngɛ lejɛ ɔ tete po, ma tsɔ nihi kɛ ya lejɛ ɔ nɛ a ya kpata e hɛ mi. Imi, Yawɛ lɛ i de.”

Kɔmɔ Yemi 2:1

Benɛ Nyɔmtsɛ ɔ mi mi wo la a, e ha nɛ bɔku ha Zion nɔ. E kpɔ́ Israel he fɛu ɔ kɛ je hiɔwe kɛ ba pue zugba. Ligbi ɔ nɛ e mi mi fu ɔ, e kua lɛ nitsɛ e we pohu.

Ezekiel 26:17

A ma la mɔbɔ la kɛ nyɛ ya ha mo kikɛ nɛ ɔ: Mo ma nɛ o he biɛ kaa wo nya ma nɛ he wa, a kpata o hɛ mi pɛsɛpɛsɛ kɛ je wo ɔ nɔ! Jinɛ o kɛ o mi bi nyɛ he ngɛ gbeye ngɛ wo ɔmɛ a nɔ; nyɛ haa sawale nuu wo nya ma amɛ tsuo!

Obadia 1:4

O ya pee o hi he ngɛ hiɔwe lokoo kaa kɔle tsu, nɛ e peeɔ mo kaa dodoehi a kpɛti nɛ o ngɛ. Se kɛ ɔ, ma gbla mo kɛ ba zugba.” Yawɛ lɛ de.