Yesaya 13:9 - BAIBLO ALOO NGMAMI KLƆUKLƆU Ɔ

⁹ Yawɛ ligbi ɔ nɛ ngɛ gbeye ɔ ma; a maa na e mi mi fumi nɛ nya wa a, kɛ e hɛdɔ ɔ. Je ɔ tsuo hɛ mi ma kpata; a ma kpata yayami peelɔ tsuaa yayami peelɔ hɛ mi.

Yesaya 13:9 ပူးပေါင်းရင်းမြစ်များ

Malaki 4:1

Yawɛ Tabohiatsɛ ɔ ke, “Be ma nɛ he woli, kɛ yayami peeli tsuo maa sã kaa bɔ nɛ nga sãã ngɛ flɔɔnɔɔ mi ɔ. Jamɛ a be ɔ, a maa sã pɛsɛpɛsɛ, nɛ a he nɔ́ ko nɔ́ ko be piɛe.

Nahum 1:6

Ke e mi mi fu ɔ, mɛnɔ ma nyɛ maa da nya? Ke e hɛ dɔ wawɛɛ ɔ, mɛnɔ yi ma na wami? Ke e je e mi mi la glegleegle ɔ kpo ɔ, tɛ sahi peeɔ wɔtsɔwɔtsɔ kaa bunyuku ngɛ e hɛ mi.

Yesaya 13:6

Nyɛ kpa bubuubui! Yawɛ ligbi ɔ su jehanɛ. Ligbi nɛ Tabohiatsɛ ɔ ma kpata níhi a hɛ mi ji nɛ ɔ nɛ.

Nahum 1:2

Yawɛ Mawu ɔ, a kɛ lɛ plee we nɔ́ he; e gblaa nihi nɛ tee si kɛ woɔ lɛ ɔ a tue. E gblaa e he nyɛli ɔmɛ a tue bɔ nɛ sa mɛ kɛ yeɔ e he lue.

La 104:35

Yayami peeli tsuo a hɛ mi nɛ kpata, konɛ yiwutsotsɛmɛ ko hi je ɔ mi hu. Ma je Yawɛ yi. Ee, nyɛ je Yawɛ yi.

Abɛ Womi 2:22

Se yiwutsotsɛmɛ, kɛ yayami peeli lɛɛ Mawu ma kpata a hɛ mi kaa bɔ nɛ a hiaa tso ngɛ zu mi kɛ fɔɔ si ɔ.

Kpojemi 18:8

Enɛ ɔ he je ɔ, haomi nɛ ɔmɛ maa ba e nɔ ligbi kake too: gbenɔ hiɔ, aywilɛho, kɛ hwɔ. Nɛ a kɛ la maa sã lɛ, ejakaa Nyɔmtsɛ Mawu ɔ nɛ maa kojo lɛ ɔ, e kle.”

Yesaya 9:19

Akɛnɛ Yawɛ Tabohiatsɛ ɔ mi mi fu he je ɔ, e tue gblami ɔ nya wa kaa la nɛ ngɛ nimli tsuo a hɛ mi kpatae ngɛ zugba a nɔ. Nɔ tsuaa nɔ ngɛ lɛ nitsɛ e wami he plee.

Ezekiel 13:5

Israel ma a gbogbo ɔ hehi nɛ ku kɛ pueɔ si ɔ, a ya bui ngɛ lejɛ ɔmɛ, nɛ a dla we nɛ a fia gbogbo ɔ kɛ wo ma a he. Lɔ ɔ he ɔ, ma a be ta a nya nyɛe maa da ngɛ Yawɛ ligbi ɔ nɔ.

Yoel 1:15

Yawɛ ligbi ɔ su ta; ligbi nɛ Ope ɔ ma kpata wa hɛ mi ɔ su. E maa pee gbeye jamɛ a ligbi ɔ!

Yoel 2:31

Pu maa wo diblii, nɛ nyɔhiɔ maa pee tsutsuu kaa muɔ. Lɔ ɔ se loko Yawɛ ligbi nguaa nɛ ngɛ gbeye ɔ maa ba.

Nahum 1:8

E kpataa e he nyɛli ɔmɛ a hɛ mi pɛsɛpɛsɛ kaa bɔ nɛ pa nguaa nɛ ngɛ bee kɛ fo kpataa níhi a hɛ mi ɔ; e gbeɔ nihi nɛ tee si woɔ lɛ ɔ.

Zakaria 14:1

Hyɛ, be ko ma ha Yawɛ! Jamɛ a be ɔ, nyɛ níhi nɛ a ha a, a maa dla ngɛ nyɛ hɛ mi paa.

Yesaya 2:12

Jamɛ a be ɔ, Yawɛ Tabohiatsɛ ɔ maa ba he walɔ tsuaa he walɔ si; e maa ba he wolɔ kɛ he nɔ wolɔ, tsuo si.

Yesaya 34:8

Yawɛ to be ko nɛ e ma he Zion yi wami, nɛ e maa gbla a he nyɛli ɔmɛ a tue.

Yesaya 63:4

I pee ye yi mi momo kaa ma gbla he nyɛli ɔmɛ a tue; lɔ ɔ he ɔ, ma he ye ma a yi wami; ejakaa be ɔ su jehanɛ.

Yesaya 66:17

Yawɛ ke, “Nihi nɛ tsukɔɔ a he, nɛ a peeɔ a he klɔuklɔu kɛ haa wɔ jami, nɛ a toɔ slɛnɛɛ kɛ yaa abɔɔhi a mi ya yeɔ kpotoo lo, kɔkue, kɛ níhi nɛ a hiee ɔ, a nyagbe maa pee gbeye.

Ezekiel 30:3

Ligbi ɔ su ta. Ligbi ɔ nɛ Yawɛ ma tsu nyakpɛ ní ɔ maa pee aywilɛho, kɛ amanehlu be nitsɛ kɛ ha ma amɛ.

Yoel 2:1

Nyɛ kpa titimati ngɛ Zion, ngɛ Mawu yo klɔuklɔu ɔ nɔ. Nyɛ Yuda zugba a nɔ bi tsuo, nyɛɛ ye gbeye, nɛ nyɛ he nɛ do blibliibli! Ejakaa Yawɛ ligbi ɔ su ta.

Zefania 1:15

Jamɛ a ligbi ɔ, Mawu mi mi ma fu wawɛɛ nitsɛ; nihi a yi ma fi, nɛ a maa hao; a ma kpata níhi a hɛ mi basabasa; bɔku yumu tslitsliitsli maa wo, nɛ je ɔ mi maa pee tuu.