Yesaya 13:5 - BAIBLO ALOO NGMAMI KLƆUKLƆU Ɔ

⁵ A je tsitsaa je mi nyagbe he ɔmɛ tsuo kɛ ma. Yawɛ kɛ e mi mi fumi ɔ ma kpata zugba a tsuo hɛ mi.

Yesaya 13:5 ပူးပေါင်းရင်းမြစ်များ

Samuel II, 1:27

“Oo, hyɛ bɔ nɛ katsɛmɛ kpanaa amɛ gbo kɛ pueɔ si ngɛ ta mi ha! Oo, hyɛ bɔ nɛ a ta hwumi ní ɔmɛ fɔɔ si gu ha!”

Yesaya 10:5

Bɔ nɛ Yawɛ de ji nɛ ɔ nɛ: “Asiria, o ngɛ kaa to tsɔmi tso ko nɛ i kɛ gblaa nihi nɛ woɔ ye mi mi la a a tue.

Yesaya 13:17

Yawɛ ngɛ dee ke, “Ma ha nɛ Media bi ɔmɛ ma ba tua Babilon. Media bi ɔmɛ lɛɛ a bui sika hiɔ, nɛ a hɛ kɔɛ sika tsu nɔ.

Yesaya 24:1

Yawɛ ma kpata zugba a hɛ mi, nɛ zugba a maa fɔ si gu. E ma plɛ zugba a hɛ mi bu si, nɛ nihi nɛ ngɛ nɔ ɔ, e maa gbɛ mɛ ngɔ fĩa.

Yesaya 26:20

Ye ma, nyɛ ya sɛ nyɛ we ɔmɛ a mi, nɛ nyɛɛ ngmɛ sinya amɛ a mi ngɔ wo nyɛ yi. Nyɛɛ laa nyɛ he be kpiti ko kɛ yaa si Mawu mi mi fumi ɔ nya maa be.

Yesaya 30:27

Yawɛ biɛ ngɛ pɛe ngɛ tsitsaa kɛ ma. E mi mi fu wawɛɛ nitsɛ kaa la su ku kpii nɛ ngɛ si tee. Munyuhi nɛ ngɛ e nya mi jee ɔ, abofu sɔuu kaa la nɛ puɛɔ ní.

Yesaya 34:2

Yawɛ mi mi fu je ma amɛ tsuo, nɛ e hɛ dɔ kɛ wo ta buli ɔmɛ tsuo. E gbiɛ mɛ, nɛ e ngɔ mɛ ngɔ ha ke a gbe mɛ.

Yesaya 48:14

“Nyɛ tsuo nyɛ ba bua nyɛ he nya nɛ nyɛɛ bu tue! Nyɛ mawu ɔmɛ a ti mɛnɔ gba enɛ ɔ kɛ to? Nɔ nɛ imi Yawɛ, i suɔ lɛ ɔ, ma ba pee nɔ́ nɛ sa imi Yawɛ ye hɛ mi, nɛ e ma kpata Babilon hɛ mi butuu.

Yesaya 5:26

Yawɛ pee okadi ko kɛ tsɛ ma ko kɛ je ma se lokoo. E kpa bɛ kɛ tsɛ mɛ kɛ je je ɔ nyagbe he ɔmɛ. O nɛ mɛ nɛ a ma kɛ fo esɔesɔ.

Yesaya 66:14

Ke enɛ ɔ ba mi ɔ, nyɛ ma na bua jɔmi. Nyɛ ma na he wami he. Lɔ ɔ loko nyɛ maa le kaa imi Yawɛ ɔ, nihi nɛ buɔ mi tue ɔ, i piɛɔ a he, nɛ i kɛ abofu gblaa ye he nyɛli a tue.”

Yesaya 7:18

“Ke jamɛ a be ɔ su ɔ, Yawɛ ma kpa bɛ kɛ tsɛ Egipt kɛ Asiria bi ɔmɛ. Egipt bi ɔmɛ ma bu kɛ je pa amɛ a nya kɛ ba babauu kaa anunuhi, nɛ Asiria bi ɔmɛ hu maa je a zugba a nɔ ja nɔuu kaa hwo bihi.

Yeremia 50:25

I bli ye ta hwumi níhi a to he ɔ, nɛ i kɛ abofu je ta hwumi ní ɔmɛ kpo, ejakaa imi Yawɛ Tabohiatsɛ ɔ, i ngɛ ní tsumi nɛ ma tsu ngɛ Babilonia.

Yeremia 50:3

“Je ma ko hia kɛ je omleyi je kɛ ma nɛ e ba tua Babilonia. A ma kpata zugba a hɛ mi, nɛ a maa pee lɛ butuu; nɛ nɔ ko nɔ ko be lejɛ ɔ hie hu. Nimli kɛ lohwehi tsuo maa tu fo kɛ je.”

Yeremia 50:9

Ma ya sú je mahi babauu nɛ a he wa kɛ je omleyi je kɛ wo Babilonia he. A ma gba ta kɛ wo zugba a, nɛ a maa ngɔ lɛ. Ta buli kpanakpanaahi ji mɛ. A dɛ nya da, nɛ ke a tsɛ̃ kɛ̃ɛ̃ ɔ, e bi nɔ́ he kɔkɔɔkɔ.

Yeremia 51:11

Yawɛ ha nɛ Media matsɛmɛ ɔmɛ a mumi te si, konɛ a ya kpata Babilonia hɛ mi. Bɔ nɛ e to nɛ e maa ye e he lue, nɛ e maa gbla Babilonia tue ngɛ lɛ Yawɛ, e we ɔ nɛ a ble ɔ he ji nɛ ɔ nɛ. Tatsɛmɛ ɔmɛ nɛ nyɛɛ ta a hɛ mi ɔ fa ke, “Nyɛɛ duɔ nyɛ kɛ̃ɛ̃ mi bi ɔmɛ a nya! Nyɛ wo nyɛ tsɛ̃i ɔmɛ a nɔ!

Yeremia 8:19

Nyɛɛ bu tue! Ngɛ zugba a tsuo nɔ ɔ, i nu nɛ ye ma a ngɛ ngmlaa kpae nɛ a ngɛ bie ke, “Anɛ Yawɛ be Zion hu lo? Zion matsɛ ɔ be ma a mi hu lo?” Yawɛ bi ke, “Mɛni he je lɛ nyɛ ya ja amagahi, nɛ nyɛɛ kɛ nɔ́ nɛ ɔ peemi wo ye mi mi la a? Mɛni he je lɛ nyɛ ya kpla si ha ma se wohi?”

Ezekiel 22:31

Lɔ ɔ he ɔ, i ngɔ abofu nɛ nya wa kɛ gbla a tue. Ye mi mi la a kpata a hɛ mi pɛsɛpɛsɛ ngɛ a ní yayamihi nɛ a pee ɔ a he!” Nyɔmtsɛ Yawɛ lɛ de.

Mateo 24:31

Titimati nguaa a maa pɛ, nɛ Nɔmlɔ Bi ɔ maa tsɔ e bɔfo ɔmɛ kɛ ya je ɔ kɔ nya eywiɛ ɔmɛ. A ma ya bua nihi nɛ e hla a a nya kɛ maa je he kake kɛ maa ya he kake.