Yesaya 13:2 - BAIBLO ALOO NGMAMI KLƆUKLƆU Ɔ

² Nyɛɛ si aflangaa ngɛ yo kpataa ko nɔ. Nyɛ kpa ngmlaa kɛ tsɛ ta buli ɔmɛ; nyɛɛ fɔ mɛ nine kɛ pee okadi ha mɛ ke a ya tua odehe ɔmɛ a ma a, nɛ a sɛ agbo ɔmɛ a mi.

Yesaya 13:2 ပူးပေါင်းရင်းမြစ်များ

Yeremia 51:58

A maa hule Babilonia gbogbohi kɛ a hɛ mi gbajagbajaa a ngɔ pue si, nɛ a maa mɛ agbo gagaaga amɛ a he la. Je ma amɛ tsu yaka ní pɛ; a gbo dengme kɛ ha la nɛ e ba sã. Imi, Yawɛ Tabohiatsɛ ɔ lɛ i de.”

Yesaya 5:26

Yawɛ pee okadi ko kɛ tsɛ ma ko kɛ je ma se lokoo. E kpa bɛ kɛ tsɛ mɛ kɛ je je ɔ nyagbe he ɔmɛ. O nɛ mɛ nɛ a ma kɛ fo esɔesɔ.

Yeremia 50:2

“Nyɛɛ fiɛ munyu nɛ ɔ kɛ ha je ma amɛ! Nyɛɛ si aflaangaa, nɛ nyɛɛ fiɛ! Nyɛ ko laa nɔ́ ko nɔ; nyɛ de ke, ‘A ngɔ Babilon oo, a ngɔ Babilon! Babilon mawu ɔ nɛ a tsɛɛ Marduk ɔ, a kpata e hɛ mi. A pue Babilon wɔ ɔmɛ a hɛ mi si, nɛ a ywia amaga amɛ dukuduku.’

Yeremia 51:25

Mo Babilonia nɛ o ngɛ kaa yoku, nɛ o ngɛ je ɔ tsuo hɛ mi kpatae, i kɛ mo na! Ma nu mo, nɛ ma kpɛne mo kɛ je tɛ sa amɛ a nɔ ba ko si, nɛ o maa pee kaa yo nɛ sã.

Yesaya 10:32

He nyɛli ɔmɛ ngɛ Nob ma a mi mwɔnɛ ɔ, nɛ a ma kɔ̃ kɛ ngɛ Zion yo ɔ, kɛ Yerusalem ma a tsɔɔe.

Yesaya 18:3

Nyɛ, nihi tsuo ngɛ je ɔ mi, nyɛɛ bu tue! Nyɛ maa na aflangaa ko nɛ a si ngɛ yo ɔmɛ a nɔ! Nyɛɛ bu tue; nyɛ maa nu nɛ a ngɛ titimati kpae!

Yesaya 11:15

Yawɛ ma kpata Egipt pa kɔni nɛ a tsɛɛ ke Suez ɔ hɛ mi pɛsɛpɛsɛ. E ma ha nɛ ahlabata kɔɔhiɔ maa fia ngɛ lejɛ ɔ, nɛ pa a ma gba maa pee pa tsɔwi kpaago, bɔ nɛ ke nɔ wo tokota po e ma nyɛ kɛ po.

Yesaya 11:12

Yawɛ maa si aflangaa kɛ pee okadi kɛ tsɔɔ je ma amɛ kaa Israel, kɛ Yuda ma amɛ nɛ a gbɛ fĩa je ɔ mi tsuo ɔ, e ngɛ a nya buae ekohu, konɛ e kpale mɛ kɛ ba we.

La 60:4

O si aflangaa ko ha ni nɛmɛ nɛ yee mo gbeye ɔ, konɛ a bua a he nya kɛ ba o ngɔ nɛ a hɛ mi ko kpata.

Yesaya 19:16

Be ma nɛ Egipt bi ɔmɛ maa pee a he fɔ̃li kaa yihi. Ke a na kaa Yawɛ Tabohiatsɛ ɔ miɔ nɛ e kɛ e he wami ɔ maa gbla a tue ɔ, a he ma bɔni domi blibliibli.

Yesaya 31:9

A matsɛ ɔ kɛ sawale maa tu fo kɛ je, nɛ ma nimeli ɔmɛ hu maa ye gbeye wawɛɛ nitsɛ, nɛ a maa ma fo kɛ je a ta aflangaa amɛ a he.” Yawɛ lɛ de. Lɛ ji Yawɛ nɛ a jaa lɛ ngɛ Yerusalem, nɛ a kɛ la sãã bɔ haa lɛ ngɛ lejɛ ɔ nɛ.

Yeremia 50:41

“Ma ko je omleyi je kɛ ma. Je ma agbo ko, kɛ matsɛmɛ babauu hia kɛ je tsitsaa lokoo kɛ ma.

Yeremia 51:12

Nyɛ wo aflaangaa amɛ a nɔ kɛ pee okadi nɛ a kɛ ma tua Babilon gbogbo ɔmɛ. Nyɛɛ hla buli kpakpahi, nɛ nyɛ ha nɛ a ya da a blɔ hehi! Nyɛ ha nɛ ka woli ɔmɛ nɛ a dla a he!” Bɔ nɛ Yawɛ to kaa e maa pee Babilonia bi ɔmɛ ɔ, ja e pee ɔ nɛ.