Yesaya 13:19 - BAIBLO ALOO NGMAMI KLƆUKLƆU Ɔ

¹⁹ Babilonia nɔ yemi ɔ ji nɔ yemi ko nɛ hɛ mi ngɛ nyami pe kulaa; nɛ lɔ ɔ he ɔ, e mi bi ɔmɛ fĩaa. Se imi Yawɛ, ma kpata Babilon hɛ mi pɛsɛpɛsɛ kaa bɔ nɛ i pee Sodom kɛ Gomora a!

Yesaya 13:19 ပူးပေါင်းရင်းမြစ်များ

Daniel 4:30

e de ke, “Nyɛɛ hyɛ bɔ nɛ Babilon kle agbo ha! Imi nitsɛ lɛ i po Babilon, nɛ i kɛ lɛ pee ye matsɛ ma, konɛ ma kɛ tsɔɔ ye he wami kpetekpleenyɛ ye biɛ, ye hɛ mi nyami, kɛ ye agboje.”

Mose I, 19:24

Tlukaa a, Yawɛ ha nɛ la nɛ ngɛ tsoe gegeege je hiɔwe pue Sodom kɛ Gomora a nɔ.

Zefania 2:9

Lɔ ɔ he ɔ, ligbi abɔ nɛ imi, Yawɛ Israel Mawu ɔ, ye hɛ ngɛ ɔ, i ngɛ kita kae ke ja a kpata Moab kɛ Amon ma amɛ a hɛ mi kaa bɔ nɛ a pee Sodom kɛ Gomora a. Moab kɛ Amon maa pee ma dokuhi; ma amɛ a mi maa hɛ kɛ hu, nɛ zugba a maa pee kaa nɔ́ nɛ a kɛ ngo pue lejɛ ɔ. Ye ma mi bi ɔmɛ nɛ a yi ma na wami ɔ maa ha a níhi, nɛ a maa ngɔ a zugba a.”

Amos 4:11

“I kpata nyɛ ti ni komɛ a hɛ mi kaa bɔ nɛ i pee Sodom kɛ Gomora ma amɛ ɔ. Ni nɛmɛ nɛ a he je mi ɔ ngɛ kaa la tso nɛ a hia kɛ je la mi. Se loloolo ɔ, nyɛ kpale we kɛ bɛ ye ngɔ.” Yawɛ lɛ de.

Yeremia 51:41

Bɔ nɛ Yawɛ de ngɛ Babilon he ji nɛ ɔ nɛ: “Kɛ e ba lɛ kɛɛ nɛ a ngɔ Babilon, ma nɛ je ɔ tsuo jeɔ e yi ɔ! Kɛ e ba lɛ kɛɛ loko Babilon ba pee nɔ́ nɛ a hiee ngɛ je ma amɛ tsuo a kpɛti kikɛ nɛ ɔ!

Yeremia 50:40

Ma kpata Babilon hɛ mi pɛsɛpɛsɛ kaa bɔ nɛ i pee Sodom, kɛ Gomora, kɛ kɔpehi nɛ bɔle ɔ. Nɔ ko nɔ ko be lejɛ ɔ hie hu. Imi, Yawɛ lɛ i de.

Yeremia 49:18

Kaa bɔ nɛ a kpata Sodom kɛ Gomora, kɛ kɔpehi nɛ bɔle mɛ ɔ a hɛ mi ɔ, ja pɛ a maa pee Edom; nɛ nɔ ko nɔ ko be lejɛ ɔ hie hu. Imi, Yawɛ lɛ i de.

Mose V, 29:23

La zu, kɛ ngo maa ha ngmɔ ɔmɛ tsuo a nɔ. Nɔ́ ko nɔ́ ko be hie dumi ngɛ nɔ hu, nɛ nga po be puɛe ngɛ nɔ. Nyɛ zugba a maa pee kaa Sodom kɛ Gomora, kɛ Adma kɛ Zeboiim nɛ Yawɛ kpata a hɛ mi benɛ e mi mi fu wawɛɛ ɔ.

Romabi 9:29

Kaa bɔ nɛ Yesaya de to momo ɔ, “Ke pi kaa Nyɔmtsɛ Ope ɔ nɛ ha wa nina a eko piɛ ɔ, jinɛ wa ní ko pee kaa Sodom kɛ Gomora pɛ.”

Kpojemi 18:11

Jua yeli nɛ ngɛ je ɔ mi tsuo hu maa wo yana, nɛ a ma nya awe ha lɛ, ejakaa nɔ ko nɔ ko be a guɛ ní ɔmɛ hee hu.

Kpojemi 18:19

A kɛ zu wo a yi mi, nɛ a wo yana, nɛ a nya awe. A kpa ngmlaa, nɛ a de ke, “Tsaoo! Akuanyɛ ha ma kpetekpleenyɛ ɔ! Lɛtsɛmɛ tsuo nɛ yeɔ jua ngɛ wo hɛ mi ɔ gu ní babauu nɛ e na a nɔ ba plɛ niatsɛmɛ. Nɛ ngmlɛfia kake too mi ɔ, ní babauu nɛ e na a tsuo bɔ lɛ!”

Mose I, 19:25

Nɛ Yawɛ kpata ma nɛ ɔmɛ, kɛ kɔ̃ ɔ, kɛ nimli tsuo nɛ ngɛ lejɛ ɔ, kɛ nɔ́ tsuaa nɔ́ nɛ puɛ ngɛ zugba a nɔ ɔ a hɛ mi.

Yesaya 13:1

Sɛ gbi nɛ kɔɔ Babilon tue gblami he nɛ Mawu ngɔ ha Yesaya, Amoz bi ɔ, ngɛ nina mi ji nɛ ɔ nɛ.

Yesaya 21:9

Tlukaa a, ta zugba lɛ kɛ e mi nimli, kɛ okpɔngɔ ta buli nɛ to enyɔɔnyɔ ji nɛ ɔ nɛ ba hia kpo. Kɛkɛ nɛ bulɔ ɔ kpa ngmlaa ekohu ke, “Babilon hɛ mi kpata oo, e hɛ mi kpata! Amaga amɛ nɛ a ngɛ jae ɔ tsuo ku pueɔ si!”

Yesaya 47:5

Yawɛ ngɛ Babilon dee ke, “Hii si dii ngɛ diblii mi; a be mo tsɛe ke je ma amɛ a manyɛ hu.

Yesaya 48:14

“Nyɛ tsuo nyɛ ba bua nyɛ he nya nɛ nyɛɛ bu tue! Nyɛ mawu ɔmɛ a ti mɛnɔ gba enɛ ɔ kɛ to? Nɔ nɛ imi Yawɛ, i suɔ lɛ ɔ, ma ba pee nɔ́ nɛ sa imi Yawɛ ye hɛ mi, nɛ e ma kpata Babilon hɛ mi butuu.

Yeremia 25:12

Jeha nyingmi kpaago ɔ se ɔ, ma gbla Babilonia matsɛ ɔ, kɛ ma a tue ngɛ a ní yayami ɔmɛ a he. Ma kpata Babilonia zugba a hɛ mi pɛsɛpɛsɛ kɛ ya neneene.

Yeremia 51:26

Tɛhi nɛ maa je o mi ɔ, a be eko ngɔe kɛ ma tsu; a kɛ be kɔ nya tɛ, loo tsu sisi tomi tɛ pee. Mohu ɔ, o maa pee kaa zugba kplanaa kɛ ya neneene. Imi, Yawɛ lɛ i de.

Yeremia 51:29

Yawɛ to e yi mi kaa e ma ha nɛ Babilonia zugba a maa pee kaa nga kplanaa nɔ, nɛ nɔ ko nɔ ko be lejɛ ɔ hie. Yawɛ yi mi tomi nɛ ɔ ba mi. Enɛ ɔ he je ɔ, zugba ngɛ mimiɛe, nɛ e ngɛ hosoe.

Yeremia 51:62

Lɔ ɔ se ɔ, moo sɔle nɛ o de ke, ‘Yawɛ, o de ke o ma kpata hiɛmɛ nɛ ɔ hɛ mi pɛsɛpɛsɛ, nɛ nɔmlɔ, loo lohwe be hiɛ ɔ hie hu. O de ke hiɛmɛ nɛ ɔ maa pee ma doku kɛ ya neneene.’